Ukwe Mbata na Ekpere Mmeghe maka Ụka nke mbụ n’Oge Adventi

UKWE MBATA – Abụọma 24:1-3
Chineke m, ebulitere m Gị mmụọ m elu. Atụkwasara m Gị obi. E kwela ka ihere mee m. E kwela ka ndị iro m chịgbuo m n’ọchị, maka na enweghị onye na-eche Gị ihere na-emegbu.
A naghị ekpe “Otito dịrị Chineke…”
EKPERE MMEGHE
Ka anyị rịo arịrịọ
(Ka ọbịbịa Kristi na-anụ anyị ọkụ n’obi)
Chetụ ntakịrị kpee ekpere n’ime obi
Chineke ji ike nile, biko mụbaa ike ezi omume nke ndị kwerenụ. Mgbe Kristi, Onye Nzọpụta anyị ga-abịa, ka anyị were obi na-anụ ọkụ na ezi ọrụ nabata Ya. Ka anyị bụ ndi I doro nsọ nweta ọnọdụ kwesịrị ekwesị n’aka nri Kristi n’alaeze eluigwe. Site n’Onyenweanyị Jesu Kristi Nwa Gị; Onye Gị na Ya dị ndụ, na-achị n ịdịkọ n’otu nke Mmụọ Nsọ, Otu Chukwu, site n’ụwatụwa nile, Amen.
Ma ọ bụ
Ka anyị rịọ arịrịọ
(Ka Kristi anyị na-eche, na-agụ anyị agụụ n’obi)
Chetụ ntakịrị kpee ekpere n’ime obi.
Nna nke eluigwe, obi anyị na-achọ okpomọku nke ịhụnanya Gị. Echiche anyị na-achọ Ihè nke ezi okwu Gị. Biko mụbaa agụụ na-agụ anyị n’obi, maka Kristi Onye Nzọpụta anyị. Nye anyị ike nke ịbawanye n’ịhụnanya; ka chi ọbụbọ nke ọbịbịa Ya zute anyị, ebe anyị ji añurị na-eche Ya. Onye Gị na Ya dị ndụ na-achị, n’ịdịkọ n’otu nke Mmụọ Nsọ, Otu Chukwu, site n’ụwatụwa nile, Amen.

error: Content is protected !!
Open chat
1
Catholic Lectionary
Hello 👋
How can I help you?