Igbo Mass Readings October 9 2020 Fraịde Izu Iri Abụọ na Asaa Oge Nkiti

Igbo Mass Readings October 9 2020, Fraịde Izu Iri Abụọ na Asaa n’Oge Adanyeghị n’Emume.

Igbo Mass Readings October 9 2020, Fraịde Izu Iri Abụọ na Asaa n'Oge Adanyeghị n'Emume.
Igbo Mass Readings October 9 2020, Fraịde Izu Iri Abụọ na Asaa n’Oge Adanyeghị n’Emume.

IHE ỌGỤGỤ NKE MBỤ          3:7-14

Ihe ọgụgụ e wetara n’akwụkwọ Pọl dị asọ degaara ndi Galeshịa.

Ya bụ, ụnụ ahụla na ọ bụ ndị nwere okwukwe bụ ụmụ Abraham. Akwụkwọ Nsọ buru ụzọ hụ na Chineke ga-esite n’okwukwe gụọ ndị mba ọzọ na ndị eziomume.

N’ihi nke a, akwụkwọ Nsọ bur ụzọ zie Abraham oziọma sị, “Chineke ga-agọzi mba niile nke ụwa site n’aka gị.

N’otu aka ahụ, Chineke ga-agọzi ndị niile kwere dịka o si gọzie Abraham. Ndị niile tụkwasara obi n’ọrụ nke iwu bụ ndị a bụrụ ọnụ, n’ihina e dere ya n’akwụkwọ nsọ sị onye a bụrụ ọnụ ka ọ bụ, bụ onye anaghị emezu ihe e dere n’akwụkwọ iwu.

Ugbu a, o weela anya na Chineke anaghị agụ onye ọbụla n’onye eziomume site naanị n’idobe iwu, n’ihina Akwụkwọ Nsọ kwuru sị Onye Chineke si n’okwukwe ya gụọ n’onye eziomume ga-adị ndụ; mana ọ bụghị n’iwu ka okwukwe dabeere, kama Onye ọbụla na-emezu ihe ọbụla iwu kwuru ga-esite na ya dị ndụ.

Kristi agbapụtala anyị site n’ịbụ ọnụ nke iwu na-eweta, site n’ịbụ onye a bụrụ ọnụ maka anyị: n’ihina e dere sị, “onye a bụrụ ọnụ ka ọ bụ bụ onye koro n’elu osisi.”

Jesu Kristi mere nke a ka ngọzi ahụ Chineke nyere Abraham rute ndị mba ọzọ aka, o mekwara nke a ka anyị wee nweta nkwa nke Mmụọ Nsọ site n’okwukwe.

ABỤỌMA NA AZỊZA: Ps. 111:1-2, 3-4, 5-6.

Azịza: Onyenweanyị ga-echeta ọgbụgbandụ ya ebeebe ebeebe.

  1. Eji m obi m niile enye Onyenweanyị ekele,

n’ọgbakọ ndị eziomume.

Ọrụ Onyenweanyị niile dị ịtụnanya,

ndị niile ọ na-amasị kwesịrị ilekwasa ya anya. Azịza.

2. Ọrụ niile ọ na-arụ jupụtara n’otiti na ebube

eziomume ya enweghị ike ịgbanwe agbanwe

Ọ na-ekwe ka anyị na-echeta ọrụ ebube ya.

Onyenweanyị dị ebere dị obiọma. Azịza.

3. Ọ na-enye ndị na-atụrụ ya egwu nri

Ọ naghị echezọ ọgbụgbandụ ya.

Ọ na-echetara ndị nke ya ike ọ na-akpa

site n’inye ha oke mba ndịọzọ. Azịza.

MBEKU    Ps. 95:8

Alleluịa, Alleluịa:

Taa, Ọ bụrụ na ụnụ anụ olu ya, ụnụ akpọchila obi ụnụ.

Alleluịa.

Oziọma maka October 9, 2020 – Luk 11:15:26

Ihe ọgụgụ nke a si n’Oziọma dị asọ nke Luk dere.

Ugbu a, Jesu na-achụpụ otu ajọ mmụọ nke dara ogbi; mgbe mmụọ ọjọọ ahụ hapụrụ, nwoke ogbi ahụ kwuru okwu, nke a tụrụ ndị mmadụ n’anya.

Ma ụfọdụ n’ime ha kwur sị, “Ọ na-achụpụ ndị mmụọ ọjọọ site n’ike Belzebul, onyeisi ndị mmụọ ọjọọ,” ma ndịọzọ, iji nwalee ya chọọrọ n’aka ya ihe ama nke si n’igwe.

Ebe ọ bụ na Ọ ma ihe ha na-eche Ọ sịrị ha, “Alaeze ọbụla nke kewaranụ megide onwe ya ga-adakpọ, ụlọ ọbụla nke dagidere ibe ya na-adakpọ.

Ọ bụrụ na Ekwensu ekewakwa megide onwe ya, kedụ ka alaeze ya ga-esi kwụdo? Ụnụ na-asị na-ana m achụpụ ndị mmụọ ọjọọ site n’ike Belzebul.

Ọ bụrụ na m na-achụpụ ndị mmụọ ọjọọ site n’ike Belzebul, site n’ike onye ka ụmụ ụnụ na-achụpụ ha? Ya mere, ha ga-abụ ndị ikpe ụnụ.

Ma, ọ bụrụ na ọ bụ site na mkpisi aka nke Chineke ka m na-achụpụ ndị mmụọ ọjọọ, matanụ na alaeze Chineke abịakwasịla ụnụ.

Mgbe dike ji ngwaagha  na-eche obi ya, ọ dịghị mfe izute ihe o ji biri. Ma mgbe onye ka ya ike bịara megide ya, wee merie ya, ọ na-anara ya ihe agha ya niile, bụ ihe ntụkwasịobi ya, kesaara ndị otu ya ihe ọ kwatara n’ụlọ dike ahụ.

Onye na-anọnyereghị m, na-emegide m; onye ọbụla na-adịghị eso ekpokọta ekpokọta na-ekposa ekposa.

Mgbe mmụọ ọjọọ siri n’ime onye o ji pụọ, ọ na-akpagharị n’ala kpọrọ nkụ na-achọ ebe izuike.

Mgbe ọ chọchara ma ọ chọtaghị, ọ na-ekpebi n’obi ya sị, ‘Aga m alaghachi n’ụlọ m ebe m si pụta.’ Mgbe o chighatara, ọ hụ na a zachaala ụlọ ahụ dozie ya nke ọma.

Ọ na-apụ, kpọta ndị mmụọ ọjọọ asaa ọzọ ndị ka ya nwee obi ọjọọ, tinyere ya onwe ya, ha na-abata biri n’ebe ahụ. Ọnọdụ ikpeazụ nke onye ahụ adị njọ karịa nke mbụ.

IHE ỌGỤGỤ ỤNYAHỤ: Igbo Mass Readings October 8 2020, Tọọzdee Nke Izu Iri Abụọ na Asaa Oge Adanyeghị n’Emume

IHE ỌGỤGỤ ECHI: Igbo Mass Readings October 10 2020, Satọde Izu Iri Abụọ na Asaa n’Oge Adanyeghị n’Emume.

Igbo Mass Readings October 9 2020, Fraịde Izu Iri Abụọ na Asaa n’Oge Adanyeghị n’Emume.

Sonyere anyị na Facebook na Igbo Mass Readings

error: Alert: Content is protected !!