Connect with us

Igbo Sunday Readings - Cycle A

Igbo Mass Readings for September 3 2023, Ụka nke Iri Abụọ na abụọ n’Oge Nkịtị

Published

on

Igbo Mass Readings for September 3 2023, Ụka nke Iri Abụọ na abụọ n’Oge Na-Adanyeghị N’Emume – Afọ nke Mbụ.

Nke a bụ Igbo Mass Readings for September 3 2023, Ụka nke Iri Abụọ na abụọ n’Oge Na-Adanyeghị N’Emume – Afọ nke Mbụ.

IHE ỌGỤGỤ NKE MBỤ – 20:7-9

Ihe Ọgụgụ e wetara n’Akwụkwọ Onye Amụma Jeremaya

Isi okwu: Okwu nke Onyenweanyị buteere m nkọcha.

Onyenweanyị, ị ghọọla m aghụghọ, meekwa m ka m ghọọ onye a ghọgburu n’aghụghọ. I jidesiela m ka aka ike, mee ka Uche gị mezuo m n’ahụ. Lee na mmadụ niile na-akparị m ụbọchị niile.

Advertisement

Onye Ọ bụla jikwa m na-eme ihe ọchị. N’ihi na mgbe ọ bụla m meghere ọnụ m kwuo okwu, mgbe ọ bụla m tiri mkpu, ihe na-esite n’ọnụ m apụta bụ nkwusa banyere ihe ike na nbibi.

N’ụzọ dị otu a okwu Onyenweanyị m na-ekwusa ewetarala m mkparị na ịkwa emu ụbọchị niile. Ọ bụrụkwa na m ekwuo n’obi m sị, “Agaghị m ekwute ihe ọ bụla banyere ya, agakwaghị m ekwu ihe ọ bụla metụtara aha ha ọzọ,” ọ dịghị ekwe m.

N’ihi na okwu ya na-enwu m ọkụ n’obi. Ọ dịkwa ka ọkụ na-enwu enwu emechibidoro ụzọ n’ime ọkpụkpụ m. Ike agwụla m ịnagide okpomọkụ nke okwu ya. N’ezie, apụkwaghị m ịnagide ya.

ABỤỌMA NA AZỊZA YA – 62:2.6, 8-9. Az. 2

Azịza: Onyenwe m na Chineke, akpịrị na-akpọ mkpụrụobi m nkụ maka Gị.

Advertisement

1. Chineke, Ị bụ Chineke m onye m na-achọ.

Ahụ m na-achọsi Gị ike.

Akpịrị na-akpọ mkpụrụ obi m nkụ maka Gị,

dịka ịchakịrị ala kpọrọ nkụ na-enweghị mmiri. Azịza.

Advertisement

2. Otu a ka m si lee anya n’ebe Ị nọ n’ụlọ nsọ;

ka m wee hụ ike ebube Gị.

Maka na obi ọma Gị dị mma karịa ndụ.

Egbugbere ọnụ m ga na-eto Gị. Azịza.

Advertisement

3. N’ihi ya ka m ga-eji na-eto Gị ugbu a, m dị ndụ.

Ewelitere m aka m elu wee na-akpọku aha Gị.

Mkpụrụobi m ga-enwe afọ ojuju ka onye e jiri ihe gbara abụba kpọọrọ oriri.

Ọnụ m wee na-ekwe otito Gị. Azịza.

Advertisement

4. Ị bụ enyemaka m.

N’okpuru nku gị ka m na-eti mkpu ọñụ.

Mkpụrụobi m na-arapara Gị n’ahụ.

I jiri aka nri Gị kuru m. Azịza.

Advertisement

IHE ỌGỤGỤ NKE ABỤỌ – 12:1-2

Ihe Ọgụgụ e wetara n’Akwụkwọ Ozi Pọl dị asọ degaara Ndị Rom

Isi Okwu: Werenụ ahụ ụnụ chụọrọ Ya aja dị ndụ.

Ụmụnna m, eji m obi ebere Chineke, na-arịọ ụnụ, ka ụnụ were ahụ ụnụ gọọrọ Chineke, dịka aja dị ndụ, e doro nsọ nke na-amasị Chineke n’eziokwu.

Ụnụ eñomikwala ụdị ndụ ahụ, ụmụ ụwa gbara ụnụ gburugburu na-ebi. Kama meenụ ka ụdị ndụ ụnụ na-ebi bụrụ nke e nwoghara enwogha n’usoro ọhụrụ ahụ e ji eche echiche.

Advertisement

Ọ bụ sọ otu a, ka ụnụ nwere ike isi chọpụta ihe bụ ime uche Chineke; bịakwa mara nke bụ ime ihe ọma, ime ihe Chineke na-achọ, na ibi ndụ zuru oke.

MBEKU – Jọn 17:17

Aleluya, aleluya!

Onyenweanyị, okwu Gị bụ eziokwu. Doo anyị asọ n’eziokwu Gị.

Aleluya!

Advertisement

OZIỌMA – 16:21-27

Ihe Ọgụgụ nke a si n’Oziọma dị asọ nke Matiu dere

Isi Okwu: Onye ọ bụla chọrọ ịbụ onye na-eso ụzọ m, ya buru ụzọ gọlaha onwe ya.

Site mgbe ahụ gawa, Jesu malitere ime ka Ụmụazụ Ya ghọta na ọ dị Ya n’akara aka ije Jerusalem, taa nnukwu ahụhụ n’aka ndị okenye, ndị isi nchụaja, na ndị ode akwụkwọ; na ha ga-egbu Ya, mana Ọ ga-esi n’ọnwụ bilite n’ụbọchị nke atọ.

Mgbe ahụ ka Pita kpọọrọ Ya, jee n’akụkụ, malite ịkọwara Ya ka ọ ghara ịta ụdị ahụhụ ahụ, wee sị: “Onyenweanyị, Chineke ekwela ka ihe dị otu ahụ mee Gị, ma ọlị.”

Advertisement

Ma Jesu tụgharịrị, bachie Pita ọnụ, sị: “Gafee M n’azụ! Ekwensu! Ị nọchiiri M ụzọ! N’ihi na i jiri anya mmadụ nkịtị hụ ya; ọ bụghị anya Chineke ka i jiri hụ ya!”

Jesu bịakwara gwa Ụmụazụ Ya sị: “Onye ọ bụla chọrọ ịbụ onye na-eso M, ga-eburugodụ ụzọ jụ onwe ya, bịakwa chee aka buru obe ya, na-eso na nzọ ụkwụ M.

N’ihi na onye ọ bụla na-achọ ichekwaba ndụ ya, ga-atụfu ya. Ma onye ọ bụla tụfuru ndụ ya n’ihi M ga-achọta ya. Ma kedụ uru ọ ga-abara mmadụ, ma ya ritechaa ụwa niile n’uru, e wee napụ ya ndụ ya?

Ma ọ bụ ihe mgbanwo gịnị ka mmadụ ga-eji gbanworo ndụ ya? N’ihi na mgbe Nwa nke Mmadụ ga-abịa, n’ebube nke Nna Ya, n’ọgbara ndị mmụọma Ya, Ọ ga-akwụ onye ọ bụla ụgwọ dịka omume ya si dị.

Advertisement

Igbo Mass Readings for September 4 2023, Mọnde Izuụka nke Iri Abụọ na Abụọ N’Oge Nkịtị

Igbo Mass Readings for September 3 2023, Ụka nke Iri Abụọ na abụọ n’Oge Na-Adanyeghị N’Emume – Afọ nke Mbụ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.