Igbo Mass Readings for Saturday 2nd Week of Easter

SATURDAY: IZU UKA NKE ABUO N’OGE MBILITE N’ONWU NKE KRISTI.

EKPERE MMEGHE
Chineke Nna anyi, were ihunaanya lekwasi anyi anya. I gbaputara anyi biakwa mee ka anyi buru umu Gi n’ime Kristi. Nye anyi ezi inwere onwe onye, biakwa mee ka anyi bata na ndụ ebighi ebi nke I kwere anyi na nkwa. Site na Dinwenu anyi Jesu Kristi …

Ihe Ogugu nke mbu 6:1-7
Ihe ogugu ewetara n’Oru Ndiozi
N’oge a, ka onu ogugu ndi na-eso uzo Jesu na abawanye, esemokwu daputara: ndi Juu ndi a muru na mba, ndi na-asu asusu Grik, tamuru ntamu megide ndi Juu ndi a muru n’ulo ndi na asu asusu Hibru. Iwe ha bu na a na-eleghara umunwaanyi ha, ndi di ha nwuru anwu anya n’ihe ndi a na-eke kwa ubochi.
Ndiozi iri na abuo ndi ahu kporo ogbako nke ndi na-eso uzo Jesu, gwa ha si, o zighi ezi na anyi ga ahapu igbasa ozioma Chineke na-ahu maka ihe oriri. Ya bu umunna n’ime Kristi, hoputanu n’etiti unu umunwoke asaa ndi unu tukwasara obi, juputakwara na Mmuo Nso na amamihe, ndi anyi ga-etinye oru a n’aka. Anyi onwe anyi ga anogidesi ike na ikpe ekpere na n’ikwusa ozioma. Atumaatu a masiri mmadu niile. Ha hoputara Stivin, bu nwoke juputara n’okwukwe na Mmuo Nso, Filip, Prokoros, Nikano, Timon, na Pamenas, na Nikolas onye Antiok a kpobatara n’okpukpe ndi Juu. Ogbako ahu chere mmadu asaa ndi a n’ihu umuazu, umuazu kpeere ha ekpere, bikwasa ha aka n’isi. Okwu Chineke wee na-aga n’ihu. Onu ogugu ndi na-eso uzo Jesu na abawanyekwa nke ukwuu na Jerusalem. Otutu ndi ukochukwu nabatakwara okwukwe nke ndi otu Kristi.

ABUOMA NA AZIZA: Ps:33:1-2,4-5,18-19.
Aziza: Ka jhunaanya gi di n’ebe anyi no, O Chineke ebe nchekwube anyi di na gi.

  1. Tierenu Chineke mkpu onu ndi eziomume,
    n’ihi na otito kwesiri ndi obi ha kwu oto.
    werenu ubo akwara too Chineke;
    werenu une kuoro ya egwu. Az./
  2. N’ihi na okwu nke Onyenweanyi bu eziokwu.
    O na-akwudosiike n’oru ya niile.
    O huru eziomume na ikpe nkwumoto n’anya,
    ihunaanya ya juputara n’uwa. Az./
  3. Ma lee ka Onyenweanyi si eleta ndi niile na-aturu ya egwu anya,
    ndi niile tukwasiri obi ha n’ihunaanya ya,
    ka O wee zoputa mkpuru obi ha na unwu. Az./

ALLELUIA ALLELUIA:
Ebe Chineke mere ka Kristi si n’onwu bilie, O gaghi anwukwa ozo, onwu enweghikwa ike ozo n’ebe o no.
ALLELUIA.

OZIOMA: 6: 16-21.
Ihe ogugu ewetara n’Ozioma di aso nke Jon dere:
N’oge uhuruchi ndi na-eso uzo Jesu gbadatara n’oke osimiri. Ha banyere ugbo igafe osimiri ije Kapanaum. Mgbe ahu ochichiri agbaala, ma Jesu abiakwutebeghi ha. Ebilimmiri tibere n’ihina oke ifufe na-efe. Ha akwoola ugbo ihe dika mail ato ma o bu ano mgbe ha huru Jesu ka o na-aga ije n’elu osimiri, na-abiaru ugbo ha nso. Egwu turu ha. Ma Jesu siri ha, “O bu m, egwu atula unu.” Ha nwere obi añuri ikpobata ya n’ime ugbo, ma ozigbo ahu, ugbo ha ruru n’ala ebe ha na-aga.

EKPERE NHUNYE
Dinwenu di ebere, doo onyinye ndia nsọ, mekwaa ka aja nke ime mmuo anyi mee ka anyi buuru Gi onyinye nke ndụ ebighi ebi. Anyi na-ario Gi ihe ndia site na Kristi Dinwenu anyi. Amen.

EKPERE ANATACHAA ORIRI NSỌ
Dinwenu, mee ka oriri nke a anyį na-eri na ncheta nke Nwa Gi, nyere anyį aka itolite n’ihunaanya. Anyi na-ario Gi ihe ndia site na Kristi Dinwenu anyi. Amen.

error: Content is protected !!
Open chat
1
Catholic Lectionary
Hello 👋
How can I help you?