Connect with us

Igbo Sunday Readings - Cycle A

Igbo Mass Readings for June 28 2026, Ụka nke Iri na atọ n’Oge Nkịtị

Published

on

Igbo Mass Readings for June 28 2026, Ụka nke Iri na atọ n’Oge Na-Adanyeghị N’Emume – Afọ nke Mbụ.

Nke a bụ Igbo Mass Readings for June 28 2026, Ụka nke Iri na atọ n’Oge Na-Adanyeghị N’Emume – Afọ nke Mbụ.

IHE ỌGỤGỤ NKE MBỤ – 4:8-11, 14-16

Ihe Ọgụgụ e wetara n’Akwụkwọ Abụọ nke Ndị Eze

Isi Okwu: Onye a bụ onye nsọ Chineke. Ya zuru ike ebe ahụ.

Otu ụbọchị, Elisha bịara na Shunem ebe otu nwanyị nwere akụ hie nne bi. Nwanyị ahụ rịọrọ ya ka ọ bịa rie nri n’ụlọ ya. Mgbe ọ bụla Elisha na-agafe, ọ na-akwụsị na be nwanyị ahụ rie nri.

Advertisement

N’ihi ya ka nwanyị ahụ ji gwa di ya: “O doro m anya na nwoke a bụ onye nsọ nke Chineke. Ebe ọ bụ na ọ na-abịakwute anyị ugboro ugboro, ka anyị meziere ya otu ọnụ ụlọ n’ime ụlọ elu anyị, bịakwa tinyere ya otu akwa-ndina, oche ukwu na ochenta na mpanaka, ka o wee bụrụ na mgbe ọ bụla ọ bịakwutere anyị, ọ ga-anọ ebe ahụ.

Otu ụbọchị ọzọ Elisha bịakwara Shunem gaa n’ọnụ ụlọ ahụ izu ike. E mechaa, Elisha jụrụ sị: “E nwere ihe a ga-emere nwanyị a? Gehazi zara sị: “E-e, o nweghị nwa nwoke.

Di ya aghọọla agadi”. Elisha sị: “Kpọọ ya”. Mgbe a kpọrọ ya, ọ bịara guzo n’ọnụ ụzọ. Elisha wee kwe ya nkwa sị: N’oge ugbu a n’afọ ọzọ, Ị ga-eku nwa nwoke n’aka gị”.

ABỤỌMA NA AZỊZA YA – 89:2-3, 16-17, 18-19

Azịza: Aga m ekwe ukwe ịdịmma nke Onyenweanyị ruo mgbe ebighị ebi.

Advertisement

1. Aga m ekwe ukwe amara nke Onyenweanyị ruo mgbe ebighị ebi.

Site na ndụdụgandụ ruo na ndụdụgandụ,

ọnụ m ga-ekwupụta na I kwesịrị ntụkwasị obi.

N’ihi na I kwuru sị: “E hiwere obi ọma M ruo mgbe ebighị ebi”.

Advertisement

I mere ka idebe nkwa I kwere guzosie ike n’igwe. Azịza.

2. Ngọzi dịrị ndị ma maka mkpu añụrị ahụ Onyenweanyị,

ha na-aga n’ìhè nke ihu Gị.

Ha na-añụrị ọñụ n’aha Gị bido na chi ọbụbọ ruo na chi ojiji.

Advertisement

Ọ bụkwa ikpe nkwụmọtọ Gị na-ewelite ha elu. Azịza.

3. Maka na Ị bụ ebube nke mgbasike ha nwere.

Ọ bụ site n’amara Gị ka anyị ji eweli mpi elu.

N’ihi na ọ bụ Onyenweanyị nwe ichedo anyị.

Advertisement

Nchedo anyị nọ n’aka eze anyị na onye dị nsọ nke Izrel. Azịza.

IHE ỌGỤGỤ NKE ABỤỌ – 6:3-4,8-11

Ihe Ọgụgụ e wetara n’Akwụkwọ Ozi Pọl dị asọ degaara ndị Rom.

Isi Okwu: Mgbe e mere anyị mmirichukwu, e likọdoro anyị na Kristi; ka anyị wee dịba ndụ ọhụrụ.

Akụziiri ụnụ na, mgbe e mere anyị mmirichukwu n’ime Kristi Jesu, e mere anyị mmirichukwu n’ime ọnwụ Ya. Ihe ọ pụtara bụ na, mgbe e mere anyị mmirichukwu, anyị soro Ya banye n’ime ili; e jikọrọ anyị na Ya n’ọnwụ Ya; ka o wee bụrụ na, otu e si were ebube Nna, si na ndị nwụrụ anwụ bilite Kristi, otu ahụ kwa ka anyị ga-esi na-ebi ndụ ọhụrụ.

Advertisement

Ma okwukwe anyị kwuru, na ebe anyị soro Kristi nwụọ, anyị ga-esokwa Ya adị ndụ ọzọ. Dịka anyị si mara, ebe ọ bụ na Kristi ebilitela n’ọnwụ, O nweghị ike ịnwụkwa ọzọ.

Ọnwụ enweghịkwa ike ọ bụla n’ebe Ọ nọ. Mgbe ọ nwụrụ, O jiri otu ịnwụ ọnwụ maka njọ, nwụchie ụzọ ọnwụ; nke pụtara na ndụ Ọ dị ugbu a, bụ ndụ a dịịrị Chineke. N’otu aka ahụ kwa, ụnụ ga-ewere onwe ụnụ, ka ndị nwụrụ anwụ maka njọ, bịakwa dịịrị Chineke ndụ n’ime Kristi Jesu.

MBEKU – Jọn. 8:12

Aleluya, aleluya!

Onyenweanyị kwuru sị: ‘Abụ M ihe nke ụwa. Onye ọ bụla na-eso M, ga-enwe ihè ndụ.’

Advertisement

Aleluya!

OZIỌMA – 10:37-42

Ihe Ọgụgụ nke a si n’Oziọma dị asọ nke Matiu dere

Isi Okwu: Onye na-eburughị obe ya, ekwesịghị ekwesị maka M. Onye nabatara ụnụ nabatara M.

Jesu gwara Ụmụazụ Ya: “Onye ọ bụla hụrụ nna ya, ma ọ bụ nne ya n’anya karịa M ekwesịghị ịbụ onye nke M. Onye ọ bụla na-eburughị obe ya, na-esote na nzọ-ụkwụ M, ekwesịghị ịbụ onye nke M.

Advertisement

Onye ọ bụla chọtara ndụ ya, ga-atufu ya. Ma onye ọ bụla tufuru ndụ ya n’ihi M, ga-achọta ya. “Onye ọ bụla nabatara ụnụ, nabatara M. Onye ọ bụla nabatara M, nabatara Onye ahụ zitere M.

Onye ọ bụla nabatara onye amụma, n’ihi na ọ bụ onye amụma, ga-enweta ụgwọ onye amụma. Onye ọ bụla nabatara onye ezi omume, n’ihi na ọ bụ onye ezi omume, ga-enweta ụgwọ onye ezi omume.

“Ọ bụrụgodu otu iko mmiri oyi ka mmadụ kụnyere otu n’ime ụmụntakịrị ndị a, maka na ọ bụ Nwaazụ M, n’ezie, asị M ụnụ; o nweghị ihe ga-eme ka mmadụ ahụ ghara ịnata ụgwọ ya.”

Igbo Mass Readings for June 29 2026, Emume nke Pita na Pọl dị Asọ

Advertisement

Igbo Mass Readings for June 28 2026, Ụka nke Iri na atọ n’Oge Na-Adanyeghị N’Emume – Afọ nke Mbụ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.