Igbo Mass Readings for Wednesday of First Week of Lent

WEDNEZDEE IZU UKA NKE MBU N’OGE NCHETA AHUHU KRISTI.

EKPERE MMEGHE

Dinwenu, lekwasi anyi anya ma nuru ekpere anyi. Site n’ezi oru nke I na-akwalite, nyere anyi aka ichikota ahu anyi ma nwetakwa ndu ohuru n’ime mmuo. Site na Dinwenu anyi Jesu Kristi

Ihe Ogugu nke mbu: 3:1-10
Ihe ogugu ewetara n’ Akwukwo onye Amuma Jona

Okwu nke Yahweh biakwutere Jona nke ugboro abuo. O siri, “Kulite, gaa na Ninive, obodo ukwu ahu, gwa ha okwu m ga-agwa gi.” Jona biliri gaa Ninive n’irubeisi n’okwu nke Chineke. Ninive bu nnukwu obodo, o na-ewe mkpuru ubochi ato iji gafe uhie ya. Jona jiri otu ubochi gagharia n’ime obodo ahu na-ekwu na-asi; “O Foduru naani iri ubochi ano ka e mebie Ninive.”
Ndi obodo Ninive biara kwenye na Chineke, wee tie iwu na onye obula ga-ebu onu, yiri akwa iru uju bido n’onye ukwu ruo n’onye nta ha. Mgbe akuko a rutere onye eze nke Ninive, o siri n’oche eze nke ya bilie, yipu efe eze ya, bia chiri akwa iru uju yiri, nodukwa odu na ntu. O mere ka e kwuputa ya n’obodo Ninive niile site n’iwu ya na ndiisi ochichi ya tiri si: “O nweghi mmadu ma o bu anumaanu obula a na-azu ga-eri ihe obula. Ka mmadu niile yiri akwa iru uju wee kpokuo Chineke n’ike ha niile. Ka onye obula hapu uzo ojoo ya niile nakwa mkpagbu ya niile. Onye maara ma Chineke o ga-agbanwe obi ya, hapu iwe ya di oku ka anyi ghara ila na iyi.” Mgbe Chineke huru mkpebi ha, otu ha siri chegharia na mmehie ha niile, O gbanwere obi ya wee hapu ita ha ahuhu ahu ochoburu ita ha.
ABUOMA NA AZIZA: Ps 51: 3-4, 12-13,M 18-19.
Aziza: I naghi aju obi gbawara agbawa na nke loghara elogha.

  1. Meere m ebere O Chineke site n’ihunaanya gl,
    site na nnukwu obi ebere gi hichapu njo m niile
    Sachapu mmehie m niile,
    wuchapu m na njo m. Az./
  2. Chineke, kenye obi di ocha n’ime m,
    tinye n’ime m mmuo ohuru na nke siri ike.
    Achupukwala m n’ihu gi,
    anapukwala m mmuo nso gi. Az./
  3. I naghi enwe mmasi obula n’aja,
    Aja nsuruoku anaghi ato gi uto,
    Aja a na-achuru Chineke bu obi gbawara agbawa,
    I naghi aju obi gbawara agbawa na nke loghara elogha. Az./
    MBEKU: Ps 95,8.
    Az./
    Taa, o buru na unu anu olu ya, unu akpochila obis unu. Az./

OZIOMA: 11:29-32
Ihe ogugu ewetara n’Ozioma di aso nke Luk dere.

Mgbe igwe mmadu ahu na-abawanye, Jesu bidoro na-ekwu si, “Ogbo a bu ogbo ojoo; o na acho ihe ama, ma o dighi ihe ama a ga-enye ya karia ihe ama nke Jona.N’ihi na otu Jona si buuru ndi obodo Ninive ihe ama, otu ahu ka Nwa nke mmadu ahu ga-esi buuru ogbo a ihe ama. N’ubochi ikpe ahu, Ezenwaanyi Ndida ugwu ga ebili so ogbo a guzo n’ikpe, kpegbue ya. N’ihi na o si nsotu nke uwa bia inu okwu amamihe Solomon. Ma lee, ihe kariri Solomon no ebe a. Ndi obodo Ninive ga-eso ogbo a kulie n’ubochi ikpe, kpegbue ya; n’ihi na ha cheghariri mgbe ha nuru nkuzi Jona, ma lee, ihe ka Jona di n’ebe a.”
EKPERE NHUNYE

Dinwenu, site n’ihe niile I nyere anyi, anyi A ebutere Gi onyinye ndi a iji kwanyere Gi ùgwù. T Mee ka ha ghooro anyi sacramenti nke mgbaputa my anyi. Anyi na-ario Gi ihe ndia site na Kristi Dinwenu anyi. Amen.

EKPERE ANATACHAA ORIRI NSỌ

Nna, Įnaghi ahapu inye anyį nrị nke ndụ. Mee ka Eucharistia nke a nye anyi ike ohuru ma Tobid wetakwara anyi nzoputa. Mezuoro anyį ihe ndị a site na Kristi Dinwenu anyi. Amen.

error: Alert: Content is protected !!