Uzo Nke Obe (Igbo Stations of the Cross) – Nkwụsị Nke Abụọ.
Nke a bụ Uzo Nke Obe (Igbo Stations of the Cross) – Nkwụsị Nke Abụọ.
NKWỤSỊ NKE ABỤỌ
Jesu Eburu Obe Ya
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
KAỊFAS eziga Jesu na nke Paịlet, onye lechara ya kwupụta sị: “O nweghị ihe ọjọọ ọbụla m hụrụ nwoke a mere” Paịlet ezigara ya Herọd. Herọd ajụchaa ya ajụjụ zighachiri ya Paịlet. Paịlet na Herọd ejiri ya meziri esemokwu dị n’agbata ha abụọ. Paịlet abịa ma Jesu ikpe ọnwụ (Luke 23:1, 4, 1-12).
Sekpurunụ Ala
Gịnị kpatara ụmụ-mba ji arọ iro? Kedụ ihe ha jiri arọ iro na-enweghị isi? Ndị eze ụwa adọkọtala ukwu gbaa izu ha ji emegide Dinwenụ na onye O-Tere-Ude. Obinigwe nọ na-achị ha ọchị. Osebụrụwa achịgbuola ha n’ọchị.
Onyenweanyi, mee ka anyị kwụrụ n’ụzọ eziokwu gị mgbe niile, ghara iji egwu ndị mmadụ emehie gị. Mee ka ndị na-achị obodo tinyere Nzuko gị aka n’ọrụ ịgbasa ikpe nkwụmọtọ gị.
Ọha: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke atọ
Ukwe: Anya mmiri abụrụla nri m
Ma n’ehihie ma n’abalị
Mmadụ sị: Olee Chukwu gị? (Abụọma 42:3)
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Abụọ.
