Igbo Mass Readings for Chrism Mass – March 28 2024 (Tọọzde)

Nke a bụ Igbo Mass Readings for Chrism Mass – March 28 2024 (Tọọzde)

IHE ỌGỤGỤ NKE MBỤ – 61:1-3, 6, 8-9

Ihe Ọgụgụ ewetara n’Akwụkwọ onye amụma Aịzaya

Mmụọ nke Chineke adakwasala m, n’ihi na Osebụrụwa eteela m ude, o zigala m ka m wetara ndị a na-emegbu emegbu oziọma, ka m kasie ndị obi na-agbawa obi, ka m mee ka ndị eji eji nwere onwe ha, ka m megheere ndị nọ na mkpọrọ ụzọ.

Ka m kwupụta afọọma nke Chineke, nakwa ụbọchị Chukwu anyị ga-abọ ọbọ, ka m kasie ndị niile na-eru ụjụ obi; ka m nye ndị niile na-eru ụjụ na Zayọn onyinye ntunye ugo kama ntụ, mmanụ nke obi ụtọ karịa akwa mkpe, akwa emume karịa mmụọ dara mba; ka e wee kpọọ ha osisi ook nke agwa ọma; nke Yahweh kụrụ maka otito nke ya.

Ma aga-akpọ ụnụ ndị ụkọchukwu nke Yahweh, ndị mmadụ ga-ewere ụnụ dịka ndị odibo nke Chineke. Ụnụ ga-eri akụnụba nke mba niile, n’ụba ha ka ụnụ ga-añụrị.

N’ihi na mụ onwe m bụ Osebụrụwa na-ahụ ikpe nkwụmọtọ n’anya; akpọrọ m izu ohi na ihe ọjọọ asị; aga m akwụghachicha ha ụgwọ ha, ma mee ọgbụgbandụ dị ebeebe n’etiti m na ha.

A ga-amara agbụrụ ha na mba niile, mara ndị niile si n’etiti ha pụta n’ọgbọ mmadụ niile. Onye ọbụla hụrụ ha ga- ekwupụta na ha bụ ndị nke Chineke a gọziri agọzi.

ABỤỌMA NA AZỊZA – Ps. 89:21-22, 25 27.

Azịza: Aga m eji ukwe kwupụta ịhụnaanya nke Onyenweanyị ebeebe-ebeebe.

1. Ahọrọla m nwodibo m bụ Devid,

eteela m ya mmanụ ka ọ bụrụ eze.

Aga m anọnyere ya oge niile,

enyemaka m ga-abụ ike ya. Azịza

2.  Ịhụnaanya m na ịkwụdosiike m ga-anọyere ya oge niile,

aga m enye ya mmeri oge niile n’ihi aha m,

Ọ ga-ebeku m sị, “Ị bụ nna m,

Chineke m na onye enyemaka m. Azịza

IHE ỌGỤGỤ NKE ABỤỌ – 1:5-8

Ihe Ọgụgụ ewetara n’akwụkwọ Mkpughe

Amara na udo nke sitekwara na Jesu Kristi onye akaebe kwesịrị ntụkwasịobi, mkpụrụ mbụ nke ndị nwụrụ anwụ, onye ọchịchị ndịeze nke ụwa dịrị ụnụ.

Ọ hụrụ anyị n’anya, were ọbara ya sachapụ njọ anyị mekwaa anyị agbụrụ ndị ụkọchukwu nke Chineke ya na Nna ya. Otito na ike dịrị ya ebeebe-ebeebe. Amen. Lee, ọ na-abịa n’igwe ojii.

Mmadụ niile ga-ahụzu ya. Ndị ahụ mara ya ube ga-esokwa hụ ya. Agbụrụ niile nke ụwa ga-eti mkpu akwa n’ihi ya. N’eziokwu ọ ga-adị otu a. Amen. “A bụ m Isi mbido na Isi ngwụcha,” Ka Dinwenụ Chineke kwuru, onye dị adị, onye dịbu adị na onye ga-adịnụ, onye ji ike niile.

MBEKU – Is: 61:1

R/ Otito na ebube dịrị Gị, O Dinwenụ, Jesu Kristi.

Mmụọ nke Chineke adakwasala m, o zigala m ka m wetara ndị a na-emegbu emegbu oziọma.

R/ Otito na ebube dịrị Gị, O Dinwenụ, Jesu Kristi.

OZIỌMA – 4:16-21.

Ihe Ọgụgụ ewetara n’Oziọma dị asọ nke Luk dere.

Jesu bịaruru Nazaret ebe ọ nọrọ too; banye n’ụlọ nzukọ, n’ụbọchị izu ike dịka o si eme. O wee bilie ịgụ ihe; ha nyere ya akwụkwọ Aịzaya onye amụma.

O meghere akwụkwọ hụ ebe edere sị: “E nyela m Mmụọ nke Dinwenụ, maka na Dinwenụ eteela m ude ka mụ bugara ndị ogbenye Oziọma, ka m kwusaara ndị eji eji na ha enwerela onwe ha, ka m kwusaara ndị kpuru isi na ha ahụbala ụzọ, ka m mee ka ndị a na-emegbu-emegbu nwere onwe ha.

Ka m kwupụta afọ Amara nke Dinwenụ.” O kpuchiri akwụkwọ ahụ nyeghachi ya onye na-aga ozi, bịa nọdụ ala. Mmadụ niile nọ n’ụlọ nzukọ lekwasịrị ya anya. Ọ malite ịgwa ha okwu sị, “Taa, ka e mezuru na ntị ụnụ ihe e dere n’akwụkwọ nsọ a.”

Igbo Mass readings for March 29 2024, Ezi Fraịdee

Igbo Mass Readings for Chrism Mass – March 28 2024 (Tọọzde)

Catholic Sunday and Daily Mass Readings for 2024 (Kindle eBook & Paperback)

X
Scroll to Top
error: Alert: Content is protected !!

Receive Daily Mass Readings and Reflections via Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.