Igbo Mass Readings for June 21 2025, Satọde n’ime Izuụka nke Iri na Otu N’Oge Adanyeghị n’Emume.

Nke a bụ Igbo Mass Readings for June 21 2025, Satọde n’ime Izuụka nke Iri na Otu N’Oge Adanyeghị n’Emume.

IHE ỌGỤGỤ NKE MBỤ – 12:1-10

Ihe Ọgụgụg e wetara a’akwụkwọozi nke abụọ Pọl Deguara ndị Kọrịnt

Aghaghị m ịnya isi, ọ bụ ezie na ọ baghị uru. Ugbu a, aga m akọ ọhụ m hụrụ na ihe mkpughe dị icheiche nke Onyenweanyị kpugheere m. Amaara m otu nwoke bụ onye nke Kristi, onye e weliri elu n’eluigwe nke atọ, afọ iri na anọ gara aga.

Amaghị m ma ihe a o mere na mmadụ, mọbụ n’ọhụ, sọọsọ Chineke maara. Amatakwara m na e weliri nwoke a elu rigoro Paradaịs. Ọzọ, amaghị m ma ihe a o mere n’ihe, mọbụ n’ọhụ. Sọọsọ Chineke maara.

N’ebe ahụ nwoke ahụ nụrụ ihe ụfọdụ nke mmadụ na-apụghị ịkọ, na ihe nzuzo nke ọnụ na apụghị ikwu. Aga m eji mmadụ dị otu a nyaa isi.

Agaghị m anya isi maka onwe m, kama naanị n’ihe ndị na-egosi adịghị ike m. Ọ bụrụ na achọrụ m ịnya isi agaghị m anya isi ka onye nzuzu, n’ihina aga m ekwu naanị eziokwu Otu ọ dị, agaghị m anya isi ka onye ọbụla ghara ịgụ ọnọdụ m karịa ihe ọ hụrụ n’ime m, mọbụ karịa ihe ọ nụrụ n’ọnụ m.

Ka m ghara ịfụli onwe m elu karịa n’ihi ihe ịtụnaanya na oke mkpughe nke Chineke kpugheere m. E tinyere ihe mgbu n’anụahụ m ka ọ na-adụ m dịka ogwu.

Ihe mgbu a dị n’anụ ahụ m na-eti m aka dịka mmụọ nke Ekwensu, na-eme ka m ghara ịfụli onwe m elu karịa. Ugboro atọ ka m rịọrọ Dinwenụ ka o wepu ihe a n’ahụ m.

Mana ọ zara m sị, “Amara m eruorola gụ! N’ihina ike m na-apụta ihe mgbe ike mmadụ adịghị”. N’ihi nke a obi dị m ụtọ nke ukwu mgbe m na-anya isi n’ime adịghị ike m niile, ka ihe nke Kristi wee dakwasa m.

Ọ bụ n’ihi Kristi ka m na anọgide n’adịghị ike m niile, mkparị ndị mmadụ, ihe isiike niile, mkpagbu niile na ihe ndakwasa dị icheiche. N’ihina mgbe m adịghị ike ka m na-enwe ike karịa.

ABỤỌMA NA AZỊZA – Ps. 34:7-8, 9-10, 11-12

Azịza: Detu iri ka ị hụ ka Onyenweanyị si dị mma!

1. Mmụọọma nke Onyenweanyị na-echedo

ndị na-atụ ya egwu nche, Ọ na-azọpụta ha

Detu ire ka ị hụ ka Onyenweanyị si dị mma!

Añụrị na-adịrị onye gbabara n’Onyenweanyị. Azịza

2. Ụnụ ndị nsọ niile, tụọnụ Onyenweanyị egwu

n’ihina ndị niile na-atụ Onyenweanyị egwu

enweghị ihe na-akpa ha.

Agụụ nwere ike gụọ ụmụ ọdụm

mana iheọma anaghị akọ

n’ebe ndị na-achọ Onyenweanyị nọ. Azịza

3. Bịanụ ụmụ ntakịrị, geenụ m ntị,

aga m akụziri ụnụ ịtụ egwu Onyenweanyị

Olee onye n’ime ụnụ chọrọ ibiru ndụ ya n’isi,

Onye nke chọ ogologo ndụ na iheọma? Azịza.

MBEKU – Jemis 1:18

Alleluia, Alleluịa:

Onyenweanyị jiri okwu nke eziokwu ahụ mee ka anyị pụta iche. Meekwa ka anyị bụrụ ndị mkpụrụ mbụ nke ihe o kere eke.

Alleluia.                    

OZIỌMA – 6:24-34

Ihe Ọgụgụ nke a si n’Oziọma dị asọ nke Matiu dere

Jesu gwara ndị na-eso ụzọ ya sị, “O nweghị onye pụrụ ịgbara nnaukwu abụọ odibo; n’ihina ọ ga-akpọ otu asị hụ nke ọzọ n’anya, mọbụ ọ ga asọpụrụ otu lelịa nke ọzọ.

Ụnụ apụghị ịbụ odibo Chineke na akụ nke ụwa. “Ana m agwa ụnụ eziokwu, ụnụ echegbula onwe ụnụ banyere ndụ ụnụ, ihe ụnụ ga-eri, mọbụ nke ụnụ ga-añụ, mọbụ banyere ahụ ụnụ; ihe ụnụ ga-eyi n’ahụ?

Ọ bụ na ndụ akarịghị ihe oriri, ka ọ bụ na ahụ akarịghị ihe a na-eyi n’ahụ. Leenụ ụmụ nnụnụ nke igwe, ha anaghị akọ ugbo, ha anaghịkwa ewe ihe ubi nke ha na-akpọkọba ihe n’ọba, ma Nna ụnụ nke eluigwe na-azụ ha.

Ọ bụ na ụnụ abaghị uru karịa ha? Kedụ onye n’ime ụnụ pụrụ ịtụkwasị ihe na ndụ ya site n’ichegbu onwe ya? Gịnị mere ụnụ ji echegbu onwe ụnụ banyere uwe ụnụ ga-eyi n’ahụ?

Leenụ okooko dị n’ubi ka ha si eto: ha anaghị arụ ọrụ, nke ha na-ekwe akwa. Ma agwa m ụnụ, ọbụladị Solomọn, na ikeike eze ya niile, amarughị mma ka otu n’ime okooko ndị a.

Ọ bụrụ na Chineke si otu a chọọ ahịhịa dị n’ubi mma, nke dị ndụ taa, echi a tụnye ya n’ọkụ, ọ bụ na ọ gaghị eyikwasị ụnụ uwe karịa, ụnụ ndị obere okwukwe?

Ya bụ, ụnụ echegbula onwe ụnụ sị, ‘Gịnị ka anyị ga-eri? Mọbụ gịnị ka anyị ga-añụ? Mọbụ gịnị ka anyị ga-eyi n’ahụ?

N’ihina ndị mba ọzọ na-achọ ihe ndị a niile, ma Nna ụnụ nke bi n’eluigwe maara na ihe ndị a dị ụnụ mkpa. Ma burunụ ụzọ chọba alaeze Chineke na eziomume ya, ihe ndị a niile ga-abụkwa nke ụnụ.

Ya bụ, ụnụ echegbula onwe ụnụ banyere ihe echi ga-eweta, n’ihina echi ga-echere onwe ya banyere mkpa nke dịịrị ya. Nsogbu ụbọchị ezuola maka ụbọchị ahụ.

Igbo Mass Readings for June 21 2025, Satọde n’ime Izuụka nke Iri na Otu N’Oge Adanyeghị n’Emume.