Connect with us

Igbo Mass Readings

Igbo Mass Readings for June 4 2024, Tuzde Izuụka nke Itoolu N’Oge Nkịtị

Published

on

Igbo Mass Readings for June 4 2024, Tuzde Izuụka nke Itoolu N’Oge Adanyeghị n’Emume.

Nke a bụ Igbo Mass Readings for June 4 2024, Tuzde Izuụka nke Itoolu N’Oge Adanyeghị n’Emume.

IHE ỌGỤGỤ NKE MBỤ – 3:12-15, 17-18

Ihe Ọgụgụ ewetara n’Akwụkwọozi Pita nke Abụọ

Na-emenụ otu a ka ụnụ nọ na-eche ọbịbịa nke ụbọchị nke Chukwu. Chọsikwaanụ ya ike ka ọ bịa ngwangwa, bụ ụbọchị ahụ Chineke ga-amụnye eluigwe niile ọkụ ka ha repịa.

Mana anyị na-atụ anya ihe Chineke kwere na nkwa, bụ eluigwe ọhụrụ na ụwa ọhụrụ, ebe eziomume ga-adịgide. Ndị m hụrụ n’anya ebe ụnụ nọ na-ele anya ụbọchị ahụ, gbaanụ mbọ dobe onwe ụnụ ọcha ka ụnụ ghara inwe ntụpọ ọbụla n’ihu Chineke, ka ụnụ dịkwa n’udo mgbe ọ ga-abịa.

Advertisement

Ghọtanụ na ogologo ndidi Onyenweanyị nwere n’ebe ụnụ nọ bụ ohere nzọpụta o nyere ụnụ dị ka Pọl nwanne anyị, onye anyị hụrụ n’anya jiri amamihe Chineke nyere ya deere ụnụ akwụkwọozi.

Ndị m hụrụ n’anya, ebe ọ bụ na ụnụ amarala ihe ndị a kpacharanụ anya, ka ndị arụrụ ala ghara iduhie ụnụ ụzọ, si otu ahụ mee ka ụnụ dapụ n’okwukwe ụnụ.

Na-abawanyenụ n’amara na ọmụma nke Dinwenụ anyị na onye Nzọpụta anyị bụ Jesu Kristi. Otito dịrị ya ugbu a, rue mgbe ebighịebi. Amen.

ABỤỌMA NA AZỊZA – Ps. 90: 2, 3-4, 10, 14, 16

Azịza: Onyenweanyị bido na ndụdụgandụ ruo na ndụdụgandụ ị bụ ebe nchedo m.

Advertisement

1. Tupu I kee ugwu niile

tupu i kee ụwa na ihe niile dị n’ime ya,

Ị dịrịị adị ebeebe ebeebe. Azịza

2. Ị na-akpọghachi mmadụ na ntụ site n’ịgwa ya sị,

Advertisement

Laghachinụ ebe ụnụ si ụmụ mmadụ.

N’anya gị puku afọ dịka otu ụbọchị,

dịka ụnyahụ nke gaferelanụ,

mọbụ otu nche abalị. Azịza

Advertisement

3. Afọ niile mmadụ nwere ike ịnọ n’ụwa bụ nanị iri asaa,

mọbụ iri asatọ maka ndị siri ike.

Ndụ a niile dị n’ụwa jupụtara n’oke nchekasị na nsogbu

N’oge adịghị anya mmadụ na-abụ ihe gara aga n’ụwa. Azịza

Advertisement

4. Ka ịhụnaanya gị jupụta n’ime anyị ụtụtụ ọbụla,

ka anyị were nwee ike ikwe ukwe

ma nweekwa añụrị ụbọchị niile nke ndụ anyị.

Mee ka anyị bụ ụmụodibo gị hụ ọrụ ịtụnaanya gị.

Advertisement

Meekwa ka ụmụ anyị hụ ebube gị. Azịza

MBEKU – Heb 4:12

Alleluia, Alleluia:

Okwu Chineke dị ndụ, dị ike. Ọ bụkwa ihe nwere ike inyocha echiche na izu niile nke obi.

Alleluia.

Advertisement

OZIỌMA – 12:13-17

Ihe Ọgụgụ nke a si n’Oziọma dị asọ nke Mak dere

Nịisi ndị Juu zigaara ya ụfọdụ n’ime ndị Farisii na ndị otu Herọd iji kwee ọnya maka ijide Jesu n’okwu ya. Mgbe ha bịakwutere Jesu, ha jụrụ ya sị, “Onyenkuzi, anyị ma na ị bụ onye eziokwu, na ị naghị asọ mmadụ anya, mọbụ onye na-esekpuru ọnọdụ ọbụla mmadụ nọ na ya, kama i ji eziokwu akụzi ụzọ e si efe Chineke.

Gwa anyị o ziri ezi ka anyị na-atụrụ Siza ụtụisi ka ọ bụ na o zighị ezi? Anyị ga-atụ ka ọ bụ na anyị a gaghị atụ?” Ma ebe Jesu mazuru ihu abụọ ha, ọ jụrụ ha sị, “Gịnị mere ụnụ ji anwa m?

Weterenụ m otu mkpụrụ ego ka m leruo ya anya”. Ha wetaara ya otu mkpụrụ ego. O wee jụọ ha sị, “Onyinyo na aha onye dị n’elu ego a?”

Advertisement

Ha zara ya sị, “Ọ bụ nke Siza”, Jesu sịrị ha, “Nyenụ Siza ihe bụ nke Siza, nyekwanụ Chukwu ihe bụ nke Chukwu”. Azịza ya nke a tụrụ ha n’anya.

Igbo Mass Readings for June 5 2024, Ncheta Bọnịface dị Asọ, Bishọp

Igbo Mass Readings for June 4 2024, Tuzde Izuụka nke Itoolu N’Oge Adanyeghị n’Emume.

Advertisement

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.