Connect with us

Igbo Sunday Readings - Cycle B

Igbo Mass Readings for June 9 2024, Ụka nke Iri n’Oge Nkịtị

Published

on

Igbo Mass Readings for June 9 2024, Ụka nke Iri n’Oge Na-Adanyeghị N’Emume – Afọ nke Abụọ.

Nke a bụ Igbo Mass Readings for June 9 2024, Ụka nke Iri n’Oge Na-Adanyeghị N’Emume – Afọ nke Abụọ.

IHE ỌGỤGỤ NKE MBỤ – 3:9-15

Ihe Ọgụgụ e wetara n’akwụkwọ Jenesis

Isi Okwu: Aga m etinye iro n’etiti ụnụ: gị na nwanyị ahụ, n’etiti mkpụrụ gị na mkpụrụ ya.

Onyenweanyị Chineke wee kpọọ nwoke ahụ jụọ ya sị: “Olee ebe ị nọ”? Ọ zara Ya sị: “Anụrụ m mkpọtụ Gị n’ogige. Ma egwu na-atụ m n’ihi na agba m ọtọ, m wee zoo onwe m”.

Advertisement

Ọ jụkwaa ya ọzọ: “Onye gwara gị na ị gba ọtọ? Ọ pụtara na ị nọ na-ata mkpụrụ osisi ahụ M gwara gị atala.” Nwoke ahụ zara ya: “Nwanyị a I tinyekọtara mụ na ya n’ebe a – ọ bụ ya nyere m mkpụrụ osisi ahụ, m wee taa ya.”

Onyenweanyị Chineke abịa jụọ nwanyị ahụ: “Ọ bụ gịnị kpatara i jiri mee ihe dị otu a?” Nwanyị a zaghachiri sị: “Ọ bụ agwọ ghọgburu m, m wee taa ya.”

Onyenweanyị Chineke ewere gwa agwọ sị: “N’ihi ihe a i mere, ị ghọọla anụ a bụrụ ọnụ n’etiti ụmụ anụmanụ, na etiti anụ ọhịa niile. Afọ ka ị ga-eji na-akpụ n’ala. Ihe ruru inyi ka ị ga na-eri n’ụbọchị ndụ gị niile.

Aga m etinye iro n’etiti gị na nwanyị, n’etiti mkpụrụ gị na mkpụrụ ya. Ọ ga-azọpịa gị isi ma ị ga-ata Ya n’ikiri ụkwụ.”

Advertisement

ABỤỌMA NA AZỊZA YA – 129:1-8 Az. 7

Azịza: Onyenweanyị nwere ebere na uju mgbapụta.

1. Onyenweanyị, ọ bụ site n’ogbu mmiri nke ahụhụ ka m na-akpokụ Gị.

Onyenwe m, nụrụ olu m.

Gee ntị n’olu akwa m.

Advertisement

Za m, nyekwara m aka. Azịza.

2. Onyenweanyị, ọ bụrụ na ị hụbachaa mmehie anyị niile ama,

ọ bụ onye ga-afọdụ?

Ma mgbaghara bụ nke Gị.

Advertisement

N’ihi ya ka anyị ji asọpụrụ Gị. Azịza.

3. Atụkwasara m obi n’Onyenweanyị.

Mkpụrụobi m niile tụkwasara n’okwu Ya.

Izrel, chebe Onyenweanyị karịa ka onye nche abalị si eche chi ọbụbọ. Azịza

Advertisement

4. N’ihi na Onyenweanyị nwe obi ọma na uju mgbapụta.

Ọ ga-agbapụta Izrel na mmehie ya niile. Azịza

IHE ỌGỤGỤ NKE ABỤỌ – 4:13-5:1

Ihe Ọgụgụ e wetara n’Akwụkwọ Ozi Abụọ Pọl dị asọ degaara ndị Kọrịnt.

Isi Okwu: Anyị Kwere ekwe, ya mere m jiri kwuwapụta okwu.

Advertisement

Ebe anyị nwere otu mmụọ nke okwukwe ahụ kpalitere Akwụkwọ Nsọ ka o kwuo sị: “Ekwere m ekwe, ya mere m jiri kwuwapụta okwu; anyị onwe anyị kwere ekwe.

Ọ bụkwa n’ihi na anyị kwere ekwe ka anyị ji kwuwapụta okwu. Anyị makwa na Chmeke, Onye mere ka Onyenweanyị Jesu si n’ọnwụ bilie, ga-emekwa ka anyị soro Jesu si n’ọnwụ bilie n’oge nke anyị.

Ọ ga-akpọtakwa anyị na ụnụ n’akụkụ Ya. Ụnụ ahụla na e doziri ihe ndị a niile maka ọdịmma ụnụ; ka o wee bụrụ na mgbe a na-amụba amara n’etiti ndị mmadụ, mgbe ahụ kwa ka inye ekele na-amụba maka otito na ebube nke Chineke.

Ọ bụ ya mere na ike anaghị agwụ anyị! Kama ike ga-agwụ anyị, ọ bụrụgodụ na ihe anyị jiri bụrụ mmadụ nke dị anyị n’elu ahụ na-ala n’ureghure, ndụ ọhụrụ dị anyị n’ime mmụọ na-ebuwanye kwa ụbọchị kwa ụbọchị.

Advertisement

Ntakịrị ahụhụ ndị a na-agafe agafe anyị bu n’isi ugbu a, na-enye anyị ọzụzụ maka ibute nnukwu ebube dị ebighị ebi, nke gbara ọkpụrụkpụ na-enweghị atụ.

Ọ pụtara na anyị nwere anya nke na-elefuru anya n’ihe a na-ahụ anya, wee na-ele ihe a naghị ahụ anya; n’ihi na ihe a na ahụ anya na-adị nwa oge. Ma ihe a na-adịghị ahụ na-adịgide ruo mgbe ebighị ebi.

Anyị ma nke ọma na mgbe a kwaturu ụlọ a-lawa-a-ghara nke anyị bi n’ime ya n’ụwa a, a ga-akpọbata anyị n’ụlọ Chineke wuuru anyị n’eluigwe, nke bụ ebe obibi dị ebighị ebi, a na-ejighị aka mmadụ nkịtị wee wuo.

MBEKU – Eph. 1:17-18

Aleluya, aleluya!

Advertisement

Onyenweanyị, meghee obi anyị ka anyị nụ okwu nke Nwa Gị.

Aleluya!

OZIỌMA- 30:20-35

Ihe Ọgụgụ nke a si n’Oziọma dị asọ nke Mak dere.

Isi Okwu: Ike ekwensu enweghị ike iguzo.

Advertisement

Jesu lọtara n’ụlọ, Ya na Ụmụazụ Ya. Oke igwe mmadụ zukọkwara ọzọ, nke mere na Jesu na Ụmụazụ Ya enweghị ohere ọ bụla iri ihe. Mgbe ndị ikwu na ibe Ya nụrụ ya, ha bịara gbalịa idulata ya n’ụlọ ha, n’ihi na ha chere n’onwe ha sị: “Isi adịghị ya mma.”

Ndị ode-akwụkwọ ndị si na Jerusalem gbadata na-ekwukwa sị: “Ajọ mmụọ ji Ya aka”. Ndị ọzọ na-ekwukwa sị: “Ọ bụ n’ike eze ajọ mmụọ a ka O ji achụpụ ndị mmụọ ọjọọ. N’ihi nke a, Jesu weere ihe ọmụma atụ na-agwa ha sị” “Ekwensu, o nwere ike ịchụpụ ekwensu?

Ọ bụrụ na alaeze kewara ekewa, bịakwa nọrọ n’ibe n’ibe site n’ọgba aghara, o nweghị ike ịnọte aka tupu alaeze ahụ alaa n’iyii. Ọ bụrụ na ezi na ụlọ kewara ekewa, na-ebuso onwe ya agha, ezi na ụlọ ahụ enweghị ike ịnọte aka tupu ọ laa n’iyii.

Ọ bụrụ na ekwensu na ekwensu ibe ya na-ebuso onwe ha agha, kedụ ka alaeze ha ga-esi akwụdo? Nke ha agwụla! Ma o nweghị onye ọ bụla nwere ike ịbanye n’ụlọ dike, kwakọrọ ngwongwo o ji bụrụ ọgaranya, e wepụ ma o buru ụzọ kee dikeọgụ ahụ agbụ.

Advertisement

Sọ mgbe ahụ ka o nwere ike banye bukọrọ ngwongwo dị n’ụlọ ya. “N’eziokwu ka M na-agwa ụnụ, nkwutọ niile e kwutọrọ Chineke, a ga-agbaghara ha. Ma nkwutọ ọ bụla e kwutọrọ Mmụọ Nsọ, e nweghị ike ịgbaghara ya.

Onye mere ya, a ga-ama ya ikpe nke njọ dị ebighị ebi.” O kwuru ihe a maka na ha kwuru sị: “Ọ bụ ajọ mmụọ bi n’ime Ya.” Mgbe ahụ nne Ya na ụmụnne ya bịara guzo n’ezi, zie Ya ozi ka Ọ pụta n’ezi. Igwe mmadụ gbara Ya gburugburu gwara Ya sị: “Nne Gị na ụmụnne Gị nọ n’ezi na-achọ ịhụ Gị.”

O wee zaa ha sị: “Onye bụ nne m na ụmụnne m?” Mgbe o lere ndị nọ Ya gburugburu anya, Ọ sị: “Lee, ndị a bụ nne m na ụmụnne m. Onye ọ bụla na-eme ihe Chineke na-achọ, onye ahụ bụ nwanne m nwoke, na nwanne m nwanyị, na nne m.

Igbo Mass Readings for June 10 2024, Mọnde Izuụka nke Iri n’Oge Na-Adanyeghị N’Emume

Advertisement

Igbo Mass Readings for June 9 2024, Ụka nke Iri n’Oge Na-Adanyeghị N’Emume – Afọ nke Abụọ.

Catholic Lector is the founder of Catholiclectionary.com. I am a Theologian, a commissioned Lector, and Liturgy Minister. I lead the team that operates Catholiclectionary.com which is a Catholic Church-related website that provides you, on daily basis, with the following: (a) Catholic Daily Mass Readings (b) Reflections on the Daily Mass Readings (c) Daily Prayers (d) Catholic Hymns, and (e) Saints of the Day. I and my team work for the collective growth in spiritual lives of all the faithful.

Advertisement

Get Daily Mass Readings through Email

You have successfully subscribed to the newsletter

There was an error while trying to send your request. Please try again.

Catholic Lectionary will use the information you provide on this form to be in touch with you and to provide updates and marketing.