Uzo Nke Obe (Igbo Stations of the Cross) – Nkwụsị Nke Iri.
Nke a bụ Uzo Nke Obe (Igbo Stations of the Cross) – Nkwụsị Nke Iri.
NKWỤSỊ NKE IRI
A gbawa Jesu Ọtọ
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
Ndị agha kpọgburu ya bịara kee uwe ya ụzọ anọ, ọbụla eburu otu ụzọ. Ma ha lechara uwe nruala ya na-enweghị njikọ ọ bụla sị: “Onye adọkakwala nke a, kama ka anyị feere ya nza, onye ọ manyere ya werechaa”. O mezuola ihe e dere n’akwụkwọ nsọ sị: “Ha ekeriela onwe ha uwe m, bịa fee nza maka uwe nruala m”. (Jọn 19:23-24, Abụọma 2:18).
Sekpurunụ Ala
A gbara m ọtọ pụta n’afọ nne m, a ga m agba ọtọ ala mmụọ, Chineke wetara, Chineke ewerekwala, Ngọzi dịrị aha Chineke. (Job 1:21).
Ọha: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke iri na otu.
Ukwe: E nweghị m onye ntasị obi;
Mmanya gbara ụka ka ha nyere m;
Mgbe ihe ọñụñụ na-agụ m. (Abụọma 68:20-21).
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Iri.
