Igbo Mass Readings November 3 2020 Tuezdee Izu Iri Atọ na Otu Oge Nk

Igbo Mass Readings November 3 2020, Tuezdee Izu Iri Atọ na Otu n’Oge Adanyeghị n’Emume.

Igbo Mass Readings November 3 2020, Tuezdee Izu Iri Atọ na Otu n'Oge Adanyeghị n'Emume.
Igbo Mass Readings November 3 2020, Tuezdee Izu Iri Atọ na Otu n’Oge Adanyeghị n’Emume.

IHE ỌGỤGỤ NKE MBỤ              2:5-11.

Ihe ọgụgụ e wetara n’akwụkwọ Pọl degaara ndị Filipi.

Nweenụ ụdị obi ahụ dị n’ime Jesu Kristi n’etiti ụnụ. Onye agbanyeghị na ọ dị n’ụdị Chukwu, mana o weghị onwe ya na ya na Chukwu ha dịka ihe a ga-ejide aka.

O buturu onwe ya ala, were onwe ya n’ọnọdụ odibo, a mụọ ya n’ụdị mmadụ. A hụrụ ya n’ụdị nke mmadụ, o buturu onwe ya ala wee rube isi ruo n’ọnwụ, ọnwụ n’elu obe.

N’ihi nke a Chineke buliri ya elu, nye ya aha kacha aha niile, ka o wee bụrụ na n’aha Jesu ka ikpere niile ga-egbu n’ala ma n’eluigwe, ma n’ụwa ma n’okpuru ụwa, ire niile ga-ekwupụta na Jesu Kristi bu Dinwenụ maka otito nke Chukwu Nna.

ABỤỌMA NA AZỊZA:       Ps. 22:26-27, 28-30, 31-32.

Azịza: Aga m eto gị n’ihu nnukwu ọgbakọ ndị nke gị.

  1. Aga m emejupụta nkwa m kwere Gị

n’ihu ndị niile na-atụrụ  egwu.

Ndị ogbenye ga-eriju afọ

Ndị niile na-achọ Onyenweanyị ga-eto ya,

ka ha nwee ogologo ndụ. Azịza.

2. Ụwa niile ga-echeta ihe ndị a

wee laghachikwute Onyenweanyị

Ezinụụlọ niile dị n’ụwa

ga-akpọrọ ya isi ala.

N’ihina ọchịchị niile bụ nke Onyenweanyị,

Ọ na-achị mba niile!

Ndị niile na-enwe ọganihu n’ụwa

Ga-akpọrọ ya isiala

Otu aka ahụ ndị niile nwụrụ anwụ. Azịza.

3. Mkpụrụobi m ga-adị ndụ maka Onyenwean maka Onyenweanyị,

Ụmụ m niile ga-efe ya;

ndị mmadụ ga-ekwupụta Onyenweanyị n’agbụrụ niile;

Ma ndị nke ga-abịa n’ihu ha ga-ekwupụta ịdị  mma ya

N’etiti ụmụ ndị a mụbeghị

Ihe ndị a niile bụ ihe Onyenweanyị mere. Azịza.

Mbeku       Efesọs 1:17-18.

Alleluịa, Alleluịa:

Ka Chineke nke Dinwenụ anyị Jesu Kristi meghee anya nke obi ụnụ, ka ụnụ wee mata ihe bụ nchekwube nke ọkpụkpọ ọ kpọrọ ụnụ.

Alleluịa.

Oziọma maka November 3 2020 – Luk 14:15-24.

Ihe ọgụgụ nke a si n’Oziọma dị asọ nke Luk dere.

Mgbe otu onye n’ime ndị ha na Jesu nọ na nri nụrụ ihe o kwuru, ọ sịrị Jesu, “Ngọzi na-adịrị onye ga-eso n’oriri nke alaeze Chineke!”

Ma Jesu sịrị ya, “O nwere otu nwoke kpọrọ nnukwu oriri, kpọkwa ọtụtụ mmadụ. Mgbe oge oriri ruru, nwoke a wee zipụ nwodibo ya, ka ọ sị ndị a kpọrọ oriri, “Bịanụ, n’ihina a kwadoola ihe niile.”

Ma ha niile bidoro n’otu n’otu inye ụsa. Onye mbụ gwara ya sị, “Azụrụ m ala ubi, aga m agarịrị hụ ya taa. Biko ewela iwe na agaghị abịalị.”

Onye ọzọ wee sị, “Azụrụ m ehi iri na-arụ ọrụ n’ubi, aga m eje ile ha, biko ewela iwe na agaghị m abịalị.”

Onye ọzọ wee sị, Alụrụ m nwaanyị ọhụrụ, n’ihi ya agaghị m ahapụ ya abịa.” Nwodibo ahụ lara kọọrọ nna ya ukwu ihe a.

N’iwe nna nwe ụlọ wee sị nwodibo ya, “Gaa ọsịsọ n’ama niile, na ụzọ niile nke obodo, kpọrọ m ndị ogbenye, ndị ọlụsị, ndị isi na ndị ngwọrọ.”

Na nwa oge, nwodibo ahụ asị, “Nna anyị e meela ihe I kwuru ma ọnọdụ fọdụrụ.” Nna ukwu ahụ sịrị nwodibo ahụ,

“Gaa na nnukwu okporo ụzọ niile, na ụzọ ubi niile, manye ndị mmadụ ka ha bata ka ụlọ m wee ju. N’ihina agwa m ụnụ, ọ dịghị otu n’ime ndị ahụ a kpọrọ ha jụ ga-edetụ nri m ọnụ.

IHE ỌGỤGỤ ỤNYAHỤ: Igbo Mass Readings November 2 2020, Ncheta Mkpụrụobi Ndị Niile Kwerenụ Gara Aga.

IHE ỌGỤGỤ ECHI:      Igbo Mass Readings November 4 2020 Wednezdee Izu Iri Atọ na Otu n’Oge Adanyeghị n’Emume.

Igbo Mass Readings November 3 2020 Tuezdee Izu Iri Atọ na Otu n’Oge Adanyeghị n’Emume.

Sonyere anyị na Facebook na Igbo Mass Readings 

Catholic Lector
Catholic Lector is the founder of Catholic Lectionary. He is a passionate Writer, a Web Developer, a Computer expert and a part-time Blogger who loves to write a lot of contents on Catholicism in his free time. He is also the co-founder of the price review website: https://jumiaprice.com; where he shares a lot of product price contents.
error: Alert: Content is protected !!

Receive Daily Mass Readings and Reflections via Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.