Uzo Nke Obe (Igbo Stations of the Cross) – Nkwụsị Nke Itoolu.
Nke a bụ Uzo Nke Obe (Igbo Stations of the Cross) – Nkwụsị Nke Itoolu.
NKWỤSỊ NKE ITOOLU
Jesu Adaa nke Ugboro Atọ
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
Awufuola m ka mmiri, njikọ ọkpụkpụ m niile agbakwarachaala. Obi m edeela ka mkpụrụ mmiri wụbam n’afọ. Ike (strength) m akpọọla nkụ ka mpekele ite. Ire m ataparala m n’agba m. Ị tụọla m n’uru nke ọnwụ.
Sekpurunụ Ala
Dinwenụ, lee, Ị hụla na abụrụla m onye ajụrụ ajụ. ọ bụ na ihe a agbasaghị ụnụ niile na-agafenụ? Letanụ ma o nwere ahụhụ ka nke a e bunyere m. Ihe ndi a ka m na-ebere akwa; anya mmiri na-ehusi m n’anya maka na e nweghị m onye nkasị obi nke m na e nwe onye na-asị m jisie ike. (Abụakwa 1:11-12, 16).
Chineke ji ike niile, nye m amara gị n’uju ka m were kwudosie ike ruo na ngwụcha. E kwela ka obi daa m mba mbge ihe na-esiri m ike.
Ọha: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke iri
Ukwe: Buo amụma Nwa nke Mmadụ;
Ka ọkpụkpụ kpọrọ nkụ wee dị ndụ;
Ka ha nụ okwu Chukwu (Ezikiel 37:4-5).
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Itoolu.
