Connect with us

Eighth Week in Ordinary Time - Igbo

Igbo Mass Readings for March 3 2030, Ụka nke Asatọ n’Oge Nkịtị

Published

on

Igbo Mass Readings for March 3 2030, Ụka nke Asatọ n’Oge Na-Adanyeghị N’Emume – Afọ nke Abụọ.

Nke a bụ Igbo Mass Readings for March 3 2030, Ụka nke Asatọ n’Oge Na-Adanyeghị N’Emume – Afọ nke Abụọ.

IHE ỌGỤGỤ NKE MBỤ – 2:16-17, 21-22

Ihe Ọgụgụ e wetara n’Akwụkwọ onye Amụma Hozea.

Lee ihe Onyenweanyị kwuru: Aga M eduba ya n’ime ọzara, nọrọ ebe ahụ gwa ya okwu ga-erute ya na mmụọ. Ọ ga-asa M ụdị okwu ahụ ọ na-agwa M mgbe ọ bụ nwa agbọghọ, mgbe ahụ o si n’ala Ijipt pụta.

Aga M alụ gị ka nwunye ruo mgbe ebighị ebi. Aga M alụ gị ka nwunye n’ụzọ ziri ezi na n’ikpe nkwụmọtọ, n’ịhụnanya na ebere. Aga M alụ gị ka nwunye n’usoro kwesịrị ntụkwasị obi. Mgbe ahụ, ị ga-ama Onyenweanyị.

Advertisement

ABỤỌMA NA AZỊZA YA – 102:1-4, 8, 10, 12-13 Az. 8

Azịza: Onyenweanyị bụ ebere na ịhụnanya.

1. Ihe niile dị n’ime m, gọzie aha nsọ Ya.

Mkpụrụobi m, too Onyenweanyị.

E chefukwala amara niile O meere gị. Azịza.

Advertisement

2. Ọ bụ Ya na-agbaghara njọ gị niile.

Ọ bụkwa ya na-agwọ ọrịa gị niile.

Ọ na-agbapụta ndụ gị ka ị ghara ịla n’iyi.

O ji ịhụnanya na ebere kpube gị okpu eze. Azịza.

Advertisement

3. Onyenweanyị bụ onye ebere na onye amara.

Ọ naghị ewe iwe ọkụ. Obiọma Ya ebuka.

Ọ naghị emeso anyị omume dịka njọ anyị si dị.

Ọ naghị esocha ka njọ anyị si buo ibu akwụ anyị ụgwọ. Azịza.

Advertisement

4. Dịka ọwụwa anyanwụ si tee aka n’ọdịda ya;

otu ahụ ka o si eweti mmehie anyị aka n’ebe anyị nọ.

Dịka nna si nwee obi ebere n’ebe ụmụ ya nọ,

otu ahụ kwa ka Onyenweanyị si emere ndị na-atụrụ Ya egwu ebere. Azịza.

Advertisement

IHE ỌGỤGỤ NKE ABỤỌ – 3:1-6

Ihe Ọgụgụ e wetara n’Akwụkwọ Ozi Nke Abụọ Pọl dị asọ degaara ndị Kọrịnt

Isi Okwu: Anyị bụ ndị ụkọ nke ọgbụgba ndụ ọhụrụ ahụ.

Ndị ọzọ nwere ike inye ụnụ, ma ọ bụ ịnata n’aka ụnụ akwụkwọ na-akọwa ụdị ezi mmadụ ha bụ. Ma ọ dị mkpa na anyị ga-enye ụnụ, ma ọ bụ nata ụnụ akwụkwọ na-akọwa ụdị ezi mmadụ anyị bụ?

Ụnụ onwe ụnụ bụ akwụkwọ anyị dere, kụpaba n’obi anyị; akwụkwọ nke mmadụ niile nwere ike ịhụ anya na nke mmadụ niile nwere ike ịgụ agụ. O were anya na ụnụ bụ akwụkwọ ozi nke, Kristi jiri aka Ya dee, zipụ site n’aka anyị.

Advertisement

E jighị uri dee ya, kama e jiri Mmụọ nke Chineke dị ndụ dee ya. E deghị ya n’elu mbadamba nkume, kama e dere ya n’eze-obi nke anụ ahụ mmadụ. Anyị na-ekwu nke a n’ihi na anyị sitere n’aka Kristi nwee ntụkwasị obi n’ebe Chineke nọ.

Anyị echeghị n’ime onwe anyị na anyị nwere ike ịsị na nke a bụ ọrụ anyị rụrụ n’ike aka anyị. Kama ihe ọbụla anyị nwere si n’ebe Chineke nọ bịa. Ọ bụ Chineke mere ka anyị bụrụ ndị na-ekesa ihe omimi nke ọgbụgba ndụ ọhụrụ.

Ọ bụghị ọgbụgba ndụ e dere n’akwụkwọ, kama ọ bụ nke e dere na Mmụọ Nsọ. N’ihi na ihe e dere na mkpụrụ akwụkwọ na-ebute ọnwụ; ma nke e dere na Mmụọ Nsọ na-enye ndụ.

MBEKU – Jọn. 10:27

Aleluya, aleluya!

Advertisement

Onyenweanyị kwuru sị: “Atụrụ M na-anụ olu M. Ama M ha. Ha na-esokwa M.

Aleluya!

OZIỌMA – 2:18-22

Ihe Ọgụgụ nke a si n’Oziọma dị asọ nke Mak dere

Isi Okwu: Ha na di lụrụ nwanyị ọhụrụ nọ.

Advertisement

Ndị na-eso ụzọ Jọn, onye ome mmirichukwu na ndị Farisii na-ebu ọnụ ugboro ugboro. Ndị mmadụ bịara jụọ Jesu sị: “Gịnị mere ndị na-eso ụzọ Jọn, onye ome mmirichukwu, na ndị na-eso ụzọ ndị Farisii ji ebu ọnụ, ma Ụmụazụ Gị anaghị ebu ọnụ”?

Jesu wee jụọ ha sị: “Kedụ ka ndị bịara oriri agbamakwụkwọ ga-esi ebu ọnụ mgbe ha na di lụrụ nwanyị ọhụrụ nọ n’oriri, ha agaghị ebu ọnụ. Ma oge ga-abịa mgbe a ga-anapụ ha di lụrụ nwanyị ọhụrụ.

Oge ahụ ka ha ga-amalite ibu ọnụ. “A naghị ewere akwa dị oke ọhụrụ dụkwasị n’elu uwe ochie dọkara adọka. E mee otu a, akwa ọhụrụ ahụ na-adọkapụ ihe na nke ochie, nke na ndọka jọkariri njọ na-apụta; Otu aka ahụ, a naghị eji akpụkpọ ochie agbanye mmanya ọkụ ọhụrụ.

E mee otu a mmanya ọkụ ahụ agbawaa akpụkpọ ahụ, mmanya na akpụkpọ alaa n’iyii. A na-agbanye mmanya ọkụ ọhụrụ n’ime akpụkpọ ọhụrụ.”

Advertisement

Igbo Mass Readings for May 4 2030, Mọnde Izuụka nke Asatọ N’Oge Nkịtị

Igbo Mass Readings for March 3 2030, Ụka nke Asatọ n’Oge Na-Adanyeghị N’Emume – Afọ nke Abụọ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.