Connect with us

Igbo Feasts Readings

Igbo Mass Readings for September 14 2024, Emume Mmeri nke Obe

Published

on

Igbo Mass Readings for September 14 2024, Emume Mmeri nke Obe.

Nke a bụ Igbo Mass Readings for September 14 2024, Emume Mmeri nke Obe.

IHE ỌGỤGỤ NKE MBỤ – 21:4-9

Ihe Ọgụgụ e wetara n’akwụkwọ Ọnụọgụgụ

Ndị Izrel siri n’ugwu Họọ bilie ije, si n’ụzọ osimiri Mediterenia gaa Edọm gburugburu. Ma mgbe ha na-aga n’ụzọ, ha nwere nkolopu obi. Ha tamuru megide Chineke na Mosis sị, “Gịnị mere i ji kpọpụta anyị n’ljipt, ka anyị nwụchaa n’ịkpa ebe a?

Ihe oriri adịghị na ya. Ihe ọñụñụ adịghịkwa. Otu ụdị nri nke a na-atọ bụrịbụrị agbụla anyị!” Ya mere Yahweh zitere n’etiti ha ọtụtụ agwọ na-acha ka ọkụ nke nwekwara elo ọjọọ. Agwọ ndị a tagburu ọtụtụ n’ime ha.

Advertisement

Ya mere, ụmụ Izrel bịakwutere Mosis sị ya, “Anyị emehiela. N’ihina anyị kwutọrọ gị na Yahweh. Biko rịọrọ anyị Yahweh, ka o wepụrụ anyị agwọ ndị a.”

Mosis kpeere ndị Izrel ekpere. Yahweh gwara Mosis ka o were ọla, kpụọ agwọ na-acha ka ọkụ, kokwasa ya n’okporo osisi ọkọlọtọ, ka onye ọbụla agwọ ahụ tara lere anya na ya wee dị ndụ.

Ya mere, Mosis kpụrụ agwọ ọla ọkụ kokwasa ya n’okporo osisi ọkọlọtọ. Onye ọbụla agwọ ahụ tara, legidekwara agwọ ọla ọkụ ahụ anya, nwetakwara ahụ ike.

ABỤỌMA NA AZỊZA – Ps 78: 1-2, 34-35, 36-37, 38,

Azịza: Ụnụ echezọla ọrụ nke Dinwenụ

Advertisement

1. Geenụ ntị n’iwu nke a ndị nke m,

Geenụ ntị n’ihe m na-ekwu;

Aga m agwa ụnụ okwu n’ilu

were kọwapụta ihe omimi nke ndụ ụnụ gara aga. Azịza

Advertisement

2. Mgbe ọbụla o gbuwere ha, ha na-achọ ya;

ha na-echegharị were obi ha niile chọba Chineke.

Ha chetara na Chineke bụ okwute ji ndụ ha,

Chineke kacha elu, onye nzọpụta ha. Azịza

Advertisement

3. Mana ha ji egbugbere ọnụ ha efe ya;

okwu ha niile bụ okwu asị,

obi ha akwụsịghị ike n’ebe ọ nọ,

ha edebeghịkwa ọgbụgbandụ ya. Azịza

Advertisement

4. N’agbanyeghị nke a, n’ihina ọ dị obi ebere

ọ gbaghaara ha mmehie ha niile,

were ghara ịla ha n’iyi;

ọtụtụ oge ka ọ na-ejide iwe ya n’ekweghị ka ọ dị ọkụ. Azịza

Advertisement

IHE ỌGỤGỤ NKE ABỤỌ – 2:6-11

Ihe Ọgụgụ e wetara n’akwụkwọozi Pọl degaara ndị Filipi

Jesu, Onye agbanyeghị na ọ dị na ụdị Chukwu, mana o weghị onwe ya na ya na Chukwu ha dịka ihe a ga ejide aka. O buturu onwe ya ala, were onwe ya n’ọnọdụ odibo, a mụọ ya n’ụdị mmadụ.

A hụrụ ya n’ụdị nke mmadụ, o buturu onwe ya ala wee rube isi ruo n’ọnwụ, ọnwụ n’elu obe. N’ihi nke a, Chineke buliri ya elu, nye ya aha kacha aha niile, ka o wee bụrụ na n’aha Jesu ka ikpere niile ga-egbu n’ala, ma n’eluigwe, ma n’ụwa ma n’okpuru ụwa, ire niile ga-ekwupụta na Jesu Kristi bụ Dinwenụ maka otito nke Chukwu Nna.

MBEKU

ALLELUIA, ALLELUIA:

Advertisement

Anyị esekporo gị Jesu anyị enye gị ekele, maka na obe gị dị asọ ka I jiri gbapụta ụwa.

ALLELUIA.

OZIỌMA – 3: 13-17.

Ihe Ọgụgụ e wetara n’Oziọma dị asọ nke Jọn dere

O nwebeghị onye ọbụla rịgorola n’eluigwe mbụ ma ọ bụghị nanị Nwa nke mmadụ onye si n’eluigwe rịdata. Dịka Mosis si welie agwọ elu n’ime ọzara, otu ahụ ka a ga-esi welie Nwa nke mmadụ elu.

Advertisement

Ka onye ọbụla nke kwere na ya wee nwee ndụ ebeebe. N’ihina Chineke hụrụ ụwa n’anya otu a, nke na o nyere sọ otu nwa ya ka onye ọbụla nke kwere na ya ghara ịla n’iyi kama ka o nwee ndụ ebeebe.

Chineke zitere nwa ya n’ime ụwa, Ọ bụghị ka ọ maa ya ikpe kama ka azọpụta ụwa site n’aka ya.

Igbo Mass readings for September 15 2024, Ụka nke Iri Abụọ na anọ n’Oge Na-Adanyeghị N’Emume – Afọ nke Abụọ

Igbo Mass Readings for September 14 2024, Emume Mmeri nke Obe.

Advertisement

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.