Uzo Nke Obe (Igbo Stations of the Cross) – Nkwụsị Nke Iri na Atọ.
Nke a bụ Uzo Nke Obe (Igbo Stations of the Cross) – Nkwụsị Nke Iri na Atọ.
NKWỤSỊ NKE IRI NA ATỌ
E butuo Ahụ Jesu n’obe
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
Ndị agha bịara gbajie ụkwụ onye nke mbụ na onye nke abụọ a kpọgbukọtara ha na Jesu. Ma mgbe ha bịarutere ebe Jesu nọ, ha hụ na ọ nwụọlarịị, ha agbajighị ya ụkwụ. Ma otu n’ime ndị agha e were ube mapuo akụkụ ya, ọbara na mmiri agbapụta otu ihu ahụ. Nke a bụ iji mezuo ihe akwụkwọ nsọ kwuru sị: “O nweghị otu ọkpụkpụ ya aga agbaji.” “Ha ga-elekwasị ya anya bụ onye nke ha jiri ube mapuo.” (Jọn 19:32-34:36-37).
Sekpurunụ Ala
Otu esi mee ọtụtụ mmadụ ndị njọ site n’ehuweghị isi nke otu onye ka e sikwa mee ọtụtụ mmadụ ndị eziomume site n’ihuwe isi nke otu onye. E mere anyị mmiri Chukwu n’ọnwụ Kristi ka anyị wee soro ya na-aga ije na ndụ ọhụrụ. (Ndị Rom 5:19; 6:3-4).
Chineke m, nye m onyinye nke ibi ndụ dị mma, nwụọ ọnwụ dị mma, wee soro keta añụrị ebighị ebi n’eligwe.
Ọha: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke iri na ano.
Ukwe: E so m Kristi koro n’obe
Adị m ndụ ọ bụ nke Kristi
Ọ bụ Kristi bi n’ime m. (Galeshia 2:20).
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Iri na Atọ.
