Uzo Nke Obe (Igbo Stations of the Cross) | Nkwụsị Nke Mbụ

Uzo Nke Obe (Igbo Stations of the Cross) – Nkwụsị Nke Mbụ.

Nke a bụ Uzo Nke Obe (Igbo Stations of the Cross) – Nkwụsị Nke Mbụ.

NKWỤSỊ NKE MBỤ

A ma Jesu ikpe ọnwụ

Onye-ndu: Anyị esekpuoro Gị Jesu na-enye Gị ekele

Gbuọnụ Otu ikpere n’ala za.

Ọha: Maka na obe gị dị asọ ka I ji wee gbapụta ụwa

Kulitenụ

KAỊFAS asị Jesu: “Eji m aha Chukwu dị ndụ asị gị ñụọrọ anyị iyi ma Ị bụ Kristi, Nwa nke Chukwu, “Jesu azaa ya: “Ikwuola ya, mana ana m agwa gị na e mechaa, ị ga-ahụ Nwa nke mmadụ ka Ọ nọ n’aka nri nke Ike, si nurukpu nke Igwe na-abịa. Kaịfas adọwaa uwe nruala ya tie mkpu sị: “Okwuola arụ! Ndị mmadụ ekwuhachi sị: Kpọgbuo ya! Kpọgbuo ya” Ha bido bụwa ya asụ n’ihu; kụwa ya ihe.

Sekpurunụ Ala

Ndị iro m na-emeghị ihe ọjọọ ọbụla siri oke ike. Ndị kpọrọ m asị na nkịtị akarịala; ndị iro m ji ihe ọjọọ akwụ m ụgwọ iheọma, maka na ana m eso ụzọ eziomume. (Abụọma 38:19-20).

Onyenwe m, nye m ndidi ka m ghara ikwughie ọnụ mgbe ihe na-esiri m ike. E kwela ka ikwu na ibe kọ m. Nye m obi siri ike, nke m ga-eji emeri ọnwụnwa niile ga-abịakwute m na ndụ m.

Ọha:    Jesu m; ahụrụ m gị n’anya karichaa ihe niile;

              E ji m obi m niile chegharịa maka mmeghe m mehiere Gị.

              Ekwela ka m kewapụ onwe m ọzọ n’ebe Ị nọ;

              Mee ka m hụ Gị na anya mgbe ọbụla;

              Bịa were m mee ihe ọbụla masịrị Gị.

Nna anyị nọ n’eluigwe Ekele Marịa Otito dịrị Nna na Nwa na Mmụọ Nsọ

Onye-ndu: Jesu a kpọdoro n’obe maka ihi anyị.

Ọha: Mere anyị ebere

Onye-ndu: ka mkpụrụobi ndị niile kwerenụ gara aga;

Ọha: Site n’ebere nke Chukwu ka ha zuo ike na ndokwa. Amen.

Kulitenụ: kwere ukwe a gaa na nkwụsị nke abụọ

Ukwe: Nsogbu nọrọ m n’ebe niile;

            Anụrụ ndị na-agba izu

            Ka anyị kwutọọ aha ya. (Jeremaya 20:10).

Ụzọ nke Obe

• Ekpere Mmeghe: N’ihu Altar
• Nkwụsị nke Mbụ: A ma Jesu Ikpe ọnwụ
• Nkwụsị nke Abụọ: Jesu Eburu Obe Ya
• Nkwụsị nke Atọ: Jesu Adaa nke Mbụ
• Nkwụsị nke Anọ: Jesu Ezute Nne ya N’Uzo
• Nkwụsị nke Ise: Simion Enyere Jesu Aka Ibu Obe
• Nkwụsị nke Isii: Veronica Ehichaa Jesu Ihu
• Nkwụsị nke Asaa: Jesu Adaa nke Ugboro Abụọ
• Nkwụsị nke Asatọ: Jesu Ezute Umunwaanyi Jerusalem
• Nkwụsị nke Itoolu: Jesu Adaa nke Ugboro Atọ
• Nkwụsị nke Iri: A gbawa Jesu ọtọ
• Nkwụsị nke Iri na Otu: A Kpodo Jesu n’obe
• Nkwụsị nke Iri na Abụọ: Jesu Anwụọ n’elu obe
• Nkwụsị nke Iri na Atọ: E butuo Ahụ Jesu n’obe
• Nkwụsị nke Iri na Anọ: A Dọnye Jesu N’ili
• Ekpere Mmechi: Ekpere Mmechi Uzo nke Obe

Nke a bụ Uzo Nke Obe (Igbo Stations of the Cross) – Nkwụsị Nke Mbụ.