Igbo Mass Readings for August 31 2026, Mọnde Izuụka nke Iri Abụọ na Abụọ N’Oge Nkịtị

Igbo Mass Readings for August 31 2026, Mọnde Izuụka nke Iri Abụọ na Abụọ N’Oge Adanyeghị n’Emume.

Nke a bụ Igbo Mass Readings for August 31 2026, Mọnde Izuụka nke Iri Abụọ na Abụọ N’Oge Adanyeghị n’Emume.

IHE ỌGỤGỤ NKE MBỤ – 2:1-5

Ihe Ọgụgụ e wetara n’akwụkwọozi Mbụ Pọl degaara Ndị Kọrịnt

Mgbe m bịakwutere ụnụ na mbụ, ụmụnna m, ejighị m oke okwu mọbụ oke mmụta gwa ụnụ ihe omimi niile nke okwu Chineke.

Kama, amamihe m gosiri na mụ nwere bụ banyere Jesu Kristi Onye ahụ a kpọgburu n’obe. Abịakwutere m ụnụ n’adịghị ike na oke egwu na ịma jijiji.

Nkuzi na ozi m zisara abịaghịkwa dịka okwu ire ụtọ na nke oke mmụta, ime ka ndị mmadụ kwere, kama ha bịara n’ụzọ igosi ọrụ nke Mmụọ Nsọ na nke ike Chineke; Ka okwukwe ụnụ ghara ịdabere n’amamihe nke mmadụ kama n’ike nke Chineke.

ABỤỌMA NA AZỊZA – Ps. 119:97, 98, 99, 100, 101, 102

Azịza: Onyenweanyị! Lee ka m siri hụ iwu gị n’anya nke ukwuu.

1. O! lee ka m siri hụ iwu gị n’anya nke ukwuu!

Ana m achịgharị ya n’obi m ụbọchị niile.

Azịza: Onyenweanyị! Lee ka m siri hụ iwu gị n’anya nke ukwuu.

2. Iwu gị mere ka m mara ihe karịa ndịiro m,

N’ihina ọ nọnyeere m mgbe niile.

Azịza: Onyenweanyị! Lee ka m siri hụ iwu gị n’anya nke ukwuu.

3. Enwere m nghọta karịa ndị nkuzi m

n’ihina ana m atụgharị uche n’iwu gị.

Azịza: Onyenweanyị! Lee ka m siri hụ iwu gị n’anya nke ukwuu.

4. Enwere m nghọta karịa ndị okenye,

n’ihina ana m edobe iwu gị.

Azịza: Onyenweanyị! Lee ka m siri hụ iwu gị n’anya nke ukwuu.

5. Esepụla m ụkwụ n’ụzọ ọjọọ niile,

ka m wee nwee ike idobe okwu gị.

Azịza: Onyenweanyị! Lee ka m siri hụ iwu gị n’anya nke ukwuu.

6. Anaghị m agbakụta iwu gị azụ,

n’ihina gị onwe gị kuziere m ya!

Azịza: Onyenweanyị! Lee ka m siri hụ iwu gị n’anya nke ukwuu.

MBEKU – 2 Kọr 5:19

Alleluia, Alleluia:

Chineke sitere na Kristi na-eme ka ya na ụwa dị na mma; o tinyela n’aka anyị ozi banyere ụzọ o si eme ka ya na ụmụ mmadụ dịkwa na mma ọzọ.

Alleluia

OZIỌMA – 4:16-30

Ihe Ọgụgụ nke a si n’Oziọma dị asọ nke Luk dere

Jesu bịaruru Nazaret ebe ọ nọrọ too; banye n’ụlọnzukọ, n’ụbọchị izuike dịka o si eme. O wee bilie igụ ihe; ha nyere ya akwụkwọ Aịzaya onye amụma.

O meghere akwụkwọ hụ ebe e dere sị, “E nyela m Mmụọ nke Dinwenụ, makana Dinwenụ eteela m ude ka mụ bugara ndị ogbenye oziọma, ka m kwusaara ndị e ji eji na ha enwerela onwe ha, ka m kwusaara ndị kpuru isi na ha ahụbala ụzọ, ka m mee ka ndị a na emegbu emegbu nwere onwe ha.

Ka m kwupụta afọ amara nke Dinwenụ.” O kpuchiri akwụkwọ ahụ, nyeghachi ya onye na-aga ozi, bịa nọdụ ala. Mmadụ niile nọ n’ụlọnzukọ lekwasịrị ya anya.

Ọ malite ịgwa ha okwu sị, “Taa, ka e mezuru na ntị ụnụ ihe e dere n’Akwụkwọ Nsọ a.” Mmadụ niile kwuru okwu ọma banyere ya.

Okwu ebube niile si n’ọnụ ya pụta tụkwara ha n’anya nke mere ha jiri jụọ sị, “Onye a, ọ bụghị nwa Josef?” Ma Jesu sịrị ha, “Ama m na ụnụ ga-atụrụ m ilu a: Dịbịa gwọọ onwe gị; ụnụ ga-asịkwa m, Mee ka anyị hụ n’obodo a mụrụ gị ụdị ihe ahụ anyị nụrụ na I mere na Kapanaum.

N’ezie agwa m ụnụ, a naghị anabata onye amụma ọbụla n’obodo a mụrụ ya. E nwere ọtụtụ ụmụnwaanyị isimkpe n’lzrel n’oge Elaịja, mgbe e mechiri eluigwe, mmiri ezoghịkwa afọ atọ na ọnwa isii, mgbe oke ụganị dara n’ala ahụ niile; ma o nweghị onye n’ime ha e zigaara Elaija ma ọ bụghị naanị otu nwaanyị ajadu nke bi n’obodo Zarefat nke dị n’ala Saịdọn.

Ọtụtụ ndị ekpenta nọkwa n’ala Izrel n’oge Elisha; ma o nweghị onye ọbụla n’ime ha e mere ka ọ dị ọcha ma ọ bụghị Neeman Onye Siria.” Mgbe ndị niile nọ n’ụlọnzukọ ahụ nụrụ okwu ndị a, iwe jupụtara ha n’obi.

Ha biliri kwapụ ya n’obodo ha, kpụrụ ya ruo n’otu ugwu nta a rụkwasara obodo ha n’elu ya, ka ha si ebe ahụ kwada ya. Ma ọ mịchapụrụ onwe ya n’aka ha si n’etiti igwe mmadụ ahụ laa.

Igbo Mass Readings for September 1 2026, Tuzde Izuụka nke Iri Abụọ na Abụọ N’Oge Adanyeghị n’Emume

Igbo Mass Readings for August 31 2026, Mọnde Izuụka nke Iri Abụọ na Abụọ N’Oge Adanyeghị n’Emume.