Connect with us

Igbo Mass Readings

Igbo Mass Readings for May 29 2025, Nrọgoro N’Eluigwe nke Onyenweanyị

Published

on

Igbo Mass Readings for May 29 2025, Emume Ncheta Nrọgoro N’Eluigwe nke Onyenweanyị – Afọ nke Atọ.

Nke a bụ Igbo Mass Readings for May 29 2025, Emume Ncheta Nrọgoro N’Eluigwe nke Onyenweanyị – Afọ nke Atọ.

IHE ỌGỤGỤ NKE MBỤ – 1:1-11

Ihe Ọgụgụ e wetara n’Ọrụ Ndị Ozi

Isi Okwu: E welitere Ya elu mgbe ha na-ele anya.

Ezigbo Tiofilọs! N’akwụkwọ nke mbụ, e dere m ihe banyere ihe niile Jesu mere na nke Ọ kụziri, site n’oge Ọ malitere ọrụ Ya, ruo ụbọchị Chineke naara Ya n’eluigwe.

Advertisement

Ma tupu Jesu arịgoo n’eluigwe, O sitere n’ike Mmụọ Nsọ kuziere ndị ahụ Ọ họpụtara, bụ Ụmụazụ Ya, ihe omimi dị iche iche. Mgbe Ọ hụsịrị ahụhụ ọnwụ, O gosiri mmadụ ndị a onwe Ya iri ụbọchị anọ, n’ụzọ dị iche iche na-adịghị na ngọfu, na O biliela; na Ọ dị ndụ.

N’oge a, Jesu nọ na-akuziri Ụmụazụ ya ihe banyere Alaeze Chineke. Mgbe Ya na ha zukọrọ, O nyesiri ha iwu ike, sị: “Ụnụ esikwala na Jerusalem pụọ ugbu a!

Kama cherenụ nkwa nke Nna, nke ụnụ nụrụ n’ọnụ M! Ụnụ ma na Jọn jiri mmiri mee ndị mmadụ mmirichukwu, ma Chineke ga-eji Mmụọ Nsọ mee ụnụ mmirichukwu n’oge na-eteghị aka.

Ya mere, mgbe ndị Ụmụazụ ahụ gbakọrọ, ha wee jụọ Jesu, sị: “Onyenweanyị, ọ bụ n’oge a ka Ị ga-enyeghachi Izrel alaeze?” Jesu wee sị ha: “Ọ bụghị ihe dịịrị ụnụ ịma oge, ma ọ bụ ụbọchị, nke Nna M debere n’ike nke aka Ya.

Advertisement

Kama ụnụ ga-anata ike mgbe Mmụọ Nsọ dakwasịrị ụnụ. Ụnụ ga-abụkwa ndị akaebe M n’ime Jerusalem, na n’ime Judia na Sameria niile, rukwaa ebe ụwa sọtụrụ.”

Mgbe Jesu kwusiri okwu ndị a, mgbe ndị Ụmụazụ ahụ nọ na-ele anya, e wee welie Jesu elu; igwe ojii wee kpuchie Ya, zopụ Ya n’anya ha. Ha wee legide anya n’elu ka Ọ na-aga.

Ma mgbe ha na-ele anya, na mberede, ndịikom abụọ yi uwe ọcha guzoro ha nso, sị: “Ndị Galili! Gịnị mere ụnụ guzo n’ebe a, anya n’eluigwe! Jesu nke a, Onye a napụrụ ụnụ rịgooro n’eluigwe, ga-abịakwa ọzọ, otu a ụnụ hụrụ Ya ka Ọ na-arịgo n’eluigwe.”

ABỤỌMA NA AZỊZA YA – 46:2-3, 6-9 Az. 6

Azịza: Chineke ji mkpu ọñụ arọgo n’oche eze Ya. Gbuoronụ Onyenweanyị opi ike.

Advertisement

Ma ọ bụ Aleluya

1. Ụnụ niile, kụọnụ aka. Tierenụ Chineke mkpu ọñụ.

N’ihi na Onyenweanyị, Onye kacha elu, onye dị ebube bụ eze kacha eze niile.

Ọ bụ nnukwu Eze na-achị ụwa niile. Azịza.

Advertisement

2. Ọ bụ n’ụzụ mkpu ọñụ ka Chineke na-arọgo n’oche eze Ya.

Ọ bụkwa n’ụda opi ike ka Ọ na-agbago.

Kweerenụ Chineke ukwe otito. Kweenụ ukwe otito.

Kweerenụ eze anyị ukwe otito. Kweenụ ukwe otito. Azịza.

Advertisement

3. N’ihi na Chineke bụ Eze na-achị ụwa niile.

Bụọnụ abụ otito.

Chineke bụ eze na-achị mba niile.

Chineke nọdụrụ n’oche eze Ya dị nsọ. Azịza.

Advertisement

IHE ỌGỤGỤ NKE ABỤỌ – 1:17-23

Ihe Ọgụgụ e wetara n’Akwụkwọ Ozi nke Pọl dị asọ degaara ndị Efesọs

Isi Okwu: Ọ nọdụrụ n’aka nri Ya n’eluigwe.

A na m arịọ Chineke nke Onyenweanyị Jesu Kristi, bụ Nna nke ebube, ka O nye ụnụ Mmụọ nke amamihe na nke mkpughe; ka O kpugheere ụnụ ihe niile banyere Chineke; ka ụnụ wee mara Ya.

Ana m arịọkwa ka Chineke meghee anya nke obi ụnụ, ka ụnụ wee hụ ihe, mata ihe bụ olile anya nke dị n’ọkpụkpọ Ọ kpọrọ ụnụ; matakwa ụdị akụ nke nkwa ahụ dị ebube, nke O kwere ndị nsọ Ya; matakwa na nnukwu ike Ya na-enweghị atụ, na-arụsi ọrụ ike n’ebe anyị bụ ndị kwere ekwe nọ.

Advertisement

Ike a Chineke na-etinye n’ime anyị bụ otu ike ukwu ahụ, O jiri mee ka Kristi si na ndị nwụrụ anwụ bilie, mekwaa ka Ọ nọdụ n’aka nri nke ike Ya, n’ebe kachasị elu nke eluigwe.

N’ebe ahụ ka Kristi nọ, bụrụ isi, na-achị ọchịchị niile, na ịbụ isi niile, na ike niile, na ịbụ Onyenwe mmadụ, na aha niile ụmụ mmadụ na-ehota, na-asọpụrụ, ma n’ụwa nke a ma na nke gaje ịbịa.

Chineke doro ihe niile n’okpuru ụkwụ Kristi, were Ya nye ka Ọ bụrụ isi nke Nzukọ Ya, na onye isi kachasị elu nke ihe niile. Nzukọ Kristi bụkwa ahụ Ya, bụrụkwa ozuzu nke Onye ahụ na-arụzu ihe niile n’ime mmadụ niile.

MBEKU – Matiu 28:19-20

Aleluya, aleluya!

Advertisement

Gaanụ, kuziere mmadụ niile Oziọma M. A nọnyeere M ụnụ oge niile ruo na ngwụcha nke ụwa.

Aleluya!

OZIỌMA – 24:46-53

Ihe Ọgụgụ nke a si n’Oziọma dị asọ nke Luk dere

Isi Okwu: Mgbe Ọ na-agọzi ha, e bugoro Ya n’eluigwe.

Advertisement

Jesu gwara Ụmụazụ Ya, sị: “Otu a ka e dere ya n’Akwụkwọ Nsọ na ‘Kristi ahụ ga-ahụ ahụhụ, sikwa n’ọnwụ bilie n’ụbọchị nke atọ; na malite na Jerusalem, a ga-ekwusakwara mba niile nchegharị na mgbaghara mmehie, n’aha Ya.’ Ụnụ onwe ụnụ bụ ndị akaebe ihe ndị a.

Lee, aga M eme ka Ihe ahụ Nna M kwere ụnụ na nkwa bịakwasị ụnụ. Ma nọdụnụ n’ime obodo a, ruo mgbe Chineke ga-eyikwasị ụnụ ike ahụ nke si n’eluigwe, dịka uwe.”

Mgbe Jesu kwusịrị okwu a, O duuru ndị ozi Ya pụọ, garuo ụzọ Betani. O wee chilie aka Ya elu, gọzie ha. N’oge Ọ na-agọzi ha ka, O siri n’ebe ha nọ pụọ.

O wee rọgoro n’eluigwe. Ụmụazụ Ya wee kpọọrọ Ya isi ala, werekwa oke ọñụ laghachi na Jerusalem. Ha nọgidere n’ụlọ nsọ Chineke na-enye Chineke ekele.

Advertisement

Igbo Mass Readings for May 30 2025, Fraịde Izuụka nke Isii n’oge Iista

TO ALL OUR READERS

Please don’t scroll past this. If you donate just ₦2000, or whatever you can, Online Catholic Lectionary could keep thriving for years. Take a minute to donate. Show the world that access to Online Catholic Lectionary matters to you and saves you from frequent buying of printed bulletin. Thank you.

Igbo Mass Readings for May 29 2025, Emume Ncheta Nrọgoro N’Eluigwe nke Onyenweanyị – Afọ nke Atọ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.