Connect with us

Igbo Mass Readings

Igbo Mass Readings for November 12 2023, Ụka Nke Iri Atọ na abụọ N’oge Nkịtị

Published

on

Igbo Mass Readings for November 12 2023, Ụka Nke Iri Atọ na abụọ N’oge Na-Adanyeghi N’emume – Afọ nke Mbụ

Nke a bụ Igbo Mass Readings for November 12 2023, Ụka Nke Iri Atọ na abụọ N’oge Na-Adanyeghi N’emume – Afọ nke Mbụ.

Igbo Mass Readings for November 12 2023, Ụka Nke Iri Atọ na abụọ N’oge Na-Adanyeghi N’emume - Afọ nke Mbụ
Igbo Mass Readings for November 12 2023, Ụka Nke Iri Atọ na abụọ N’oge Na-Adanyeghi N’emume – Afọ nke Mbụ

IHE ỌGỤGỤ NKE MBỤ – 6:12-16

Ihe ọgụgụ e wetara n’Akwụkwọ Amamihe.

Isi Okwu: Ndị na-achọ amamihe na-achọta ya.

Amamihe na-amụkesị amụkesị. Ọ naghị atụnwụ atụnwụ. Ndị niile ọ na-amasị na-ahụ ya n’otu ntabi anya. Ndị niila na-achọ ya na-achọta ya.

Amamihe na-eme ka a mata ya, tupu ihe na-agụ mmadụ agụụ n’obi apụta ihe. Onye ọ bụla sitere n’ụzọ ụtụtụ chọwa amamihe, ihe anaghị aghọ ya, n’ihi na ọ ga-ahụ ya ebe ọ nọdụrụ ala n’ọnụ ụzọ ama ya.

Advertisement

Iche echiche banyere amamihe bụ inwe akọ n’uju ya. Onye ọ bụla mụ anya abalị n’ihi ya ga-akwụsị ndọkasị ahụ n’oge na-adịghị anya.

N’ihi na o ji ụkwụ ya na-agagharị; na-achọ ndị na-achọ ya. Ọ na-eji ihu ọchị na-apụkwute ha n’ụzọ, bịakwa na-ezute ha ebe nnanị ha nọ.

ABỤỌMA NA AZỊZA YA – Ps. 62:2-8. Az. 2

Azịza: Onyenwe m na Chineke m, akpịrị na-akpọ mkpụrụobi m nkụ maka Gị.

1. Biko, Chineke m,

Advertisement

Ị bụ Chineke onye m na-achọ.

Agụụ Gị na-ata m ahụ.

Akpịrị na-akpọ mkpụrụobi m nkụ maka Gị,

dịka ala kpọrọ nkụ,

Advertisement

nwụrụ anwụ na-enweghị mmiri ọ bụla. Azịza.

2. Otu a ka anya m siri tọ n’ebe Ị nọ n’ụlọ nsọ Gị dị ọgọ karịa ndụ n’onwe ya.

Egbugbere ọnụ m ga na-aja Gị mma. Azịza.

3. Otu a ka m ga-esi na-eto Gị na ndụ m niile.

Advertisement

Aga m achiliri Gị aka elu wee na-akpọku aha Gị.

Mmụọ m ga-enwe afọ ojuju ka onye a kpọrọ nnukwu oriri.

Egbugbere ọnụ m ga-eji iti mkpu ọñụ were too Gị. Azịza.

4. Aga m echeta Gị n’elu akwa m,

Advertisement

bịakwa tụgharịa uche na Gị n’oge nche abalị.

Ị bụ enyemaka m.

Ọ bụkwa n’okpuru nku Gị ka m na-eti mkpu ọñụ. Azịza.

IHE ỌGỤGỤ NKE ABỤỌ – 4:13-18

Ihe ọgụgụ e wetara n’akwụkwọ Ozi Mbụ Pọl dị asọ degaara Ndị Tesalonika

Advertisement

Isi Okwu: Chineke ag-akpọlite ndị niile nwụrụ n’ime Kristi.

Ụmụnna m, anyị chọrọ ka ụnụ mata ihe banyere ndị otu anyị ndị dara n’ụra ọnwụ. Mgbe ụnụ maara nke a ụnụ agaghị abụ ndị na-anọ na mwute, ma ọ bụ ụnụ adịrị dị ka ndị na-enweghị olileanya mgbe mmadụ nwụrụ n’etiti ụnụ.

N’ihi na ebe ọ bụ na anyị kweere na Jesu nwụrụ ma sitekwa n’ọnwụ bilie ọzọ, anyị nwekwara ike inwe okwukwe na mgbe Jesu ga-abịa ọzọ, Chineke ga-eme ka ndị Kristi niile nwụrụ anwụ sor Jesu lọghachi na ndụ.

N’ihi na, ihe m na-agwa ụnụ ugbu a si n’ọnụ Onyenweanyị n’onwe ya. Anyị bụ ndị dị ndụ mgbe Onyenweanyị ga-alọta, agaghị eburu ndị dara n’ụra ọnwụ ụzọ bilite.

Advertisement

N’ihi na Onyenwenayị n’onwe ya ga-esi n’eluigwe rịdata. Mgbe Ọ na-arịdata ọ ga-eji olu dị ike kpọọ oku. Ee, Ọ ga-eji ube akwa nke ndị isi mmụọ ozi tie mkpu.

Ọ ga-afụkwa opi ike Chineke. Mgbe ahụ ndị Kristi niile dara n’ụra ọnwụ ga-eburu ụzọ si n’ọnwụ bilite.

Mgbe ahụ, anyị onwe anyị, ndị dị ndụ, ndị fọdụrụ n’ụwa, ka a ga-eweli elu n’ime igwe ojii, ịga izute Onyenweanyị na mbara eluigwe, ebe anyị na ya ga-anọ ruo mgbe ebighị ebi. Ya mere, werenụ okwu ndị a, na-akasịrịta ibe ụnụ obi mgbe niile.

MBEKU – Matiu 24:42. 44

Alleluịa, Alleluịa:

Advertisement

Na-echenụ nche. Dịkwanụ nkwadebe n’ihi na ụnụ amaghị mgbe Nwa nke Mmadụ ga-abịa.

Alleluịa.

OZIỌMA – Matiu 25:1-13

Ihe ọgụgụ nke a si n’Oziọma dị asọ nke Matiu dere

Isi Okwu: Nwoke na-agba akwụkwọ abịala, Gaanụ zute ya.

Advertisement

Jesu tụụrụ Ụmụazụ Ya ilu sị: “Lee ihe a ga-eji tụnyere alaeze eluigwe: Ụmụagbọghọ iri buuru iheọkụ ha, gawa izute nwoke na-agba akwụkwọ.

Ise n’ime ha bụ ndị nzuzu; ise bụkwa ndị nwere uche. Ndị nzuzu ahụ buuru iheọkụ ha, ma ha eburughị mmanụ ọkụ ga-ezuru ha.

Ma ndị ahụ nwere uche buuru iheọkụ ha, burukwa mmanụ na karama mmanụ ọkụ ọzọ.

Mgbe nwoke na-agba akwụkwọ nọrọ ogologo oge n’abịaghị, ha niile robere ụra dinara ala rahụ ụra.

Advertisement

Ma n’etiti abalị, a nụrụ olu tiri mkpu sị: ‘Nwoke na-agba akwụkwọ abịakwala! Ngwanụ! Gawanụ zute ya!’

Mgbe ahụ ka ụmụagbọghọ niile ahụ jiri teta, bịakwa dozie iheọkụ ha. Ma ndị nzuzu gwara ndị nwere uche sị: ‘Biko, wụnyetụrụ anyị mmanụ ụnụ, n’ihi na iheọkụ anyị na-anyụ anyụ.’

Ma ndị nwere uche zara sị: ‘Mba! Eleghị anya, mmanụ anyị ji agaghị ezuru anyị na ụnụ. Ihe ka mma bụ: jekwurunụ ndị na-ere ya, zụrụnụ nke ụnụ.’

Ma mgbe ha jere ịzụta mmanụ, ka nwoke na-agba akwụkwọ ji bịaruo. Ndị kwadoro akwado sooro ya banye n’ime ụlọ, ebe a na-akpọ oriri agbamakwụkwọ. E wee mechie ụzọ.

Advertisement

“Ụmụagbọghọ ndị ọzọ ahụ mesiri bịaruo, na-asị: ‘Nna anyị ukwu! Nna anyị ukwu! Megheere anyị ụzọ!’ Ma ọ zara ha sị: ‘N’ịgwa ụnụ eziokwu, amaghị m ndị ụnụ bụ!’

Ya mere, mụrụnụ anya n’ihi na ụnụ n’ihi na ụnụ amaghị ụbọchị ma ọ bụ mgbe oge ahụ ga-abụ.

Igbo Mass Readings for November 13 2023, Mọnde Izuụka nke Iri Atọ na Abụọ N’Oge Nkịtị

Advertisement

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.