Uzo Nke Obe (Igbo Stations of the Cross) – Nkwụsị Nke Isii.
Nke a bụ Uzo Nke Obe (Igbo Stations of the Cross) – Nkwụsị Nke Isii.
NKWỤSỊ NKE ISII
Veronika Ehichaa Jesu Ihu
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
Mgbe nwa nke mmadu ga-abia n’ebube ya n’ọgbara ndị mmụọọma niile, ọ ga-agwa ndị eziomume; “Mgbe agụụ na-agụ m, ụnụ nyere m nri m rie; Mmiri na-agụ m, ụnụ nyere m mmiri m ñụọ; mgbe m bụ onye ọbịa, ụnụ nabatara m. Agba m ọtọ, ụnụ eyiwe m akwa, mgbe m na-arịa ọrịa na mgbe m nọ n’ụlọ mkpọrọ, ụnụ bịara leta m. (Matiu 25:31,35-38).
Sekpurunụ Ala
Onye kwupụtara m n’ihu ndị mmadụ, aga m ekwupụta ya n’ihu Nna m nọ n’eligwe; ma onye ọbụla gọlaghara m n’ihu ndị mmadụ, aga m agọlagha ya n’ihu nna m nọ n’eligwe.
Chineke m, nyenụ m ndị ezigbo ikwu na ibe na ndị enyi ga-anọnyere m, ma na nsogbu ma n’añụrị. Mee ka m wepụta obi m gbaara gị akaebe n’ụwa a, ka i wee kwupụta aha m n’ihu Nna gị.
ỌHA: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke asaa
Ukwe: Iwu kacha iwu niile;
Iwu ọhụrụ ka m na-enye ụnụ;
Hụnụ ibe ụnụ n’anya.
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Isii.
