Igbo Mass Readings for Thursday 7th Week of Easter

THURSDAY: IZU UKA NKE ASAA N’OGE MBILITE N’ONWU KRISTI.

Ihe Ogugu nke mbu – 22:30-23:6-11
Ihe ogugu ewetara n’Oru Ndiozi

Mgbe chi boro, onye isi ochi agha chosiri ike ka o mata isi okwu, na ihe mere ndi Juu ji bo Pol ebubo. O gwara ndi isi nchuaja na ndi nzuko Sanhedrin niile ka ha zukoo. O bia topu Pol agbu, kpota ya kwuba ya n’ihu ha. Mgbe Pol chọ putara na otu uzo n’ime nzuko ahu bu ndi otu Sadusii, ndi ozo aburukwa ndi otu Farisii, o tiri mkpu n’ime ulu nzuko ahu, si:
“Umunne m! Abu m onye Farisii, na nwa ndi Farisii. A na-ekpe m ikpe n’ebe a banyere olile anya anyi nwere n’ebe mbilite n’onwu di.” Mgbe o kwuchara okwu a, esemokwu daputara n’etiti ndi Farisii na ndi Sadusii. Ogbako ahu wee kewaa. N’ihi na ndi Sadusii na-akuzi na mbilite n’onwu, ma o bu mmuooma, ma o bu mmuo adighi. Ma ndi Farisii kwekwara, na-akuzi na ihe ndi a di. Oke mkpotu biara daputa, ufodu ndi nkuzi iwu, ndi no n’otu ndi Farisii, guzooro oto, kwado Pol si: “O nweghi ihe ojoo anyi huru nwoke a mere! Kedukwanu ma o buru na o bu mmuo, ma o bu mmuooma gwara ya okwu?” Esemokwu a biara karia, nke mere onye isi ochjagha biara tuo egwu na ha ga-adokasi Pol. O gwara ndi agha ya, ka ha banye n’igwe mmadu ahu, were ike naputa Pol n’aka ha ziga ya n’ulo ndi agha. N’abali sonu, Dinwenu kwuuru n’akuku Pol, si ya: “Obi sie gi ike! N’ihi na otu a i si kwuputa m na Jerusalem, ka i ga-esi agbara m ama na Rom.
ABUOMA NA AZIZA – Ps: 16: 1-2, 5, 7-8, 10, 11.
Aziza: Chekwaba m, Chineke, n’ihi na I bụ ebe mgbaba m.

  1. Chekwaba m, Chineke, n’ihi na I bu ebe mgbaba m. Agwara m Onyenweanyi si,”Ginwa bu Chineke m, ihe oma niile m nwere si n’aka gi bia.” Az./
  2. Ana m eto Onyenweanyi bu onye na agbaziri m, n’ime abali, mmuo m na enye m ndumodu; Ana m eche echiche banyere Onyenweanyi mgbe niile, n’ebe O no n’aka nri m, egwu agaghi atu m. Az./
  3. N’ihi nkea mkpuruobi m no n’oñu, mmuo m na-enwe anuri ahu m na-ezukwa ike n’enweghi nsogbu obula. N’ihina I gaghi agbahapu mkpuruobi m n’ala mmuo, ma o bu kwe ka onye i huru n’anya ree ure. Az./
  4. I ga-akuziri m uzo nke ndu, i ga-enye m añuri na-enweghi ube n’ihu gi, n’aka nri gi, aga m enwe añuri di ebeebe. Az./

ALLELUIA ALLELUIA:
Jesu kwuru si: “Nna m ga ezitere unu mmuo Nso nke ga-anonyere unu ebeebe ebeebe.
ALLELUIA.

OZIOMA – 17:20-26.
Ihe ogugu ewetara n’Ozioma di aso nke Jon dere:
Jesu leliri anya na eluigwe were kpee ekpere si: “Obughi naani ha ka m na ekpere ekpere. Kama ana m ekpekwa ekpere banyere ndi sitere n’okwu ha wee kwere na m. Ana m ekpekwa ekpere ka ha buru otu. Nna, mee ka ha diri n’ime anyi, dika gi onwe gi si di n’ime m, mu onwe m adi n’ime gi. Mee ka ha buru otu, ka uwa niile wee kwere na gi zitere m. Otito nke i nyere m ka m nyere ha, ka ha wee buru otu dika anyi onwe anyi si buru otu. Ka m biri n’ime ha, gi onwe gi ebiri n’ime m; ka ha buru otu n’uzo zuru oke, ka uwa wee kwere na o bu gi zitere m, hukwa ha n’anya dika i si hu m n’anya. Nna achoro m ka ndi niile i nyere m soro m noro n’ebe m no, ka ha nwee ike ihu otito nke i nyere m n’ihunaanya gi tupu ekee uwa. Nna nke eziomume, Uwa amatabeghi gi, ma ama m gi. Ndi a makwa na o bu gi zitere m. Emere m ka ha mata aha gi, aga m na-emekwa ya, ka ihunaanya nke i nwere n’ebe m no diri n’ime ha, mu onwe m ebirikwa n’ime ha.

Catholic Lector
Catholic Lector is the founder of Catholic Lectionary. He is a passionate Writer, a Web Developer, a Computer expert and a part-time Blogger who loves to write a lot of contents on Catholicism in his free time. He is also the co-founder of the price review website: https://jumiaprice.com; where he shares a lot of product price contents.
error: Alert: Content is protected !!

Receive Daily Mass Readings and Reflections via Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.