Igbo Mass Readings for Saturday of the Third Week of Lent

SATURDAY: IZU UKA NKE ATO N’OGE AHUHU KRISTI.

EKPERE MMEGHE
Dinwenu, mee ka emume ncheta ahuhu, onwu na mbillite n’onwu nke Dinwenu anyi Jesu Kristi n’oge lenti a duruo anyi n’uju anuri nke Ista. Site na Dinwenu anyi Jesu Kristi

Ihe Ogugu nke mbu 6:1-6
Ihe Ogugu ewetara n’Akwukwo onye Amuma Hoseya
N’ime ahuhu ha, ha ga-achosi M ike si: “Bianu ka anyi laghachikwuru Yahweh. O doriela anyi ma o ga-agwokwa anyi. O tiruola anyi ahu ma o ga ekechikokwa onya anyi. O ga-eme ka anyi dikwa ndu mgbe ubochi abuo gachara; n’ubochi nke ato, o ga-eme ka anyi bilie ka anyi wee dikwa ndu n’ihu ya. Ka anyi gbalianu imata Yahweh, n’ihina obibia ya doro anya dika chi obubo, O ga-abi akwute anyi dika mmiri ozuzo, dika mmiri na-ezosa ala n’oge udu mmiri. Gini ka m ga-eji gi mee, O Ifrem? Gini ka m ga-eji gi mee, O Juda? Ihunaanya unu dika igirigi ututu, igirigi nke anaghi ewe oge; o gbasasia. Nke a mere m ji si n’onu ndi amuma gburie ha n’ibe n’ibe, ejila m okwu si m n’onu gbuo ha, amamikpe m achawaputa ka ihè. Makana ihunaanya kwusiri ike bu ihe na-amasi m, o bughi aja; ima Chineke, o bughi aja onyinye nsureoku.

ABUOMA NA AZIZA: PS: 51:3-4, 18-19, 20-21.
Aziza: O bu ikwudosiike, O bughi aja ka Onyenweanyi na-acho

  1. Meere m ebere O Chineke site n’ihunaanya gi
    site na nnukwu obi ebere gi hichapu njo m niile;
    Sachapu mmehie m niile,
    wuchapu m na njo. Az./
  2. I naghi enwe mmasi obula n’aja,
    Aja nsureoku anaghi ato gi uto,
    Aja a na-achuru Chineke bu obi gbawara agbawa,
    I naghi aju obi gbawara agbawa na nke loghara elogha. Az./
  3. Site n’obioma gi meere Zayon ebere,
    ruzie mgbidi Jerusalem.
    Mgbe ahu i ga-anabata aja a churu n’obi ocha,
    Aja nsureoku na ihe nchu aja niile. Az./

MBEKU: Ps: 51:12,14.
Az./
Chineke, kenye obi di ocha n’ime m, nyeghachikwa mañuri nke nzoputa gi. Az./

OZIOMA 18:9-14
Ihe ogugu ewetara n’Ozioma di aso nke Luk dere.
Jesu kowaara ufodu, bu ndi na-ewe onwe ha ka ndi eziomume ma hu ndi ozo ka ndi ajo omume ukabuilu a. Ndi nwoke abuo gara n’ulo nso ikpe ekpere. Otu n’ime ha bu onye Farisii, nke ozo bu onye onautu, Onye Farisii ahu guzoro kpesara onwe ya ekpere nke a si, “Chineke, ekelee m gi na adighi m ka ndi mmadu ozo, ndi na-azoro ihe mmadu ibe ha n’aka ike, ndi omempu, ndi okwaiko, ma o bukwanu nke m na-adi ka onye onautu a. Ana m ebu onu ugboro abuo n’izuuka. Ana menyekwa otu uzo n’uzo iri nke ihe niile m kpatara. Onye onautu ahu, nke kwu n’ebe di anya, ekweghi ewelite ihu lelie anya n’eluigwe. Kama o na-eti aka n’obi na-asi, “Chineke,meere munwa bu onye njo ebere.” Agwa m unu, nwoke a lara n’ulo ya buru onye a guru n’onye eziomume karia onye nke ozo. Onye obula buliri onwe ya elu a ga-ebuda ya, ma onye obula budara onwe ya ala, a ga-ebuli ya elu.

EKPERE NHUNYE
Dinwenu, iji amara Gị na-akwalite anyi iji ndu nwoghara enwogha na-eme emume ihe omimi ndi a. Mee ka Eucharistia nke a nye Gį otito kwesiri ekwesi. Mezuoro anyi ihe ndj a site na Kristi Dinwenu anyi. Amen.

EKPERE ANATACHAA ORIRI NSO
Chineke, Onye ebere, mee ka onyinye nso ndi a anyi natara nyere anyi aka ife Gi n’eziokwu ma werekwa okwukwe na-anata sacramenti Gį dị iche-iche. Anyi na-ario Gi ihe ndia site na Kristi Dinwenu anyi. Amen.

error: Content is protected !!
Open chat
1
Catholic Lectionary
Hello 👋
How can I help you?