Igbo Mass Readings for Tuesday of the Third Week of Lent

TUESDAY:

IZU UKA NKE ATO N’OGE AHUHU KRISTI.

EKPERE MMEGHE
Dinwenu, I na-akpo anyi maka ijere Gi ozi, na emekwa ka oru nke mgbaputa Gi na-aga n’ihu n’etiti anyi. Biko ekv kwala ka jhunaanya Gi gbahapu anyi mgbe obula. Site na Dinwenu anyi Jesu Kristi…

Ihe Ogugu nke mbu. 3:25, 34-43
Ihe ogugu ewetara n’Akwukwo onye amuma Daniel
Azaria guzoro n’etiti oku a wee bido ikpe ekpere Oh! Ahapukwala anyi ruo mgbe ebighi ebi n’ihi aha gi, agbahapukwala ogbugbandu gi, ewepukwala ihuoma gi n’ebe anyi no, n’ihi enyi gi nwoke Abraham nakwa n’ihi nwodibo gi Aizik na onye di nso gi Izrel. Onye nke i kwere nkwa na umu ya ga-adi ka kpakpando nke igwe, nakwa dika mkpuru aja no n’akuku osimiri. Yahweh, lee, anyi buzi obodo kacha di nta n’uwa niile. Anyi buzi ndi e ji eme ihe ochi n’uwa niile, n’ihiA njo anyi. Ugbu a, anyi enweghikwa onyendu, ma o bu onye amuma, ma o bu onye eze, anyi anaghi kwa achunyere gi aja nsuruoku ma o bu aja isiuto; O nweghikwa ebe anyi nwere ino nye gi ihe mbu anyi wetara n’ubi anyi, iji nweta afo-oma gi. Mana ka i nara obi di umeala, na obi loghara elogha dika aja nsureoku nke e ji ewu na ehi chunyere gi, nakwa nke e ji puku kwuru puku aturu gbara abuba chuo. Meekwa ka aja anyi na achuru gi diri otu a; ka anyi ji obi anyi niile na efe gi; Ebe o bu na ndi niile chekwubere na gi agaghi agba aka efu. Ugbu a, anyi etinyela obi anyi niile n’ife gi na n’ituru gi egwu na ichokwa ihu gi ozo. Agbawakwala anyi aka. Emesikwala anyi ike n’ihi na i di nwayoo dikwa obi ebere; Nye anyi nzoputa nke tosiri oru ebube niile i na aru. Mee ka anyi si n’aha gi nweta otito, ka ogbaaghara dakwasa ndi niile na-emegbu umuodibo gi.

ABUOMA NA AZIZA: Ps:25:4-5,6-7,8-9.

Aziza: Cheta ebere gi, O Onyenweanyi.

  1. Mee ka m mata uzo gi, Onyenweanyi,
    Kuziere m uzo gi,
    Dube m n’uzo eziokwu gi, ma kuziere m,
    N’ihina o bu gi bu Chineke onye nzoputa m. Az./
  2. Cheta ebere gi, O Onyenweanyi,
    chetakwa ihunaanya gi na-enweghi ube
    nke i gosiri site na mgbe ochie.
    cheta m n’ihunaaya gi,
    n’ihi idi mma, burukwa oye eziomume.Az./
  3. Onyenweanyi di mma, burukwa onye eziomume,
    O na-akuziri ndi mmehie uzo;
    O na-eduzi ndi umeala n’ihe niile kwu oto;
    O na-akuziri ndi ogbenye uzo ya. Az./

MBEKU: Mt:4:17.
Az./
“Chegharianu, n’ihi na ala eze eluigwe adila nso. Az./

OZIOMA 18:21-35
Ihe ogugu ewetara n’Ozioma di aso nke Matiu dere.
Pita biakwutere Jesu, juo ya si, “Onyenweanyi ugboro ole ka nwanne m ga-emejo m, m gbaghara ya? O bu ugboro asaa?” Jesu azaa ya si,”Agwaghi m gi na o bughi soso ugboro asaa, kama iri asaa uzo asaa. Ya mere a ga-eji alaeze nke eluigwe tunyere otu onyeeze choro ka ya na umuodibo ya piazie akunuuba ya. Mgbe o malitere ntule ya, a kpotaara ya otu nwodibo nke ji ya puku talent iri. Ma ebe nwodibo ahu na enweghi ike ikwughachi ugwo ahu nna ya ukwu nyere iwu ka e ree ya na nwunye ya na umu ya na ihe niile o nwere, ka e wee kwughachi ugwo o ji. Nke a mere odibo ahu ji daa n’ala na-ario ya si, ‘Nna m nukwu, biko nwee ndidi n’ebe m nọ, aga m akwughachi gi ihe niile!” N’ihi obi ebere o nwere n’ebe nwodibo ya nọ, nna ya ukwu hapuru ya, kagbukwaa ugwo niile o ji. Ma ka nwodibo ahu n’onwe ya pubara, o huru otu nwodibo ibe ya nke ji ya otu nari dinari, o todoro ya n’akpiri si ya, “Kwughachi m ugwo I ji m.
Nke a mere nwodibo ibe ya ahu ji daa n’ala rio ya si, “Nweere m ndidi, aga m akwughachi gi ugwo gi.” Ma o kweghi. Kama o gara tuba ya n’ulo mkporo ruo mgbe o kwughachiri ya ugwo o ji ya. Mgbe ndi odibo ibe ya huru ihe merenu, o wutere ha nke ukwuu. Ha wee gaa kooro nna ha ukwu ihe niile ndi a. N’ihi nke a nna ya ukwu kporo nwodibo ahu si ya, “Odibo obi ojoo! Agbagharala m gi ugwo niile I ji m, n’ihi na i rioro m aririo. I cheghi na o kwesiri ka i mere odibo ibe gi ebere dika m siri mere gi? N’iwe, nna ya ukwu nyefere ya ndi nche ndi no n’ulomkporo ka ha taa ya ahuhu ruo mgbe o kwuchara ugwo niile o ji.Otu a ka Nna m nke bi n’eluigwe ga-esi meso onye obula n’ime unu ma o buru na unu esighi n’ala obi unu gbaghara umunne unu mmehie niile ha mehiere unu.
EKPERE NHUNYE
Dinwenu, biko mee ka aja nzoputa nke a anyi na achu ritere anyi mgbaghara Gi, nke o ga-abu, a tohapu anyį na njo, anyi enwee ike na-eme ihe ga-amasi Gi mgbe niile. Mezuoro anyį ihe ndi a site na Kristi Dinwenu anyi. Amen.

EKPERE ANATACHAA ORIRI NSỌ
Dinwenų, mee ka nketa oke anyi na-eketa n’ihe omimi ndi a di nso ritere anyi nchedo Gi, mgbaghara njo na ndu. Anyi na-ario Gi ihe ndia site na Kristi Dinwenu anyi. Amen.

error: Content is protected !!
Open chat
1
Catholic Lectionary
Hello 👋
How can I help you?