Connect with us

Igbo Mass Readings

Igbo Mass Readings for November 13 2023, Mọnde Izuụka nke Iri Atọ na Abụọ N’Oge Nkịtị

Published

on

Igbo Mass Readings for November 13 2023, Mọnde Izuụka nke Iri Atọ na Abụọ N’Oge Adanyeghị n’Emume.

Nke a bụ Igbo Mass Readings for November 13 2023, Mọnde Izuụka nke Iri Atọ na Abụọ N’Oge Adanyeghị n’Emume.

IHE ỌGỤGỤ NKE MBỤ – 1:1-7

Ihe Ọgụgụ e wetara n’Akwụkwọ Amamihe

Hụnụ eziomume n’anya, ụnụ bụ ndị na-achịachị n’elu ụwa, jirinụ ịkwụba aka ọtọ na-eche maka Yahweh. Werenụ obi dị ọcha chọba ya. N’ihina ndị na-adịghị anwale ya, na-achọta ya, ọ na-egosi ndị niile na-enweghị obi abụọ n’ebe ọ nọ onwe ya.

N’ihina echiche na-ezighị ezi na-ekewapụ mmadụ n’ebe Chineke nọ, ịnwale onye pụrụ ime ihe niile na-egosi na nzuzu nke mmadụ buru ibu nke ukwuu.

Advertisement

Mba, amamihe agaghị abata n’obi onye ọjọọ, mọbụ onye ahụ jupụtara na njọ. Mmụọ nke amamihe na-asọ aghụghọ, ọ na-agbara atụmaatụ ezighị ezi ọsọ, ọ na-achara ihe ọjọọ mgbe niile.

Amamihe bụ ezi mmụọ, ọ gaghị agbaghara ihe ọjọọ nke onye na-ekwutọ Chineke, ebe ọ bụ na Chineke n’onwe ya na-ahụ ime obi onye ahụ, na-ahụkwa ime mmụọ ya nke ọma, na-anụkwa okwu niile sikwa n’ọnụ ya.

N’ihina mmụọ nke Yahweh ejupụtala ụwa niile, onye jikọtara ihe niile ọnụ maara okwu ọbụla onye kwuru.

ABỤỌMA NA AZỊZA – Ps. 139: 1-3, 4-6, 7-8, 9-10

Azịza: Dinwenụ, Dube m n’ụzọ nke ndụ ebeebe

Advertisement

1. Onyenweanyị, I nyochala m, marakwa m

Ị ma mgbe m nọdụrụ ala ma mgbe m kwụ ọtọ

Ị na-anọ ebe dị anya mara ihe m bu n’uche

Ị mazuru omume m niile

Advertisement

mgbe m na-arụ ọrụ mọbụ mgbe m na-ezu ike. Azịza

2. Tupu emeghee m ọnụ m,

Ị maralaarịị ihe m chọrọ ikwu

Ị nọ n’ihu, nọrọkwa m n’azụ;

Advertisement

I ji aka gị na-echekwaba m.

Ụdị amamihe a kariri m nghọta,

Ọ dị oke elu karịa akọnuuche m. Azịza

3. Olee ebe m nwere ike ịga iji gbalahụ gị

Advertisement

Ebee ka m ga-agbaga wee pụọ n’ihu gị?

Ọ bụrụ na m agbagoo n’eluigwe, ị nọ ebe ahụ!

Ọ bụrụ na m agaa n’ala mmụọ, ị nọkwa ebe ahụ. Azịza

4. Ọ bụrụ na m efegaa n’ọwụwa anyanwụ;

Advertisement

Mọbụ biri n’ọdịda ya na ngafe osimiri,

Aka gị nọkwa ebe ahụ na-edu m;

Aka nri gị na-ejidesi m ike. Azịza

MBEKU – 1 Thes 2:13

Alleluia, Alleluia:

Advertisement

Naranụ ozi nke anyị wetaara ụnụ, ọ bụghị dịka okwu mmadụ kama dịka ihe ọ bụ n’onwe ya, okwu nke Chineke.

Alleluia

OZIỌMA – 17:1-6

Ihe Ọgụgụ nke a si n’Oziọma dị asọ nke Luk dere

Jesu gwara ndị na-eso ụzọ ya sị, “Ọnwụnwa dị icheiche nke ga-eduba mmadụ na njọ ga-abịarịrị, ma ahụhụ ga-adịrị onye ahụ nke ha ga-esi n’aka ya bịa.

Advertisement

Ọ ga-akara ya mma ma a sị na a nyanyere ya nkume e ji akwọ ihe nri n’olu, tụba ya n’ime oke osimiri, karịa na ọ ga-eduba otu n’ime ụmụaka ndị a na njọ. Kpacharanụ anya ụnụ.

Ọ bụrụ na nwanne gị mee ihe ọjọọ, dụọ ya ọdụ. Ọ bụrụ na o chegharịa, gbaghara ya. Ọ bụrụ na o mehie gị ugboro asaa sị, ‘Echegharịala m,’ ị ga-agbaghara ya.”

Ndị ụmụazụ Jesu gwara ya sị, “Mee ka okwukwe anyị bawanye.” Onyenweanyị azaa ha, “Ọ bụrụ na ụnụ nwere okwukwe buru ibu ka mkpụrụ osisi dịkarịchara nta a na-akpọ mọstad, ụnụ nwere ike inye osisi ọjị iwu sị, ‘ka e fopụ gị, kụkwaa gị n’ime osimiri!’ Ọ ga-erubekwara ụnụ isi.”

Igbo Mass Readings for November 14 2023

Advertisement

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.