WEDNESDAY: IZU UKA NKE ISII N’OGE MBILITE N’ONWU KRISTI.

Ihe Ogugu nke mbu – 17:15, 22-34; 18:1
Ihe ogugu ewetara n’Oru Ndiozi
Ndi dupuru Pol kporuru ya n’obodo Atens, tupu ha alaghachi na Beroa. Mgbe ha na-ala Pol ziri ha ozi ka Sailas na Timoti gbaa mbo, biakwute ya osooso. Pol guzoro n’etiti nzuko Ariopagus wee si: “Ndi Atens! Achoputara m na n’uzo obula na unu na-ekpere chi di iche-iche. N’ihi na ka m na akpaghari n’obodo unu, ahuru m ihe niile unu ji efe chi unu; ahuru m otu ebe ekwuaja nke e dekwasara n’elu ya, ihe e nyere chi nke amaghi ama. Chi ahu unu na-ekpere na-amaghi ama ka m na ekwusara unu. Chineke onye kere uwa na ihe niile di n’ime ya, bu Chineke nke eluigwe na uwa. O naghi ebi n’ulo arusi nke mmadu mebere, Ọ dighi anara ije ozi n’aka mmadu dika aga asi na o nwere ihe koro ya, n’ihina ya onwe ya na enye mmadu niile ndu, ume na ihe niile. O sitere n’aka otu onye, bu mmadu mbu ahu, kee agburu niile nke mmadu n’otu n’otu, ka ha biri n’elu uwa dum. O jiri aka ya na mbu kewachaa oge ogbo obula na ndudugandu obula, ga-achidebe. O kewakwara oke ala n’etiti mba na mba, Chukwu kere ihe ndi a niile, ka umu mmadu choba ya. O bu n’obi na, eleghi anya, o ga-adi ha mkpa, icho Chineke chota ya. Ma otu o di Chineke no onye obula n’ime anyi nso, n’ihina ‘N’ime ya ka anyi na-adi ndu, na-agaghari, na-adikwa;’ o buladi ufodu n’ime unu ndi na-ede abu, ekwuola otu udi okwu ahu si, ‘N’eziokwu, anyi bukwa umu ya.’ Ebe anyi bu umu Chineke, o kwesighi ka anyi na-eche na Chineke yiri ihe e jiri olaocha ma o bu olaedo, ma o bu nkume ruo, oru aka nke mmadu cheputara n’obi ya. Chineke lefuru anya n’oge niile nke amaghi ihe. Ma ugbu a o na-enye mmadu niile iwu n’ebe niile, ka ha niile chegharia. N’ihina o weputara otu ubochi mgbe o ga-eji eziomume kpee uwa niile ikpe, site n’aka otu nwoke o hoputara. O nyela mmadu niile ihe ha ga-eji kwere nke a, site n’ime ka o si n’onwu bilie.” Mgbe ha nuru ihe banyere mbilite n’onwu, ufodu n’ime ha jiri ya mee ihe ochi. Ufodu siri: “I ga-akorọ anyi akuko a ubochi ozo.” Nke a mere Pol jiri si n’etiti ha puo. Ma ufodu ndi mmadu sonyere ya ma kwere, ufodu n’ime ha bu Diyonishus, onye Ariopagus, ya na otu nwaanyi a na-akpo Damaris, na ndi ozo. Mgbe ihe ndi a gachara, o siri n’Atens puo gaba Korint.

ABUOMA NA AZIZA – Ps:148:1-2, 11 12, 13, 14.

Aziza: Eluigwe na uwa juputara na otito gi, Onyenweanyi.

  1. Si n’eluigwe too Onyenweanyi, toonu ya n’ebe kacha elu. Toonu ya ndi mmuoozi ya niile, toonu ya, igwe ndi agha ya niile. Az/
  2. Ndi eze niile no n’uwa, na mba niile; umu ndi eze niile, na ndi ochichi no n’ime uwa.
    Umu okorobia na umu agboghobia, ndi okenye nakwa umu ntakiri. Az./
  3. Ka ha niile too aha Onyenweanyi, n’ihi na sooso aha ya di omimi, ebube ya kariri eluigwe na uwa. Az./
  4. O na-ewelite ike nke ndi nke ya, maka otito ndi ya di nso, nke umu Izrel bu ndio huru n’anya. Az./

ALLELUIA ALLELUIA:
Anyi maara na Kristi ebilitela n’onwu, eze nke mmeri bia nonyere anyi.
ALLELUIA.

OZIOMA – 16: 12-15.
Ihe ogugu ewetara n’Ozioma di aso nke Jon dere:
Jesu gwara ndi na-eso uzo ya si: “Enwekwara m otutu ihe ndi ozo m ga-agwa unu, ma unu agaghi anabatali ha ugbu a. Mgbe Mmuo nke eziokwu ahu biara, O ga-eduba unu n’eziokwu niile. Qgaghi ekwu n’ike aka ya, ma o ga-ekwu ihe niile o nuru, kokwara unu ihe gaje ibia. Oga enyekwa m otito, n’ihi na o ga-esite n’aka m nata iheo ga-akoro unu. Ihe niile Nna m nwere bu nke m. Nke a ka m ji si na Mmuo Nso ga-esite n’aka m nata ihe o ga-akoro unų.

Share with a friend