Connect with us

Igbo Sunday Readings - Cycle C

Igbo Mass Readings for November 16 2025, Ụka nke Iri Atọ na atọ n’Oge Nkịtị

Published

on

Igbo Mass Readings for November 16 2025, Ụka nke Iri Atọ na atọ n’Oge Na-Adanyeghị N’Emume – Afọ nke Atọ.

Nke a bụ Igbo Mass Readings for November 16 2025, Ụka nke Iri Atọ na atọ n’Oge Na-Adanyeghị N’Emume – Afọ nke Atọ.

IHE ỌGỤGỤ NKE MBỤ – 3:19-20

Ihe Ọgụgụ e wetara n’Akwụkwọ onye amụma Malaki

Isi Okwu: Anyanwụ nke Eziomume ga-achawapụtara gị

Lee, oge na-abịa mgbe ndị nganga na ndị ajọ omume ga-erepịa dị ka ha bụ igbugbọ ọka. Ụbọchị ahụ ga-ere ka oke ite ọkụ. Ụbọchị ahụ na-abịanụ ga-erepịa ha, n’ahapụghịrị ha ngalaba ma ọ bụ mgbọrọgwụ.

Advertisement

Ọ bụ Dinwenụ nke igwe ndị agha kwuru ihe a. Ma banyere ụnụ bụ ndị na-atụ egwu aha M, ka anyanwụ nke ezi omume ga-awara, Ọ ga-ewetakwara ụnụ ọgwụgwọ mgbe ọ na-amụkwasị ụnụ.

ABỤỌMA NA AZỊZA YA – 97:5-9 Az. 9

Azịza: Dinwenụ na-abịa iji ịkwụba aka ọtọ na-achị mmadụ niile.

1. Werenụ ụbọ akwara na olu abụ dị mma kweere Dinwenụ ukwe ọma.

Jirinụ opi ike na-ada ụda kwee ukwe n’ihu Eze ahụ bụ Dinwenụ. Azịza.

Advertisement

2. Ka osimiri na ihe niile dị n’ime ya, bigboo;

ụwa na ndị niile dị na ya.

Ka mmiri niile kụọ aka ha.

Ugwu nta niile ekwupụtakwa añụrị ha,

Advertisement

n’ihu nke Dinwenụ. Azịza

3. N’ihi na Dinwenụ na-abịa ịchị ụwa.

Ọ ga-eji ịkwụba aka ọtọ na-achị ụwa;

jirikwa e leghị anya n’ihu na-achị ndị mmadụ. Azịza.

Advertisement

IHE ỌGỤGỤ NKE ABỤỌ – 3:7-12

Ihe Ọgụgụ e wetara n’Akwụkwọ Ozi Nke Abụọ Pọl dị asọ degaara ndị Tesalonịka

Isi Okwu: “E kwela ka onye ọ bụla jụrụ ịrụ ọrụ, rie nri.”

Ụnụ onwe ụnụ ma nke ọma ka o siri dị mkpa na ụnụ ga na-eme ihe otu anyị siri mee mgbe anyị nọ n’etiti ụnụ. Anyị ebighị ndụ aghara na umengwụ mgbe anyị nọ n’etiti ụnụ.

Anyị erighị nri onye ọ bụla n’akwụghị ụgwọ. Kama anyị rụsiri ọrụ ike, dọgbukwaa onwe anyị n’ọrụ abalị na ehihie, ka anyị ghara ịbụrụ onye ọ bụla n’ime ụnụ ibu arọ.

Advertisement

Ọ bụghị na anyị enweghị ike ịna ụnụ ihe oriri. Kama, anyị mere nke a ka anyị wee tọọrọ ụnụ ezi ụkpụrụ ụnụ ga na-eso. N’ihi na, ọ bụrụgodụ mgbe ahụ anyị na ụnụ nọ, anyị nyere ya ụnụ dịka iwu na: “Onye ọ bụla jụrụ ịrụ ọrụ, ya erikwala nri.”

Anyị nụrụ na ụfọdụ n’ime ụnụ na-ebi ndụ umengwụ. Ha bụ naanị ndị oriri, ndị anya tọrọ n’ihe onye ọzọ; ndị na-achọghịkwa ịrụ ọrụ ọ bụla. N’aha Onyenweanyị Jesu Kristi, anyị na-enye ndị dị otu a iwu, na-arịọkwa ha, ka ha jiri nwayọ hazie ndụ ha, mụta ịrụ ọrụ, ka ha wee kpata ihe ha ga-eri.

MBEKU – Luk. 21:36

Aleluya, aleluya!

Mụrụnụ anya, na-ekpenụ ekpere oge niile iji nweta ike iwere ntụkwasị obi guzoro n’ihu Nwa nke Mmadụ.

Advertisement

Aleluya!

OZIỌMA – 21:5-19

Ihe Ọgụgụ nke a si n’Oziọma dị asọ nke Luk dere

Isi Okwu: Ntachi obi ụnụ ga-azọpụta ndụ ụnụ

Ụfọdụ na-akọ akụkọ otu e si were okwute dara oke ọnụ na onyinye ndị mmadụ jiri tụrụ Chineke mma mma chọọ Ụlọ Nsọ mma. Jesu wee sị ha: “Lee, ihe ndị a niile ụnụ na-ahụ, oge na-abịa, mgbe a na-agaghị ahapụ ọ bụna otu nkume n’elu ibe ya.

Advertisement

Ma a ga-akụdacha ha niile n’ala.” Ha bido jụọ sị: “Onye nkuzi, olee mgbe ihe ndị a ga-eme? Kedụ akara ga-egosi na ihe ndị a gaje ime?” Jesu wee sị ha: “Kpacharanụ anya ụnụ, ka mmadụ ọ bụla ghara iduhie ụnụ ụzọ.

N’ihi na ọtụtụ ga-abịa, were aha M na-agwa ndị mmadụ sị: “Abụ M Kristi ahụ; na-ekwukwa sị: Oge ọbịbịa Ya eruola. Ụnụ esokwala ha. Ọzọ kwa, mgbe ụnụ nụrụ na agha na-abịa, ma ọ bụ nụ maka ọgba aghara dị iche iche, ka ụjọ ghara ịtụ ụnụ.

N’ihi na ihe ndị a ga-ebu ụzọ mezuo. Ma ngwụcha ụwa erubeghị.” Jesu sịkwara ha: “Mba na mba ga-ebu agha. Eze na eze ga-ese okwu. A ga-enwe oke ala ọma jijiji na ụnwụ na ajọ ọrịa na-arịa ọha mmadụ n’ebe dị iche iche.

Akara dị egwu ga-apụta na mbara igwe; a bịakwa nwee ihe ịrịba ama. “Ma tupu ihe ndị a niile emezuo, ha ga-ejide ụnụ, butere ụnụ okwu na ụka. Ha ga-akpụta ụnụ n’ụlọ ekpere ma n’ụlọ mkpọrọ: bịakwa kpee ụnụ ikpe n’obi eze na n’ọgbọ ikpe ndị isi ala n’ihi aha M.

Advertisement

A ga-akpụta ụnụ ka ụnụ gbaara M akaebe. “Ihe M gwara ụnụ bụ: ‘kpebienụ n’onwe ụnụ tupu oge ahụ eruo na ụnụ agaghị echegbu onwe ụnụ maka ihe ụnụ ga-aza.

N’ihi na Mụ onwe M ga-enye ụnụ ọnụ okwu na amamihe, nke onye ọ bụla n’ime ndị na-emegide ụnụ na-agaghị enwe ike iguzogide, ma ọ bụ ịgbagha agbagha.

“Ọ bụna nne na nna, na ụmụnne ụnụ, na ikwu na ibe ụnụ, na ndị enyi ụnụ, ga-arara ụnụ nye. Ụfọdụ n’ime ụnụ ka a ga-egbu egbu. Mmadụ niile ga-akpọ ụnụ asị n’ihi M. Mana ọ gaghị efopụ ụnụ ọ bụna otu agịrị isi. Ọ bụ ndidi ka ụnụ ga-eji digbuo ihe ụwa; e wee zọpụta ndụ ụnụ.”

Igbo Mass Readings for November 17 2025, Mọnde Izuụka nke Iri Atọ na Atọ N’Oge Nkịtị

Advertisement

Igbo Mass Readings for November 16 2025, Ụka nke Iri Atọ na atọ n’Oge Na-Adanyeghị N’Emume – Afọ nke Atọ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.