Igbo Mass Readings October 13 2020 Tuezde Izu Iri Abụọ na Asatọ Oge N

Igbo Mass Readings October 13 2020, Tuezdee Izu Iri Abụọ na Asatọ n’Oge Adanyeghị n’Emume.

Igbo Mass Readings October 13 2020, Tuezdee Izu Iri Abụọ na Asatọ n'Oge Adanyeghị n'Emume.
Igbo Mass Readings October 13 2020, Tuezdee Izu Iri Abụọ na Asatọ n’Oge Adanyeghị n’Emume.

IHE ỌGỤGỤ NKE MBỤ   5:1-6

Ihe ọgụgụ e wetara n’akwụkwọ Pọl degaara ndị Galeshịa

Anyị enwerela onwe anyị n’ihina Kristi agabpụtala anyị n’ohu. Ya bụ kwụdosienụ ike dịka ndị nwerela onwe ha.

Ugbu a, mụ bụ Pọl na-agwa ụnụ sị; “Ọ bụrụ na ụnụ anabata ibi ugwu, Kristi abaghịrị ụnụ uru ọbụla.

Ọzọ ana m ekwupụta na onye ọbụla ga-anabata ibi ugwu ji ụgwọ idebezu iwu ahụ. E kewapụla ụnụ n’ebe Kristi nọ ụnụ ndị a ga-agụnye na ndị eziomume site n’iwu.

Ụnụ adapụla n’amara nke Chineke. N’ihina anyị onwe anyị nwere olileanya na site n’ike nke Mmụọ Nsọ, a ga-agụ anyị na ndị eziomume site n’okwukwe anyị.

N’ime Jesu Kristi obibi ugwu mọbụ ebighị ugwu abaghị uru ọbụla, kama okwukwe na-arụsi ọrụ ike site n’ịhụnaanya.”

ABỤỌMA NA AZỊZA: Ps. 119:41, 43, 44, 45, 47, 48.

Azịza: Onyenweanyị kwe ka ịhụnaanya nke ikwụdosiike gị bịakwate m.

  1. Kwe ka ịhụnaanya nke ịkwụdosiike gị bịakwute m O Onyenweanyị,

ya na nzọpụta gị dịka I siri kwe na nkwa. Azịza.

2. Anapụla m eziokwu gị,

N’ihina nchekwube m dị n’iwu gị. Azịza.

3. Aga m na-edobe iwu gị mgbe niile,

Ebeebe, ebeebe. Azịza.

4. Mgbe ahụ aga m ebi ndụ nke onye nweere onwe ya,

N’ihina iwu gị bụ ihe m na-achọ. Azịza.

5. N’ihi ana m enwe añụrị n’iwu gị,

nke m hụrụ n’anya nke ukwuu. Azịza.

6. Ana m asọpụrụ iwu gị niile nke m hụrụ n’anya,

na-achịgharịkwa ya n’ime obi m. Azịza.

Mbeku      Ps. 27: 11

Alleluịa, Alleluịa:

Kuziere m ụzọ gị O Dinwenụ, dube m n’ụzọ kwụ ọtọ.

Alleluịa.

Oziọma maka October 13, 2020 – Luk 11:37-41

Ihe ọgụgụ nke a si n’Oziọma dị asọ nke Luk dere

Ka Jesu na-ekwu okwu, otu onye Farisii kpọrọ ya oku oriri. Ọ banyere, nọrọ n’oche nri. Ọ gbagwojuru onye Farisii ahụ anya ịhụ na Jesu ebughị ụzọ kwọọ aka ya tupu o ribe ihe. 

Ma Dinwenụ sịrị ya, “Ụnụ ndị Farisii na-asacha azụ iko na azụ efere, ma n’ime ya, ụnụ jupụtara n’anyaukwu na obiọjọọ.  

Ụnụ ndị nzuzu! Ọ bụ na ọ bụghị onye ahụ mere azụ iko mekwara ime ya? Kama werenụ ihe ndị ahụ dị n’ime rụọ ọrụ ebere, ihe niile ga-adịkwara ụnụ ọcha.”

IHE ỌGỤGỤ ỤNYAHỤ: Igbo Mass Readings October 12 2020, Tuezdee Izu Iri Abụọ na Asatọ n’Oge Adanyeghị n’Emume.

IHE ỌGỤGỤ ECHI:  Igbo Mass Readings October 14 2020, Wednezdee Izu Iri Abụọ na Asatọ n’Oge Adanyeghị n’Emume.

Igbo Mass Readings October 13 2020, Tuezdee Izu Iri Abụọ na Asatọ n’Oge Adanyeghị n’Emume.

Sonyere anyị na Facebook na Igbo Mass Readings

error: Alert: Content is protected !!