Connect with us

Igbo Sunday Readings - Cycle C

Igbo Mass Readings for November 5 2028, Ụka nke Iri Atọ na otu n’Oge Nkịtị

Published

on

Igbo Mass Readings for November 5 2028, Ụka nke Iri Atọ na otu n’Oge Na-Adanyeghị N’Emume – Afọ nke Atọ.

Nke a bụ Igbo Mass Readings for November 5 2028, Ụka nke Iri Atọ na otu n’Oge Na-Adanyeghị N’Emume – Afọ nke Atọ.

IHE ỌGỤGỤ NKE MBỤ – 11:22-12:2

Ihe Ọgụgụ e wetara n’Akwụkwọ Amamihe

Isi Okwu: “Ị na-emere mmadụ niile ebere n’ihi na Ị hụrụ ihe niile n’anya”

Dinwenụ, n’anya Gị, ụwa niile ha ka otu mkpụrụ aja, nke na-adịghị anyị arọ. Ọ dịkwa ka otu mkpụrụ ijiriji ụtụtụ dasara n’ala. Mana Ị na-emere ihe niile ebere, maka na I nwere ike ime ihe niile.

Advertisement

Ị na-elefuru anya na njọ mmadụ, iji mee ka ha chegharịa. N’ezie, Ị hụrụ ihe niile dị ndụ n’anya. E nweghị ihe ọ bụla I kere, bụ nke Ị kpọrọ asị; n’ihi na, ọ bụrụ na Ị kpọrọ ihe ọ bụla asị, Ị garaghị akpụ ya.

Kedụ ka ihe ọ bụla ga-esi adị, ma ọ bụrụ na Ị chọghị ka ọ dị? Olee otu a ga-esi chekwaba ihe na-esighị n’aka Gị bịa? Ị na-eme ka ihe niile dịrị, n’ihi na ha bụ nke Gị.

Dinwenụ! Onye hụrụ ndụ n’anya! Ọ bụ Gị na-echekwaba ihe niile, maka na ha bụ nke Gị. Maka na mmụọ Gị, bụ anwụ anwụ, dị n’ihe niile. Nwayọọ, nwayọọ, ka I ji agbaziri ndị na-emehie mmehie; Ị na-adụ ha ọdụ, Ị na-echetakwara ha otu ha siri mehie, ka ha were sepụ aka n’ihe ọjọọ were tụkwasa obi na Gị bụ Osebụrụwa.

ABỤỌMA NA AZỊZA YA – 144:1-2, 8-11, 13-14 Az. 1

Azịza: Chineke m na Eze m, aga m etogide aha Gị ruo mgbe ebighị ebi.

Advertisement

1. Chineke m na Eze m, aga m eto Gị.

Aga m agọzi aha Gị ebighị ebi.

Aga m eto Gị kwa ụbọchị.

Aga m eto aha Gị ebighị ebi. Azịza.

Advertisement

2. Onyenweanyị bụ Onye amara na Onye ebere.

Ọ naghị ewe iwe ọkụ.

Obi ọma Ya ebuka!

Ọ na-emere ihe niile O kere eke ebere. Azịza.

Advertisement

3. Onyenweanyị, ka ihe niile I kere kelee Gị.

Ka ndị kwere na Gị too Gị.

Ha kọọ akụkọ ebube nke alaeze Gị.

Ha kwuo okwu banyere ịdị ike Gị. Azịza.

Advertisement

4. Onyenweanyị kwesịrị ntụkwasị obi n’okwu Ya niile.

Ọ dịkwa asọ n’ọrụ aka Ya niile.

Onyenweanyị na-ebulite ndị niile na-ada ada.

Ọ na-ekulite ndị niile huru ehuru. Azịza.

Advertisement

IHE ỌGỤGỤ NKE ABỤỌ – 1:11-2:2

Ihe Ọgụgụ e wetara n’Akwụkwọ Ozi Nke Abụọ Pọl dị asọ degaara ndị Tesalonịka

Isi Okwu: A ga-enye aha Kristi otito n’ime ụnụ; tookwa ụnụ n’ime Ya.

Anyị na-echeta ụnụ n’expere ugboro ugboro, na-arịọ ka Chineke anyị mee, ka ụnụ bụrụ ndị kwesịrị ekwesị maka oku ahụ Ọ kpọrọ ụnụ. Anyị na-arịọkwa ka O were ike Ya nyezuo ụnụ ihe ọma niile na-agụ ụnụ agụụ n’obi, bịakwa mezuo ihe niile ụnụ na-eme n’okwukwe.

Otu a ka a ga-esi enye aha Onyenweanyị Jesu Kristi otito n’ime ụnụ, bịakwa nye ụnụ otito n’ime Ya, site n’amara nke Chineke anyị na nke Onyenweanyị Jesu Kristi.

Advertisement

Ụmụnna m, a bịa n’okwu gbasara ọbịbịa nke Onyenweanyị Jesu Kristi, na otu anyị niile ga-esi gbaa ya gburugburu, ụnụ ekwekwala ka ume na obi koro ụnụ n’elu ọsọsọ.

Ka ụnụ ghara ikwenye akụkọ a na-akọ ugbu a, nke na-asị na oge ọbịbịa Onyenweanyị eruola. Ọ bụrụ na ụnụ ahụ ndị na-ahụ ọhụ pụrụ iche banyere nke a, ma ọ bụ ndị na-ekwu na ha sitere n’aka Chineke nata ozi pụrụ iche banyere ya, ma ọ bụ ndị ga-agwa ụnụ na ha nwetara akwụkwọ anyị dere banyere okwu a, ụnụ ekwenyela n’ihe ndị a.

MBEKU – Luk 19: 38

Aleluya, aleluya!

Ngọzi dịrị Eze na-abịa n’aha Dinwenụ! Udo n’eluigwe, otito n’elu kacha elu.

Advertisement

Aleluya!

OZIỌMA – 19:1-10

Ihe Ọgụgụ nke a si n’Oziọma dị nsọ nke Luk dere

Isi Okwu: Nwa nke Mmadụ bịara ịchọ na ịzọpụta ihe furu efu

Mgbe Jesu banyere na Jeriko, wee na-agafe n’ime obodo ahụ, otu nwoke a na-akpọ Zakịọs pụtara. Nwoke ahụ bụ nnukwu ọgaranya, bụrụkwa onye isi ndị ọna-ụtụ.

Advertisement

Ọ gụrụ ya agụụ n’obi ịhụ Jesu, mana o nweghị ike ilefe anya n’isi igwe mmadụ ahụ, n’ihi na ọ dị mkpụ mkpụ. Ọ gbaara ọsọ, gawa n’ihu, rịgoro n’elu osisi sikamọ, ka o wee nwee ike ịhụ Jesu, Onye si n’ụzọ ahụ agafe.

Mgbe Jesu bịaruru n’ebe ahụ, o leliri anya elu, hụ Zakịọs, sị ya: “Zakịọs! Ngwa rịdata, n’ihi na-aga M anọ n’ụlọ gị taa!” Zakịọs jiri ọsọ rịdata, werekwa ọñụ nabata Jesu.

Mgbe igwe mmadụ ahụ hụrụ ihe na-emenụ, ha tamuru ntamu sị: “Ọ gaala ịnọ na be onye njọ!” Ma Zakịọs guzooro, sị Onyenweanyị: “Nna m ukwu! Lee! Aga m ewere ọkara ihe niile m nwere keere ụmụ ogbenye.

A sịkwanụ o nwere onye ọ bụla m ghọgburu, aga m akwụ ụgwọ ya mmaji anọ.” Jesu wee sị ya: “Taa ka nzọpụta bịaruru n’ụlọ a, ebe ọ bụ na nwoke a sokwa bụrụ nwa Ebreham. Maka na Nwa nke Mmadụ bịara ịchọpụta na ịzọpụta ihe furu efu.

Advertisement

Igbo Mass Readings for November 6 2028, Mọnde Izuụka nke Iri Atọ na Otu N’Oge Nkịtị

Igbo Mass Readings for November 5 2028, Ụka nke Iri Atọ na otu n’Oge Na-Adanyeghị N’Emume – Afọ nke Atọ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.