Connect with us

Igbo Sunday Readings - Cycle A

Igbo Mass Readings for January 18 2026, Ụka nke Abụọ n’Oge Nkịtị

Published

on

Igbo Mass Readings for January 18 2026, Ụka nke Abụọ n’Oge Na-Adanyeghị N’Emume – Afọ nke Mbụ.

Nke a bụ Igbo Mass Readings for January 18 2026, Ụka nke Abụọ n’Oge Na-Adanyeghị N’Emume – Afọ nke Mbụ.

IHE ỌGỤGỤ NKE MBỤ – 49:3, 5, 6

Ihe Ọgụgụ e wetara n’Akwụkwọ Onye Amụma Aịzaya

Isi Okwu: Aga M eme ka ị ghọọ ihe mba niile ji ahụ ụzọ, ka nzọpụta M wee gazuo ụwa niile.

Onyenweanyị gwara m: “Izrel, ị bụ nwodibo M, aga M esi na gị egosipụta ebube M.” Ugbu a, Onyenweanyị ekwuola okwu; Onye ahụ kpụrụ m n’afọ nne m ekwuola na a ga-akpọghachiri Ya Jekọp, bịakwa kpọkọtara Ya Izrel.

Advertisement

E tubere m ugo n’anya nke Onyenweanyị. Chineke m bụkwa ike m. O kwuru sị: “Ime gị nwodibo M, ọ dị ofere?

Ọ dị fecha fecha ikulite agbụrụ Jekọp, bịakwa mee ka ndị e gbufọrọ egbufọ n’ala Izrel kwụrụ chịm? Aga M eme ka ị ghọọ ihè ụmụ mba ji ahụ ụzọ, ka nzọpụta M wee garuo na ngwụcha ụwa.

ABỤỌMA NA AZỊZA YA – 39:2, 4, 7-10 Az. 8,9

Azịza: Onyenweanyị, anọ m n’ebe a. Abịara m ime uche Gị.

1. E chere m Onyenweanyị,

Advertisement

chegide Ya ruo mgbe O hulatara bịa nụ mkpu akwa m.

O tinyere abụ ọhụrụ n’ọnụ m,

nke bụ ukwe otito nke Chineke anyị. Azịza.

2. Ọ bụghị aja ma ọ bụ onyinye nhunye ka ị chọrọ.

Advertisement

Kama ọ bụ ntị ghere oghe.

Ị chọghị aja nsure ọkụ na aja a chụrụ maka njọ.

N’ihi ya ka m jiri kwuo sị: “Lee, abịala m”. Azịza.

3. Chineke m, ọ bụ iwu e deere m n’obodobo akwụkwụ ahu: na m ga-eme uche Gị.

Advertisement

Iwu Gị bi ebi n’ime obi m. Azịza.

4. Onyenweanyị, ekwupụtara m ikpe nkwụmọtọ Gị n’ihu Nzukọ.

Ekpuchighị m ọnụ m. Azịza.

IHE ỌGỤGỤ NKE ABỤỌ – 1:1-3

Ihe Ọgụgụ e wetara n’Akwụkwọ Ozi Mbụ Pọl dị asọ degaara Ndị Kọrịnt

Advertisement

Isi Okwu: Ka Chineke Nna anyị na Onyenweanyị Jesu Kristi zitere ụnụ amara na udo.

Pọl, onye a kpọrọ ịbụ onye ozi nke Kristi Jesu, site n’ọchịchọ nke Chineke, na Sọstenis bụ nwanne anyị, na-edegara Nzukọ Chineke dị na Kọrịnt akwụkwọ ozi a.

Akwụkwọ ozi a sokwara bụrụ nke ụnụ niile bụ ndị e doro nsọ n’ime Kristi Jesu, ndị a kpọrọ ịbụ ndị nsọ nke Chineke, ha na ndị niile, n’ebe niile, na-akpọku aha Onyenweanyị Jesu Kristi,

Onye bụ Onyenwe anyị na ha: Ka amara na udo nke si n’aka Chineke bụ Nna anyị, na n’aka Onyenweanyị Jesu Kristi dịrị ụnụ!

Advertisement

MBEKU – Luk 19:38

Aleluya, aleluya!

Ngọzi dịrị eze bịara n’aha Onyenweanyị. Udo dịrị ụwa, ebube dịrị igwe.

Aleluya!

OZIỌMA – 1:29-34

Ihe Ọgụgụ nke a si n’Oziọma dị asọ nke Jọn dere

Advertisement

Isi Okwu: Lee Nwatụrụ nke Chineke, Onye na-ekpochapụ njọ nke ụwa.

N’echi ya, Jọn ewee hụ Jesu ka Ọ na-abịakwute ya. O wee kwupụta sị: “Lee Nwatụrụ Chineke, Onye na-ebupụ njọ nke ụwa! Ọ bụ maka Ya ka m na-ekwu mgbe m gwara ụnụ, sị: “Otu nwoke na-abịa n’azụ m.

Ma Ya onwe Ya ka m. N’ihi na Ọ dịrịị adị tupu a mụọ m! Mụ onwe m amabụghị Ya. Ma abịara m na-eme ndị mmadụ mmirichukwu nke mmiri, ka m wee gosi Ya ndị Izrel.”

Jọn wee gbaa akaebe sị: “Ahụla m Mmụọ Nsọ ka O si n’eluigwe fedata n’ụdị nduru wee dakwasị Ya. Mụ onwe m amabughị Ya. Ma Onye ahụ zitere m ka m jiri mmiri mee ndị mmadụ mmirichukwu gwara m, sị:

Advertisement

“Onye ọ bụla ị hụrụ Mmụọ Nsọ fedatara bịa bekwasị n’isi, onye ahụ bụ onye nke ga-eji Mmụọ Nsọ eme ndị mmadụ mmirichukwu.” Ugbu a, ahụla m Ya wee gbaa akaebe na ọ bụ Nwa Chineke n’eziokwu.”

Igbo Mass Readings for January 19 2026, Mọnde Izuụka nke Abụọ n’Oge Na-Adanyeghị N’Emume

Igbo Mass Readings for January 18 2026, Ụka nke Abụọ n’Oge Na-Adanyeghị N’Emume – Afọ nke Mbụ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.