Igbo Mass Readings for Wednesday of Fourth Week of Lent

WEDNESDAY: IZU UKA NKE ANO N’OGE AHUHU KRISTI.

EKPERE MMEGHE
Dinwenu I na-eji iheoma akwughachi eziomume ma na-agbagharakwa onye njo loghara elogha. Biko mee ka mgbaghara Gi ruo anyj aka, okacha, oge ugbu a anyi na-ekwuputa mmehic anyi n’ihu Gi. Site na Dinwenu anyi Jesu Kristi …

Ihe Ogugu nke mbu 49:8-15
Ihe ogugu ewetara n’Akwukwo onye amuma Aizaya
Nke a ka Chineke kwuru; Mgbe unu kpokuru m, azara m unu; n’oge nzoputa enyeere m unu aka. Echekwara m unu, were unu mee ogbugbandu mu na ndi mmadu, enyeghachiri m unu ala ahu, kesara unu akunuuba a gbahapuru agbahapu. O na agwa ndi no na mkporo. “Putanu” ndi no na ochichiri “Gosinu onwe unu.” Ha ga-eri nri n’okporo uzo. Aga m azu ha nri n’ugwu ebe ahihja na-adighi. Aguu mmiri ma o bu nri agaghi agu ha. Ikuku kporo nku ma o bu oke anwu agaghi achagbu ha, maka onye ahu nwere ebere n’ebe ha no na-edu ha: O ga-eduga ha n’akuku mmiri. Aga m eme ugwu m niile ha aburu okporo uzo, mee okporo uzo m niile ka ha kwuru chim. Lee, ha si n’ebe di anya na-abia, ufodu si ebe mgbago na ebe odida anyanwu, ndi ozo si n’ala Simim. Eluigwe na ihe niile di n’ime ya nurjanu; ugwu niile kweenu ukwe anuri maka na Yahweh aguguola ndi nke ya. O ga-emere ndi nke ya no na nsogbu ebere. Mana Zayon siri, “Oseburuwa agbahapula m, Chineke echefuola. Nne o nwere ike ichefu nwa ya na-anu ara, nke na o gaghi enwe obi ebere n’ebe nwa o muru amu no? O burudi na ha nwere ike ichezo, agaghi m echezo unu.

ABUOMA NA AZIZA: Ps: 145:8-9, 13-14, 17-18.
Aziza: Onyenweanyi bu onye amara na onye obi ebere.

  1. Onyenweanyi bu onye amara na onye obi ebere,
    o naghi ewe iwe osooso, o juputara. n’ihunaanya
    Onyenweanyi na-egosi mmadu niile obi oma ya,
    ebere nke Onyenweanyi na-erute ihe niile o kere. Az
  2. Onyenweanyi di ntukwasi obi n’okwu ya niile,
    omume ya niile juputara n’obi ebere,
    Onyenweanyi na azo ndi na-ada ada,
    O na-ekulite ndi a kudara n’ala. Az/
  3. Onyenweanyi di mma n’uzo ya niile,
    oru aka ya niile na-egosi ihunaanya ya,
    Onyenweanyi no ndi niile na-akpoku ya nso,
    ndi ji ezi obi na-akpoku ya. Az./

MBEKU: Jn:3:16.
Az/
N’ihina Chineke huru uwa n’anya otu a, nke na o nyere so otu nwa ya ka onye obula nke kwere na ya ghara ila n’iyi kama ka o nwee ndu ebeebe.Az/

OZIOMA 5:17-30.
Ihe ogugu ewetara n’Ozioma di aso nke Jon dere.
Jesu zara ndi Juu si, ‘Nna m na aru oru n’ewepughi aka ruo ugbu a. Mu onwe m na arukwa n’ewepughi aka.” Nke a mere ndi Juu ji chosibe ike uzo ha ga-esi gbuo Jesu. N’ihina o bughi naani na o na-emebi iwu ubochi izu ike, kama o na-ekwukwa na Chineke bu Nna ya, na emekwa ka ya na Chineke hara. Jesu gwara ha si: “N’ezie agwa m unu, Nwa apughi ime the obula n’onwe ya na-abughi sooso ihe o huru Nna ya na eme. N’ihina ihe obula Nna na-eme ka Nwa ya na-emekwa. Nna huru Nwa ya n’anya, na egosikwa ya ihe obula o na-eme. O ga-egosikwa ya oru ebube kariri ndi a ka o wee ju unu anya. Dika Nna si akpolite ndi nwuru anwu ma nye ha ndu, otu ahu ka Nwa ya si enye ndi masiri ya ndu. Nna anaghi ekpe onye obula ikpe, kama o werela ike ikpe ikpe niile nye nwa ya. O mere otu a ka mmadu niile na-asopuru Nwa ahu dika ha si asopuru Nna ya. N’ihina onye obula na-adighi asopuru Nwa ahu adighi asopuru Nna ahu zitere ya. Ka m gwa unu eziokwu, onye obula nke nuru okwu m, ma kwenye na onye nke zitere m nwere ndu ebeebe, a gaghi ama ya ikpe, kama o sitela n’onwu banye na ndu. N’eziokwu, oge na-abia, ma oge ahu abiala ugbu a, mgbe ndi nwuru anwu ga-anu olu Nwa Chineke; ndi nuru ya ga-adikwa ndu. Dika Nna n’onwe ya si buru isiyi nke ndu, otu ahu ka Nwa ya si burukwa isiiyi nke ndu. O nyekwara Nwa ya ike ikpe ikpe n’ihina o bu Nwa nke mmadu ahu. Nke a atula unu n’anya n’ihina oge na-abia mgbe ndi niile no n’ili ga-anu olu ya, wee si n’ili ha puta. Ndi mere iheoma ga-esi n’onwu bilie di ndu; ndi mere ihe ojoo ga-esikwa n’onwu bilie nata amamikpe. “Apughi m ime ihe obula n’ike aka m, otu m si nu, ka m si ekpe ikpe. N’ihi nke a ikpe m ziri ezi, maka na obughi uche m ka m na-eme kama o bu uche onye zitere m.
EKPERE NHUNYE
Dinwenu Chineke anyi, mee ka ike aja nke a sachapu njo anyi, nye anyi ndu ohuru ma duruokwa anyi n’uzo nzoputa. Anyi na-ario Gi ihe ndja site na Kristi Dinwenu anyi. Amen.

EKPERE ANATACHAA ORIRI NSO
Dinwenu, ekwekwala ka anyj laa onyinye Gj ndi a na-azo ndu n’iyi, kama ka anyj na-ahu n’ime ha isiiyi nke ndų na nzoputa. Mezuoro anyi ihe ndi a site na Kristi Dinwenu anyį. Amen.

error: Content is protected !!
Open chat
1
Catholic Lectionary
Hello 👋
How can I help you?