Igbo Mass Readings October 7, 2020, Marịa, Ezenwanyị Nke Rosarị

Igbo Mass Readings October 7 2020, Nne Anyị Dị Asọ, Ezenwanyị Nke Rosarị.

Igbo Mass Readings October 7 2020, Nne Anyị Dị Asọ,  Ezenwanyị Nke Rosarị.
Igbo Mass Readings October 7 2020, Nne Anyị Dị Asọ, Ezenwanyị Nke Rosarị.

IHE ỌGỤGỤ NKE MBỤ        1:12-14

Ihe ọgụgụ e wetara n’Ọrụ Ndịozi

Mgbe ahụ ndịozi iri na otu ahụ siri n’ugwu a na-akpọ Olivet dị Jerusalem nso laghachi Jerusalem ihe dịka njem otu ụbọchị izuike.

Mgbe ha batara Jerusalem, ha rịgooro n’ime ụlọ ahụ dị n’ụlọ elu, ebe ha nọbu. Ndịozi ndị a bụ Pịta, Jọn, Jemis, Andru, Filip, Tọmọs, Batolomi na Matiu, Jemis nwa Alfeus, Saịmọn nke Zilọt na Judas nwa Jemis.

Ndị a niile ji otu obi nọgidesie ike n’ekpere, ha na ụmụnwaanyị ụfọdụ na Meri nne Jesu na ụmụnne ya.

ABỤỌMA NA AZỊZA YA: Lk 1:46-47, 48, 49-50, 51-52, 53-54, 55-56

Azịza: Onye dị ike emeerela m nnukwu ihe, aha ya dị asọ

  1. Mkpụrụobi m na-eto Dinwenụ m

Mụọ m na añụrị na Chukwu onye nzọpụta m. Azịza.

2. Maka na o leele anya n’umeala odibo nwaanyị ya,

Site taata ndụdụgandụ niile ga na-akpọ m onye dị ngọzi.

Maka na onye dị ike emeerela m nnukwu ihe,

Aha ya dị nsọ. Azịza.

3. Obi ebere ya sin a ndụdụgandụ ruo na ndụdụgandụ

Maka ndị na-atụrụ ya egwu.

O gosila ike aka ya,

ọ chụsachaala ndị nganga dị n’obi. Azịza.

4. O sila n’ocheeze budaa ndị ukwu,

Bulie ndị umeala.

O nyejuola ndị agụụ na-agụ afọ

hapụ ndị ọgaranya ka ha gbara aka laa. Azịza.

5. O nyerela Izrel nwodibo ya aka,

Na ncheta ebere ya.

dịka o si gwa nna anyị Abraham

na mkpụrụ ya ebeebe. Azịza.

MBEKU

Alleluịa, Alleluịa:

Jesu sịrị ya, “Mụ onwe m bụ ụzọ, eziokwu na ndụ. Ọ dịghị onye ọ bụla ga-abịakwute Nna ma ọ bughị site na m.

Alleluịa.

Oziọma maka October 7, 2020 – Luk 1:26-38

Ihe ọgụgụ nke a si n’Oziọma dị asọ nke Luk dere

N’ọnwa nke isii, Chineke zigara Mmụọọma Gebrel ka ọ gaa n’obodo Galili a na-akpọ Nazaret; ka ọ gakwuru otu nwagbọghọ na amaghị nwoke, onye ikwunibe ya kwekọrịtara na otu nwoke aha ya bụ Josef, nke si n’agbụrụ Devid ga-alụ.

Aha nwagbọghọ ahụ bụ Marịa. Mmụọọma ahụ bịakwute Marịa sị ya, “Ekele, Ị jupụrụ na grasịa, Osebụrụ nọnyere gị!” Obi lọrọ ya mmiri nke ukwuu n’ụdị ekele a, nke mere na ọ malitere ịtụle n’uche ya ihe ụdị a pụtara.

Mmụọọma ahụ  sịrị ya, “Atụla egwu, Marịa, n’ihi na Ị natala ngọzi n’aka Chineke. Lee Ị ga-adị ime, mụta nwa nwoke; aha Ị ga-akpọ ya bụ Jesu.

Ọ ga-adị ukwuu, a ga-akpọkwa ya nwa onye kacha elu. Dinwenụ Chineke ga-enye ya ocheeze nna ya Devid.

Ọ ga-achị ezinụụlọ Jekọb ebeebe; alaeze ya agaghị enwe ọgwụgwụ.” Marịa jụrụ Mmụọọma ahụ sị, “O lee otu nke a ga-esi mee ebe ọ bụ amaghị m nwoke?”

Ma Mmụọọma ahụ zara ya sị, “Mmụọ Nsọ ga-abịakwasa gị; ike nke onye kacha elu ga-ekpuchi gị. N’ihi nke a, aga akpọ nwa ahụ Ị ga-amụ; Onye nsọ, nwa Chineke.

Lee, Elizabet onye ikwu gị, onye ndị mmadụ na-akpọ nwaanyị aga, atụrụla ime n’agadi ya; ugbu a ọ dị ime ọnwa isii. N’ihi na ebe Chineke nọ, o nweghị ihe nyịrị omume.”

Marịa kwuru sị, “Lee, abụ m odibo nwaanyị nke Osebụrụwa, ka o reere m ka Ị siri kwu.” Mmụọọma ahụ wee si n’ebe ọ nọ pụọ.

IHE ỌGỤGỤ ỤNYAHỤ: Igbo Mass Readings October 6 2020 Tuezde Izu Nke Iri Abụọ na Asaa n’oge Adanyeghị n’Emume.

IHE ỌGỤGỤ ECHI:  Igbo Mass Readings October 8 2020, Tọọzdee Nke Izu Iri Abụọ na Asaa Oge Adanyeghị n’Emume

Igbo Mass Readings October 7 2020, Nne Anyị Dị Asọ, Ezenwanyị Nke Rosarị.

Sonyere anyị na Facebook na Igbo Mass Readings

Catholic Lector
Catholic Lector is the founder of Catholic Lectionary. He is a passionate Writer, a Web Developer, a Computer expert and a part-time Blogger who loves to write a lot of contents on Catholicism in his free time. He is also the co-founder of the price review website: https://jumiaprice.com; where he shares a lot of product price contents.
error: Alert: Content is protected !!

Receive Daily Mass Readings and Reflections via Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.