Connect with us

Igbo Sunday Readings - Cycle C

Igbo Mass Readings for August 17 2025, Ụka nke Iri Abụọ n’Oge Nkịtị

Published

on

Igbo Mass Readings for August 17 2025, Ụka nke Iri Abụọ n’Oge Na-Adanyeghị N’Emume – Afọ nke Atọ.

Nke a bụ Igbo Mass Readings for August 17 2025, Ụka nke Iri Abụọ n’Oge Na-Adanyeghị N’Emume – Afọ nke Atọ.

IHE ỌGỤGỤ NKE MBỤ – 38:4-6.8-10

Ihe Ọgụgụ e wetara n’Akwụkwọ onye amụma Jeremaya

Isi okwu: Ị mụpụtala m ka m bụrụ onye esemokwu n’ebe mba niile nọ.

Ndị ichie were gwa eze sị ya: “Ka e gbuo nwoke ahụ bụ Jeremaya, n’ihi na ọ na-eme ka obi jụọ ndị agha fọdụrụ n’ime obodo oyi. O sitere n’okwu ya na-eme ka obi jụọ mmadụ niile nọ n’obodo oyi.

Advertisement

Nwoke a anaghị achọ ọdịmma ndị obodo nke a kama ọ bụ mmebi ya. “Eze bụ Zedekaya were zaa sị: “Leenụ ya, ọ nọ n’aka ụnụ. Eze enweghị ike ịnọchibido ụnụ ihe ọ bụla”.

Ha were jiri eriri tụba Jeremaya n’ime ụmị Malkiya, nwa eze Amelek, ụmị nọ n’ogige ụlọ nche. Mmiri anọghị n’ime ụmị ahụ, karịakwa naanị apịtị; Jeremaya, ewere dakpuo n’ime apịtị ahụ.

Ebed-melek were si n’ụlọ eze pụta bịa gwa eze okwu sị ya: “Eze, onye nwe m, ndị a akpaala agwa ọjọọ n’ihe niile ha mere megide onye amụma Jeremaya, site n’ịtụba ya n’ụmị ebe ọ ga-anọ nwụọ n’agụụ: nri ọ bụla adịkwaghị n’obodo ahụ”. Eze were nye Ebed-melek onye Kush iwu sị ya: “Site n’ebe a, kpọrọ iri mmadụ atọ gaa dọpụta onye amụma Jeremaya tupu ọ nwụọ.”

ABỤỌMA NA AZỊZA YA – 39:2-4.18 Az. 14

Azịza: Onyenweanyị, gbata ọsọ bịa nyere m aka.

Advertisement

1. Atụọla m anya, atụọla m anya Onyenweanyị.

O wee hulata n’ebe m nọ, bịa nụrụ olu m. Azịza.

2. O sila n’ụmị ahụhụ na olulu apịtị dọpụta m.

O guzobere m n’elu nkume, bịakwa mee ka nzọ ụkwụ m sie ike. Azịza.

Advertisement

3. O tinyere ukwe ọhụrụ n’ọnụ m, mee ka m bụọrọ Chineke anyị abụ.

Ọtụtụ mmadụ ga-ahụ ya, tụọ ya egwu;

ha ga-enwekwa nchekwube na Dinwenụ. Azịza.

4. Mụ onwe m bụ onye nọ na mkpa, na nwa ogbenye.

Advertisement

Ma Onyenweanyị na-echere m.

Gị bụ enyemaka na nzọpụta m,

Chineke m, a tụfukwala oge. Azịza.

IHE ỌGỤGỤ NKE ABỤỌ – 12:1-4

Ihe Ọgụgụ e wetara n’Akwụkwọ e degaara ndị Hibru

Advertisement

Isi Okwu: Anyị ga-eji ndidi nọgidesie ike n’ọsọ anyị na-agba.

Ebe ọ bụ na anyị nwere ọtụtụ ndị akaebe dị otu a gbara anyị gburugburu, ka anyị wepụnụ aka n’ihe ọ bụla nke na-adọghachi anyị azụ; ọ kachasị njọ nke na-achọghị ịhapụ anyị aka.

Ngwanụ, ka anyị werekwa ntachi obi gbaa ọsọ nke chere anyị n’ihu. Ka onye ọ bụla ghara ilefuru anya n’ebe Jesu nọ. N’ihi na Ọ bụ Onye Ndu anyị n’okwukwe, bụrụkwa Onye na-eme ka anyị zuo oke.

N’ihi ọñụ nke ahụ e chebere ya n’ihu, O jiri ndidi die ahụhụ nke obe, n’agbanyeghị ihere nke ịnwụ n’elu obe. Site ugbu a gawa, O weere ọnọdụ n’aka nri nke oche eze Chineke.

Advertisement

Tuleenụ n’obi ụnụ otu Jesu si kwụrụ chịm mgbe ndị njọ busoro Ya agha. Ụnụ ga-esi na ya, ghara inwe obi ịda mba, site n’ihi obi esighị ike. N’agha ụnụ na-ebuso njọ, ụnụ alụrụbeghị ọgụ nke ịgbafu ọbara na ịnwụ anwụ.

MBEKU – Jọn 10:27

Aleluya, aleluya!

Onyenweanyị kwuru sị: “Atụrụ M na-anụ olu M. Amaara M ha; ha na-esokwa M.

Aleluya!

Advertisement

OZIỌMA – 12:49-53

Ihe Ọgụgụ nke a si n’Oziọma dị asọ nke Luk dere

Isi Okwu: Abịaghị M iweta udo, kama ọ bụ nkewa.

Jesu gwara Ụmụazụ Ya, sị: “Abịara M ịmụnye ọkụ n’elu ụwa. Olee otu obi ga-adị M ma a sị na ọkụ ahụ ebidolarị rewe gidi gidi! E nwere mmirichukwu a ga-eme M.

Ọnụma juru M obi ebuka! Obi ga-adịgide M arọ wee ruo mgbe ọ gafere. Ụnụ chere na abịara M iweta sọ udo n’ụwa? Ana m asị ụnụ, Mba! Kama ewetara M nkewa.

Advertisement

N’ihi na site n’ugbu a gawa, ezi na ụlọ e nwere mmadụ ise ga-ekewa ekewa; mmadụ atọ ga-ebili megide mmadụ abụọ, mmadụ abụọ ga-ebili megide mmadụ atọ ndị ọzọ. “Nna ga-ebili imegide nwa nwoke.

Nwa nwoke ebilie imegide nna. Nne ga-ebuso nwa ya nwanyị agha. Nwa nwanyị ga-ebuso nne ya agha. Nne di na nwunye nwa ga-anọ n’esemokwu; nwunye nwa na nne di ga-anọ n’esemokwu.”

Igbo Mass Readings for August 16 2025, Mọnde Izuụka nke Iri Abụọ N’Oge Nkịtị

Igbo Mass Readings for August 17 2025, Ụka nke Iri Abụọ n’Oge Na-Adanyeghị N’Emume – Afọ nke Atọ.

Advertisement

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.