Igbo Mass Readings for Friday of Second Week of Lent

FRAIDEE IZU UKA NKE ABUO N’OGE AHUHU KRISTI.

EKPERE MMEGHE
Nna Onye ebere, mee ka opipia anyi na-eme ritere anyi mgbaghara Gi, meghee obi anyi inabata ihunaanya Gi, ma kwadokwa anyi maka oriri nke mbilite n’onwu na-abianu. Site na Dinwenu anyi Jesu Kristi …

Ihe Ogugu nke mbu: 37:3-4,12-13, 17-28
Ihe ogugu ewetara n’Akwukwo Mbido (Jenesis)
Izrel huru Josef n’anya karia umunwoke ndi ozo niile o mutara maka na o bu nwa o mutara n’agadi; Okwaara Josef uwe nwuda nke nwere aka ogologo. Ma mgbe umunne Josef huru ka nna ha siri hu ya, n’anya karia ha, o wutere ha nke ukwuu, ha wee kpo ya asi. Ha anaghi agwa ya okwu oma.
Umunne ya gara izu aturu nna ha na Shekem. Izrel agwa Josef si, “Umunne gi gara izu aturu na Shekem. Bia ka m ziga gi ebe ahu.” Ya mere Josef chooro umunne ya gaba, chota ha na Dotan. Mgbe ha huru ya ka o na-abia n’ebe di anya, ha gbakoo, gbaa izu ka ha ga-esi gbuo ya. Ha kwuru si: “Lee onye oronro ka o na-abia. Bianu ka anyi gbuo ya tunye ya n’olulu mmiri. Anyi nwere ike ikwu na anu-ohia tagburu ya. Ka anyi marazie ka nro ndi ahu o roro ga-esi wee mee. Mana ka Ruben nuru izu a, o gbara mbo hu na ha egbughi Josef. O gwara ha si, “Anyi agaghi egbu ya. Unu akwafula obara, kama tunyenu ya n’ime olulu mmiri a di n’ikpa, mana unu egbukwala ya.” The o ji nye ha ndumodo a bu e mechaa, ka o kporo Josef kpogara nna ha. Ya mere ka Josef rutere n’ebe umunne ya no, ha jidere ya yipu ya uwe aka ogologo ya tunye ya n’olulu mmiri adighi. Ha wee noduzie ala malite iri nri. Mgbe ha letiri anya, ha huru ndi Ishmel si obodo Giled alota, inyinyaibu ha bu: uda, mgborogwu osisi na eso osisi na-esi isi uto na-aga Ijipt. Juda wee gwa umunne ya si, “Kedu uru anyi ga-erite ma anyi gbuo nwanne anyi kpuchie obara ya?
Ngwanu ka anyi kpuru ya resi ndi Ishmel kama ime ya ihe ojoo. Matakwanu na o bu nwanne anyi onye anyi na ya bu otu ahu.” Ha wee kwere n’ihe o kwuru. Ugbu a e nwere ndi mgbere ahia Midian na-agafeta. Ha adoputa Josef resi ya ndi Ishmel. Ha rere ya iri olaocha abuo. Ndi ahu akpuruzie Josef gaba Ijipt.
ABUOMA NA AZIZA: Ps:105: 16-17, 18-19, 20-21.

Aziza: Chetanu oru ebube niile Onyenweanyi ruru.

  1. Mgbe o mere ka ugani daa n’ala ha,
    mee ka nri ha niile gwu,
    o zipuru otu nwoke tupu ha eruo,
    Josef, onye nke e erere dika ohu. Az./
  2. Ha ji agbu merusia ukwu ya ahu,
    ha were igwe nyanye ya n’olu;
    Mgbe oge ruru, amuma Josef mere ka o siri kwuo,
    okwu nke Onyenweanyi gbaara ya aka ebe. Az./
  3. Eze wee nye iwu ka a tohapu ya.
    Onye nke na-achi mba niile wee zoputa ya,
    o mere ya o buru onye isi ezi n’ulo ya,
    onye na-elekota aku na uba ya anya. Az./
    MBEKU: Amos 5,14
    Az./
    Choba ezi ihe kama ajo ihe, ka unu wee di ndu, ka Yahweh nke igwe ndi agha wee nonyere unu. Az./
    OZIOMA: 21:33-4314
    Ihe ogugu ewetara n’Ozioma di aso nke Matiu dere.

Jesu gwara ndi nchu-aja na ndi okenye oha mmadu ahu si, “Nurunu ukabuilu ozo. O nwere otu onye nwere ezi n’ulo. O koro ugbo Vain, gbaa ya ogige gburugburu, bia wuo ulo elu nche maka ugbo ya. O hanyere ya n’aka ndi nlekota, were gaa n’obodo ozo. Mgbe oge igho mkpuru ruru, nwoke ahu zigara umu odibo ya ka ha gaa natara ya ndi nlekota ubi ya mkpuru si n’ugbo ya. Ha jidere umu odibo nwoke ahu, tie otu ihe, gbuo nke ozo ma tuokwa nke ozo okwute. Ozokwa, o zigara umu odibo di otutu karia ndi nke mbu, ma ndi nlekota ahu mekwara ha otu ha si mee ndi nke mbu. E mechaa o zigara ha nwa ya nwoke si, ‘Ha ga-asopuru nwa m.’ Ma mgbe ndi nlekota oru ubi ahu huru nwa ya, ha gbaritara izu si, ‘Onye a bu onye ga-anochi anya ya, bianu ka anyi gbuo ya ka aku na uba nna ya buru nke anyi.’ Ha jidere ya, kpopu ya n’ubi Vain ahu wee gbuo ya. Mgbe onye nwe ubi ahu biara, ole ihe unu chere na o ga-eme ndi nlekota a?
Ha zara ya si, ‘O ga-ala ndi ojoo ahu n’iyi bia O nyefee ubi ahu n’aka ndi nlekota ozo, ndi ga-enye ya mkpuru ya’ mgbe oge ruru. Jesu juru ha si, “O bu na unu agutabeghi ihe e dere n’ime Akwukwo Nso: Okwute nke ndi na-ewu ulo juru aju aburula ide ji ulo. Nke a bu akaoru nke Onyenweanyi, 0 turu anyi n’anya.” Ya bu agwa m unu, a ga-anapu unu alaeze Chineke were ya nyefee n’aka mbao ga-amiputa ezi mkpuru.
EKPERE NHUNYE
Chineke, Onye ebere, kwadoo anyi nke oma maka emume ihe omimi ndi a. Nyere anyi aka n’ibiputa na ndụ anyi Ihunaanya nkeha na ekwuputa. Anyi na-ario Gi ihe ndia site na Kristi Dinwenu anyi. Amen.

EKPERE ANATACHAA ORIRI NSO
Dinwenu, mee ka oriri nke aweta ezi mgbanwo na ndụ anyi nke ga-eme ka anyigbadosie anya ike n’icho nzoputa nke I kwere anyi na nkwa. Mezuoro anyi ihe ndi a site na Kristi Dinwenu anyi. Amen.

error: Alert: Content is protected !!