Igbo Mass Readings for Monday of Fifth Week of Lent

MONDAY: IZU UKA NKE ISE N’OGE AHUHU KRISTI.

EKPERE MMEGHE
Nna nke ihunaanya, isiiyi nke ngozi niile, nyere anyi aka ka anyį si na ndu anyi ochie bu ndụ nke njo gafere na ndu ohuru nke amara. Kwadobe anyi maka otito nke alaeze Gi. Site na Dinwenu anyi Jesu Kristi…

Ihe Ogugu nke mbu 13:1-9, 15-17, 19-30, 33-62
Ihe ogugu ewetara n’Akwukwo onye amuma Daniel
O nwere otu nwoke bi na Babilon aha ya bu Joakim. O lutara nwaanyi aha ya bu Suzana, ada Hilkia; nwaanyi a mara mma nke ukwuu, burukwa onye na-atu egwu Chineke. Nne ya na nna ya bu ndi eziomume, ha zulitere ada ha bu Suzana n’iwu Mosis. Joakim bu nwoke bara ogaranya nke ukwuu. O nwere nnukwu ubi di n’akuku ulo ya. Ndi Juu na-abiakari na nke ya, n’ihi na o bu nwoke nwere nnukwu ùgwù n’etiti ha. N’ime afo ahu, a hotara ndi okenye abuo n’ime ha, ka ha buru ndi okaikpe. O bu maka ndi di otu a ka Yahweh jiri kwuo si, “The ojoo si Babilon bia, o sitere n’aka ndi okenye bu ndi okaikpe, ndi a turu anya na ha ga-achi ndi mmadu nke oma. Ndi okaikpe a na-anokwa na nke Joakim ugboro ugboro, ebe ahu ka ndi niile nwere ikpe na-abiakwute ha. O na-abu, n’oge ehihie, mgbe ndi mmadu lachara, Suzana agaa n’ime ubi di ya a gbara ogige ka o gaa gagharia, nara ikuku. Ndi okenye abuo a na-ahu ya ubochi niile ka o na-abia na ya bu ubi a gbara ogige na agaghari. Ha bidoro nwee aguu maka ya. Ha tufuru akonuuche ha, sepu anya n’ebe Chineke no, hapukwa iche maka ikpe ziri ezi. Otu ubochi, mgbe ha ka na eche oge di mma inweta nwaanyi a, o biara banye dika o si emebu na ya bu ubi a gbara ogige, choo isa ahu, n’ihi na okpomoku di nke ukwu; ya na sooso umuagbogho abuo na agbara ya odibo so. O nweghi onye ozo no ebe ahu bereso okenye abuo ahu, ndi biara zoo onwe ha, wee na-enyo ya. Suzana gwara umuodibo ya ahu si, “Wetaranu m mmanu na ude, ma mechienu onu uzo niile nke ubi a ka m saa ahu.” Oge umuagbogho ahu puru, ndi okenye abuo a kuliri, jiri oso gbakwuru nwaanyi a si ya, “Lee, e mechiri onu uzo ogige ubi a emechi, o nweghi onye na-ahu anyi. Ihunaanya maka gi eriela anyi obi, ya bu, kweta ihe anyi choro n’aka gi, kweta ka anyi na gi mekoo. O buru na i ju ime otu a anyi ga agba akacbe asi gbagide gi, si na gi na otu nwokorobia no nke mere I jiri zipu odibo nwanyi gi.” Suzana wee suo ude, si,”Ejidelam na akuku niile, n’ihina m mee ihe a, onwu m ka o bu; ma o burukwa na m emeghi ya, enweghi m ike isi n’aka unu zoro isi m. O kaara m mma inwu n’aka unu karia ime njo megide Chineke.” Suzana wee tie oke mkpu ma ndi okenye abuo a bidoro tiwe mkpu nke ha, na-ebo ya ebubo. Otu n’ime ha jiri oso meghesia uzo ubi ahu agbara ogige. Oge umuodibo ya nuru ka a na eti mkpu n’ime ubi ahu, ha jiri nnukwu oso si n’uzo nke di n’akuku banye ka ha hu ihe mere Suzana. Mgbe ndi okenye a koro akuko ha; nnukwu ihere jidere umuodibo ndi a makana anubeghi ihe di otu a mbu gbasara Suzana. N’echi ya, oge ndi mmadu gbakoro n’ulo di ya bu Joakim, ndi okenye abuo ahu biara, obi ha juputa n’ajo nkata niile ha na akpa iji hu na egburu Suzana. Ha noro n’ihu ndi mmadu si, “Kpoonu Suzana ada Hilkia, bu nwunye Joakim.” Ha wee zigara ya ozi ka o bia. O biara, ya na nne na nna ya, umu ya na ndi nke ya niile. Mana ndj ezinuulo ya na ndį enyi na ndj niile huru ya n’anya no na-ebe akwa. Ndj okenye abuo ahu wee kulie oto n’etiti ndj mmadu ahu, bikwasi aka ha n’isi Suzana, bido bobe ya ebubo. N’uru na anya mmiri ya, o weliri anya n’eluigwe, n’ihina o nwere ntukwasjobi n’ebe Chineke no. Ndj okenye abuo a kwuru si, “Oge so anyi na ejeghari n’ime ubi a a gbara ogige, nwaanyj a batara, ya na umuodibo nwaanyi abuo. O wee mechichaa onuuzo ubi a, zipu umuodibo nwaanyi ndi ahu. Oge ahu ka nwokorobja zoro onwe ya ezo biakwutere ya, ha abuo mekoo. Anyi no n’akuku ya bu ubi agbara ogige huta ihe ojoo a ka o na-eme, wee were oso gbakuru ha. Anyi huru ka ha na-amaku onwe ha, mana anyi enweghi ike ijideli nwoke ahu n’ihina o sika ike na mmadu; o meghepuru uzo rie oso. Anyi wee jidezie nwaanyi, juo ya onye ya bu nwokorobja bu, ma o kweghj agwa anyj. Anyi na-agba ama ihe ndj a. Nzuko ahu kwenyere n’okwu ndi a n’ihina ndi na-agba ama a bu ndi okenye burukwa ndi okaikpe; ha wee ma Suzana ikpe onwu.
Suzana tiri mkpu, tisie ike si, “O Chineke di ebeebe, o nweghi ihe zoro ezo n’ebe i no. Gi onwe gi maara ihe niile tupu ha emee. I maara na ndi nwoke a gbara ama ugha gbagide m. Lee, ugbu a, ana meje inwu, mana aka m di ocha. O nweghi nke m mere n’ihe ojoo niile a ndia kwuru kwugide m.” Chineke nuru olu ya. Ka a na edupu ya ka egbuo, Chineke kpalitere mmuo nso di n’ime otu nwokorobia a na-akpo Daniel. O weetie oke mkpu si, “Aka m adighikwa n’obara nwaanyi a.” Ka o kwuru nke a, mmadu niile tughariri n’ebe o no si, “Kedu ihe okwu ndi a i na ekwu putara?” O kwuuru n’etiti ha si, “Unu o buzi ndi nzuzu nke otu a, umu Izrel? Kedukwanu ka unu si maa nwaada Izrel ikpe onwu n’enyochaghi enyocha choputa ihe mere eme? Laghachinu azu ebe a noro kpee ikpe. Maka na ndi nwoke a agbala ama asi gbagide nwaanyi a.” Igwe mmadu ahu laghachiri azu osposo. Ndi okenye wee gwa Daniel si, “Bia nodu ala n’etiti anyi kowaara anyi isi okwu gi, ebe o bu na Chineke enyela gi onyinye ndi okenye.” Daniel wee kwuo si, “Kewaanu ndi okenye abuo a, dobe ha ebe di iche-iche di anya, ka m nyocha ha n’otu n’otu.”
Mgbe e kewara ha, Daniel kporo otu n’ime ha, si ya, “Ginwa, i noola na njo mee okenye, mana ugbu a, ajo ndu gi gara aga erigidola gi: ikpe ezighi ezi i na-ekpe, ndi eziomume i na-ama ikpe, ndi ikpe mara i na-ahapu ka ha laba n’udo, n’agbanyeghi na Onyenweanyi kwuru si, ‘Egbukwala onye aka ya di ocha na onye eziomume’. Ngwa, o buru ezie na i huru nwaanyi a, gwa m; kedu udi osisi ha dinara n’okpuru ya wee na-amaku onwe ha oge i huru ha?” Ọ zara ya si, “N’okpuru osisi Mastik”. Daniel wee si ya, o di mma, i siala asi sigide onwe gi. Lee mmuoozi nke Chineke anatala ozi ikpe omuma gi n’aka Chineke, ya bu mmuoozi ga-egbuwa gi abuo.” O kpopuru ya n’akuku, wee gwa ha ka ha kpobata onye nke ozo ngwa ngwa. Daniel gwara onye okaikpe nke a si, ‘Nwa Kanan ka í bu, i bughi nwa Juda; mma ahu eduhiela gi uzo; oke aguu nke anuahu eriela gi obi, Otu a ka unu abuo si eme umunwaanyi Izrel, ma ujo ekweghi ha si unų mba, ma lee nwaanyi Juda a anabataghi ajo omume unu. Ngwa, gwa m olee udi osisi ha no n’okpuru ya na-amaku onwe ha mgbe i jidere ha?” O wee zaa, “N’okpuru osisi Ook.” Daniel gwara ya si o di mma! Gi onwe gi asiala asi sigide onwe gi. Lee mmuoozi nke Chineke ka o na-eche, jiri mmagha o ga eji kwobie gi abuo, laa unu abuo n’iyi.” Ndi nzuko ahu niile weere oke olu tie mkpu tobe Chineke onye na azoputa ndi tukwasara obi ha na ya. Ha wee bilie jide ndi okenye abuo ahu n’ihina Daniel esila n’onu ha choputa na ha agbaala ama asi. Ha mere ndi okenye a ihe ojoo ahu ha onwe ha kwadoro ime mmadu ibe ha. Dika iwu Mosis si kwu, ha gburu ha. Otu a ka e siri zoputa n’ubochi ahu ndu nwaanyi enweghi ajo ihe o mere.
ABUOMA NA AZIZA: PS: 23: 1-3, 3-4, 5, 6
Aziza: O burugodu na m na-aga na ndagwurugwu nke onwu, egwu obula agaghi atu m, maka na inodebere m.

  1. Chineke bu onye nche m O nweghi ihe m ga-acho,
    O na eme ka m zuru ike ebe ahihia ndu di,
    O na eduga m na mmiri,
    Ebe ahu ka o na enye mike. Az./
  2. O na-edu m n’uzo cziomume;
    n’ihi aha ya,
    O burugodu na m na-aga na ndagwurugwu nke onwu,
    egwu obula agaghi atu m;
    I ji mkpara na ngu gi nodebe m
    O bu ha na-enye m agbamume. Az./
  3. I na-akwadoro m nri,
    n’ihu ndiiro m.
    I teela isi m mmanu,
    iko m ejula n’onu na agbofu. Az./
  4. N’ezie, obioma na ebere ga na-eso m,
    ubochindu m niile.
    Aga m ebi n’ulo nke Chineke
    ebeebe-ebeebe!. Az./

MBEKU:
Az./
Chegharianu, n’ihi na alaeze eluigwe adila nso. Az./

OZIOMA. 8:1-11.
Ihe ogugu ewetara n’Ozioma di aso nke Jon dere.
Jesu gabara ugwu Olive, N’isi ututu O biakwara ozo n’ulo nso. Mmadu niile biakwutere ya, o nodu ala kuziere ha ihe. Ndi odeakwukwo na ndi Farisii kputara otu nwaanyi e jidere ebe o na akwa iko, kwuba ya oto n’etiti mmadu niile. Ha siri ya, “Onye nkuzi e jidere nwaanyi a ebe o na akwa iko. Iwu Mosis nyere anyi ikikere ka e were okwute tugbuo onye mere ihe di otu a. Kedu ihe i kwuru maka nwaanyi a?” Ha kwuru nke a iji nwalee ya, iji nweta ihe ha ga eji bo ya ebubo. Jesu hulatara ala, were mkpisiaka ya debe ihe n’ala. Ka ha nogidere na-aju ya ajuju, Jesu hulitere gwa ha si, “Onye obula n’ime unu nke na-emehiebeghi mbu buru uzo tuo nwaanyi a okwute. “O hulatakwa ozo, were mkpisiaka ya debe ihe n’ala. Mgbe ha nuru nke a, ha niile malitere puba n’otu n’otu, bido na ndi kacha okenye. Ha hapuziri Jesu na nwaanyi ahu kwu n’ihu ya. Jesu welitere anya elu juo ya si, “Nwaanyi, olee ebe ha no? O bu na onweghi onye mara gi ikpe?” Nwaanyi ahu zara ya si, “O dighi onye obula Onyenweanyi.” Jesu wee si, “Mu onwe m amaghikwa gi ikpe, gaba, emekwala njo ozo.”
Na afo nke ato, mgbe aguru ozioma (Jon 8:1 11) na ubochi uka, ana ahoro ozioma nke a na esonu

OZIOMA 8:12-20
Ihe ogugu ewetara na Ozioma di aso nke Jon dere:
Jesu gwara ndi Juu okwu ozo si: “Abu m ihè nke uwa, onye obula na-eso m agaghi aga n’ochichiri, kama o ga-enwe ihè nke ndu.” Ndi Farisii wee gwa ya si, “I na-agbara onwe gi akaebe, ya bu na, akaebe gi abughi eziokwu.” Jesu zara ha si: “Qbuladi na m na-agbara onwe m akaebe, akaebe m bu eziokwu, n’ihina amaara m ebe m siri bia na ebe m na-aga; ma unu amaghi ebe m siri bia na ebe m na-aga. Unu na-ekpe ikpe n’usoro nke mmadu ma anaghi m ekpe onye obula ikpe. O bu ladi na m ekpe ikpe, ikpe m bu eziokwu, n’ihina obughi naani m na-ekpe ikpe, kama o bu mu na Nna m onye zitere m. Edere n’Akwukwo iwu unu na akaebe mmadu abuo bu eziokwu. Ana m agbara onwe m akaebe, Nna zitere m na agbakwara m akaebe.” Nke a mere ha ji juo ya si, “Olee ebe Nna gi no?”
Jesu azaa si, “Unu amaghi m nke unu ji ama Nna m. A si na unu maara m, unu ga-amatakwa Nna m.” O kwuru okwu ndi a n’ebe a na-edobe utu mgbe o na-akuzi nkuzi n’ulo nso, ma o nweghi onye obula jidere ya n’ihina oge ya erubeghi.
EKPERE NHUNYE
Dinwenu, ebe anyi ji onu na-abia ime emume ihe omimi nke Eucharistia, mee ka anyi hunyere Gi dika ihe nchuaja mkpuruobi ejiri opipia nke anyahu were doo ocha. Mezuoro anyi ihe ndi a site na Kristi Dinwenu anyi. Amen.
EKPERE ANATACHAA ORIRI NSO
Nna, site n’amara nke sacramenti Gị ndi a mee ka anyį tinyekwuo uchu n’iso Kristi; ka anyi wee bata n’anuri nke alaeze Gi, ebe Q bu Dinwenu ebighi ebi, ebighi ebi. Amen.

error: Content is protected !!
Open chat
1
Catholic Lectionary
Hello 👋
How can I help you?