Igbo Mass Readings for April 11 2024, Tọọzde Izuụka nke Abụọ n’oge Mbilite n’Ọnwụ Kristi

Nke a bụ Igbo Mass Readings for April 11 2024, Tọọzde Izuụka nke Abụọ n’oge Mbilite n’Ọnwụ Kristi.

IHE ỌGỤGỤ NKE MBỤ – 5:27-33

Ihe Ọgụgụ ewetara n’Ọrụ Ndịozi

Ọchịagha nke ụlọnsọ Chineke na ndịagha ya kpọtara ndịozi ahụ kwụba ha n’etiti ọgbakọ ikpe nke Sanhedrịn. Onyeisi nchụaja jụrụ ha ajụjụ sị, “Ọ kwa anyị dọsiri ụnụ aka na ntị ike ka ụnụ ghara ikuziri ndị mmadụ ihe n’aha a, mana ụnụ agbasaala ozi ụnụ n’obodo Jerusalem niile na- achọ ibogide anyị ọnwụ nwoke a.

Pita na ndịozi ndị ọzọ zaghachiri sị, “Anyị ga-egerịrị Chineke ntị karịa mmadụ. Chineke nke nnanna anyị ha mere ka Jesu si n’ọnwụ bilie, bụ onye ụnụ kpọgburu n’elu osisi.

Chineke buliri ya elu nye ya ọnọdụ n’aka nri ya dịka onye ndu na onye nzọpụta, iji wetara ụmụ Izrel nchegharị na mgbaghara nke njọ. Anyị onwe anyị bụkwa ndị akaebe ihe ndị a, anyị na Mmụọ Nsọ nke Chukwu nyere ndị niile na-erubere ya isi. Mgbe ha nụrụ nke a, Ọ gbawara ha obi ha wee chọọ igbu ndịozi ahụ.

ABỤỌMA NA AZỊZA – Ps. 34: 2, 9, 17- 18.19-20.

Azịza: Onyenweanyị na-anụ mkpu akwa nwogbenye.

1. Aga m eto Onyenweanyị oge niile,

Otito ya ga-adị n’egbugbere ọnụ m mgbe ọbụla.

Detụ ire ka ị hụ ka Onyenweanyị si dị mma!

Añụrị na-adịrị onye gbabara n’Onyenweanyị. Azịza

2. Mana Onyenweanyị na-agbarụ ihu n’ebe ndị ajọ omume nọ,

Ọ na-eme ka a ghara ichetakwa ha n’ụwa.

Ndị eziomume kpọkuru Onyenweanyị, O za ha,

wee zọpụta ha na nsogbu ha niile. Azịza

3. Onyenweanyị na-anọ ndị obi loghara elogha nso,

na-enyere ndị dara mba na mmụọ aka.

Ọ bụ eziokwu na nsogbu onye eziomume karịrị akarị,

mana Onyenweanyị na-esi na ha niile zọpụta ya. Azịza

MBEKU

ALLELUIA ALLELUIA:

Anyị maara na Kristi ebilitela n’ọnwụ, eze nke mmeri bịa nọnyere anyị.

ALLELUIA.

OZIỌMA – 3:31-36.

Ihe Ọgụgụ ewetara n’Oziọma dị asọ nke Jọn dere.

Jesu gwara Nịkọdemus sị: Onye si n’elu bịa kacha ihe niile elu, ma onye si n’ụwa pụta bụ mmadụ nke ụwa, okwu ya bụ naanị maka ihe nke ụwa. Onye si n’eluigwe bịa kacha ihe niile elu.

Ọ na-agba akaebe banyere ihe ọ hụrụ na ihe ọ nụrụ ma ọ dịghị onye na-anara ya. Onye nabatara akaebe ya ji nke a mere akara na Chineke bụ eziokwu. Onye ahụ Chineke zitere na-ekwu okwu nke Chineke n’ihi na Chineke na-enyezu Mmụọ enyezu.

Chineke hụrụ nwa ya n’anya, o ji were ihe niile nye ya n’aka. Onye kwere na nwa ahụ nwere ndụ ebeebe, ma onye na-ekweghị na ya agaghị ahụ ndụ anya, kama ikpe ọmụma nke Chineke ga-adịrị ya.

Igbo Mass readings for April 12 2024, Fraịde Izuụka nke Abụọ n’oge Mbilite n’Ọnwụ Kristi.

Igbo Mass Readings for April 11 2024, Tọọzde Izuụka nke Abụọ n’oge Mbilite n’Ọnwụ Kristi

Catholic Sunday and Daily Mass Readings for 2024 (Kindle eBook & Paperback)

X
Scroll to Top
error: Alert: Content is protected !!

Receive Daily Mass Readings and Reflections via Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.