Connect with us

Fourth Week in Ordinary Time - Igbo

Igbo Mass Readings for February 1 2026, Ụka nke Anọ n’Oge Nkịtị

Published

on

Igbo Mass Readings for February 1 2026, Ụka nke Anọ n’Oge Na-Adanyeghị N’Emume – Afọ nke Mbụ.

Nke a bụ Igbo Mass Readings for February 1 2026, Ụka nke Anọ n’Oge Na-Adanyeghị N’Emume – Afọ nke Mbụ.

IHE ỌGỤGỤ NKE MBỤ – 2:3, 3:12-13

Ihe Ọgụgụ e wetara n’Akwụkwọ onye Amụma Zefania

Isi Okwu: Aga M ahapụ ndị umeala na ndị na-eme nwayọ n’etiti ụnụ.

Ndị umeala niile nọ n’ụwa, chọọnụ Onyenweanyị. Ndị niile na-edowe iwu Ya, chọọnụ Ya. Chọọnụ ezi omume. Chọọnụ obi umeala. E leghị anya, a ga-echekwaba ụnụ n’ụbọchị iwe nke Onyenweanyị.

Advertisement

Ma aga M ahapụ ndị e gbufọrọ egbufọ n’etiti ụnụ; nke ga-abụ ndị umeala na ndị a na-agụnyeghị na mmadụ. Olee ndị ga-agbara ọsọ ndụ gbaba n’aha Onyenweanyị?

Ọ bụ ndị ahụ e gbufọrọ n’ala Izrel. Ha ga-edebe aka ha ọcha. Ha agaghị atụ asị. A gaghị ahụ ire na-ekwu ụgha n’ọnụ ha. Ha ga-azụ atụrụ ha, mekwaa ka ha makpuru n’enweghị nsogbu ọ bụla.

ABỤỌMA NA AZỊZA YA – 145:7-10. Az. Mt. 5:3

Azịza: Ngọzi dịrị ndị dara ogbenye n’ime mmụọ, n’ihi na alaeze eluigwe bụ nke ha. Ma ọ bụ Aleluya.

1. Onyenweanyị na-edebe nkwa O kwere ruo mgbe ebighị ebi.

Advertisement

Ọ na-ekpeziri ndị a na-emegbu emegbu ikpe,

bịakwa na-enye ndị agụụ na-agụ nri.

Onyenweanyị na-ahapụ ndị e ji eji ka ha nwere onwe ha. Azịza.

2. Onyenweanyị na-eme ka ndị kpuru isi hụwa ụzọ.

Advertisement

Onyenweanyị na-ekulite ndị huru ehuru.

Onyenweanyị hụrụ ndị ezi omume n’anya.

Onyenweanyị na-echekwaba ndị ọbịa. Azịza.

3. Onyenweanyị na-eguzowe nwamgbei na nwanyị isimkpe.

Advertisement

Ma ọ na-ahịgharị ụzọ onye na-arụ ala ka ọ gbagọrọ agbagọrọ.

Onyenweanyị ga-achịgide ruo mgbe ebighị ebi.

Zayọn, Chineke gị ga-achịgide ruo na ndụdụgandụ niile. Azịza

IHE ỌGỤGỤ NKE ABỤỌ – 1:26-31

Ihe Ọgụgụ e wetara n’Akwụkwọ Ozi Mbụ Pọl dị asọ degaara ndị Kọrịnt.

Advertisement

Isi Okwu: Ihe mmadụ kpọrọ ihe nzuzu ka Chineke họọrọ.

Ụmụnna m! Chetanụ ihe ụnụ bụ tupu Chineke akpọọ ụnụ: Ọ bụghị ọtụtụ n’ime ụnụ mụtara akwụkwọ, ma ọ bụ maara ihe dịka ụmụ ụwa si achụ ya taa. Ọ bụghị ọtụtụ n’ime ụnụ bụ oke dike.

Ọtụtụ n’ime ụnụ abụghị ụmụ ndị ukwu ma ọ bụ ndị a ma ama n’obodo. Kama Chineke họpụtara ihe ụmụ ụwa kpọrọ ihe nzuzu ka O wee mee ka ihere mee ndị na-eche na ha maara ihe.

Ọ bụkwa ihe ụmụ ụwa na-eche na ike adịghị na ya ka Chineke họpụtara ka O wee mee ka ihere mee ndị dike. Ọ bụkwa ihe ụmụ ụwa na-eleda anya, ihe ha kpọrọ ihe efu na ihe na-abaghị n’ihe, ka Chineke họpụtara, ka O wee mee ka ihe nke dị adị n’anya mmadụ ghara ịdị ire.

Advertisement

Ka mmadụ ọ bụla ghara ịnya isi n’ihu Chineke. Ma Chineke bụ isi-iyi nke ndụ anyị n’ime Kristi Jesu. O meela ka Kristi bụrụ isi-iyi nke amamihe anyị, nke ezi omume anyị na nke ido anyị nsọ, na Onye Mgbapụta anyị. Ya mere, dịka Akwụkwọ Nsọ si kwu: “Onye na-anya isi, ya jiri ihe Onyenweanyị mere nyaa isi.”

MBEKU – Ọrụ Ndị Ozi 16:14

Aleluya, aleluya!

Onyenweanyị, meghee obi anyị, ka anyị wee nụ okwu nke Nwa Gị.

Aleluya!

Advertisement

OZIỌMA – 5:1-12

Ihe Ọgụgụ nke a si n’Oziọma dị Asọ nke Matiu dere

Isi Okwu: Ngọzi dịrị ndị dara ogbenye n’ime mmụọ.

Mgbe Jesu hụrụ igwe mmadụ ahụ. Ọ rịgooro n’elu ugwu. Mgbe Ọ nọdụrụ ala, ndị Ụmụazụ Ya wee bịakwute Ya. Jesu wee malite ikuziri ha ihe, sị:

“Ngọzi dịrị ndị bụ ogbenye n’ime mmụọ ha, n’ihi na alaeze eluigwe bụ nke ha!

Advertisement

Ngọzi dịrị ndị na-eru ụjụ, n’ihi na a aga-akasi ha obi!

Ngọzi dịrị ndị dị nwayọọ n’obi, n’ihi na ha ga-eketa ala ahụ.

Ngọzi dịrị ndị nwere agụụ na akpịrị ịkpọ nkụ maka ezi omume, n’ihi na ha ga-enwe afọ ojuju.

Ngọzi dịrị ndị na-emere mmadụ ibe ha ebere, n’ihi na a ga-emere ha ebere.

Advertisement

Ngọzi dịrị ndị dị ọcha n’obi, n’ihi na ha ga-ahụ Chineke.

Ngọzi dịrị ndị na-eme ka mmadụ na ibe ha dị n’udo, n’ihi na a ga-akpọ ha ụmụ Chineke.

Ngọzi dịrị ndị a na-emegbu emegbu n’ihi ịkwụba aka ọtọ, alaeze eluigwe bụ nke ha.

Ngọzi dịrị ụnụ mgbe ndị mmadụ ga-ata ụnụ ụta, na-emegbu ụnụ, na-ekwukwa okwu ọjọọ nile dị iche iche megide ụnụ, na-asịgidekwa ụnụ asị n’ihi M. Ñụrịanụ ọñụ! Ka obi tọọkwa ụnụ ụtọ, n’ihi na ụgwọ ọrụ ụnụ buru ibu n’eluigwe.

Advertisement

Igbo Mass Readings for February 2 2026, Nkubata Dinwenụ Jesu Krist N’Ụlọ Nsọ

Igbo Mass Readings for February 1 2026, Ụka nke Anọ n’Oge Na-Adanyeghị N’Emume – Afọ nke Mbụ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.