Igbo Mass Readings for Saturday of Fourth Week of Lent

SATURDAY: IZU UKA NKE ANO N’OGE AHUHU KRISTI.

EKPERE MMEGHE
Dinwenu, were ebere Gi di nwaayo na-edu anyi n’ihina o buru so naani n’ike aka anyi, anyi enweghi ike ime uche Gi. Site na Dinwenu anyi Jesu Kristi …

Ihe Ogugu nke mbu 11:18-20
Ihe ogugu ewetara n’Akwukwo onye amuma Jeremaya
Yahweh mere ka m mara maka onya ha na ekwere m; nke mere na o gosiri m ihe ojoo niile ha mere. Adi m ka nwaaturu akpu aga igbu egbu, mana amaghi m na o bu m ka ha na-agbara izu ojoo na-asi, “Ka anyi mebie osisi ahu na mkpuru ya; ka anyi gbupu ya n’ala ndi di ndu, ka a hapu icheta aha ya ozo.”
Kama Chineke ji ike nile, onye na-ekpe ikpe ziri ezi, onye na-enyocha uche na obi, mee ka m hu iwe gi n’ebe ha no, maka na o bu na gi ka m tukwasara obi m.

ABUOMA NA AZIZA: Ps: 7: 2-3, 9-10, 11-12.
Aziza: Onyenweanyi na Chineke m, ana m agbaba na nchedo gi.

  1. Onyenweanyi na Chineke m, ana m agbaba na nchedo gì.
    Zoputa m n’aka ndi na-esogbu m
    I meghi otu a, ha ga-adogbu m dika agu,
    dorichaa m ebe o nweghi onye ga-azoputa m. Az./
  2. Kpee mikpe Onyenweanyi
    dika eziomume m na úgwù m si di.
    Bibie ajo echiche ndi ajo mmadu niile.
    Mee ka onye eziokwu kwusie ike,
    ngi Chineke nke ikpe nkwumoto,
    onye na-enyocha ime mmuo na mkpuruobi. Az/
  3. Chineke bu uta nke na-echedo m.
    o na-echekwa ndi obi ha kwu oto.
    Chineke bu onye ikpe nkwumoto:
    O naghi ewe iwe osooso.
    Mana o bu Chineke na-ewesara ndi niile
    juru ncheghari iwe mgbe obula, Az./

MBEKU: Ps:95:8
Az/ Taa, o buru na unu anu olu ya, unu agbachila obi unu. Az./

OZIOMA 7:40-53.
Ihe ogugu ewetara n’Ozioma di aso nke Jon dere.
Mgbe ha nuru okwu ndi a, ufodu ndi mmadu kwuru si, “Onye a bu onye amuma ahu n’ezie.” Ndi ozo siri, “Onye a bu Kristi ahu. Ma ufodu juru si. “Kristi ahu o ga-esi na Galili puta? O bu na Akwukwo Nso ekwughi na Kristi ga-esi n’agburu Devid puta; na o ga-esi na Betlehem bu onumara Devid?”
Nke a mere nkewa jiri daputa n’etiti ndi mmadu banyere ya. Ufodu choro ijide ya, ma o nweghi onye obula meturu ya aka. Ndi nche laghachikwuuru ndi isi nchuaja na ndi Farisii, ndi juru ha si, “Gini mere unu akputaghi ya?” Ndi nche ahu zara ha si, “O dibeghi onye kwuru okwu di ka nwoke a!” Ndi Farisii ahu juru ha si, “Eduhiekwuola unu onwe unu uzo? O dila onye obula n’ime ndiisi ma o bu n’ime ndi Farisii kwere na ya? Mana igwe mmadu a bu ndi amaghi iwu bu ndi aburu onu.” Nikodemus, otu onye n’ime ha bu onye biakwutere Jesu na mbu gwara ha si, “Iwu anyi o na ama mmadu ikpe n’ebughi uzo nu olu ya wee mata ihe o mere?” Ha zaghachiri ya si, “I bukwu onye Galili? Nyochaa Akwukwo Nso, i ga-achoputa na o nweghi onye amuma ga-esi na Galili puta.” Onye obula n’ime ha labara n’ulo ya.
EKPERE NHUNYE
Nna, nara onyinye anyi ma tugharia obi anyi ka o na-erubere uche Gi isi. Anyi na-ario Gi ihe ndia site na Kristi Dinwenu anyi. Amen.

EKPERE ANATACHAA ORIRI NSO
Dinwenų, mee ka ike onyinye nso ndi a I nyere anyj tohapu anyi na njo, ma nyekwara anyi aka idi na-eme ihe ga na-aso Gi ubochi ndu anyi niile. Anyi na-ario Gi ihe ndia site na Kristi Dinwenu anyi. Amen.

error: Content is protected !!
Open chat
1
Catholic Lectionary
Hello 👋
How can I help you?