Igbo Mass Readings for October 4 2023, Wednezde Izuụka nke Iri Abụọ na Isii N’Oge Adanyeghị n’Emume.

Nke a bụ Igbo Mass Readings for October 4 2023, Wednezde Izuụka nke Iri Abụọ na Isii N’Oge Adanyeghị n’Emume.

IHE ỌGỤGỤ NKE MBỤ – 2:1-8

Ihe Ọgụgụ e wetara n’Akwụkwọ Nehemiah

Otu ụbọchị n’ime ọnwa Nisan, n’afọ iri abụọ nke ọchịchị eze Atagzezes, mgbe eze nọ n’oche nri, e buuru m mmanya ịgbanyere ya. Ma otu ọ dị, o nwebeghị mgbe m na-agbarụ ihu oge m na-agba odibo n’oche nri eze. Nke a mere eze ji jụọ m sị, “Gịnị kpatara ihu jiri gbarụọ gị?

Ị dịghịkwanụ ka onye ahụ na-adịghị. O nweghị ọzọ ọ bụ abụghị obi ọjọọ. Mgbe ahụ nnukwu egwu ejide m. Agwara m ya sị, “Eze ị ga-adị ndụ ruo mgbe ebighịebi.

Gịnị ga-eme ihu aghara ịgbarụ m, ebe ọ bụ na obodo ebe e liri nna m ha abụrụla ihe tọgbọrọ n’efu, ọkụ erepịachaala ọnụụzọ ama ya niile?” Eze ajụọ m sị, “Ọ bụ gịnị bụzi mkpa gị?”

Ya mere ekpere m ekpere rịọ Chineke nke eluigwe, wee zaghachi eze sị, “Ọ bụrụ na ọ masịrị eze, ọ bụrụ na ọrụ m na-arụ dị ya mma, o nwere ike ziga m obodo Juda, n’obodo ebe e liri nna m ha, ka m rụgharịa ya.”

Ezenwaanyị nọ n’akụkụ eze mgbe eze jụrụ m sị, “Ị ga-anọ ruo ole mgbe? Kedụ mgbe ị ga-alọta?” Mgbe m gwara ya ụbọchị m ga-alọta, ọ sịrị m gaba.

Agwara m eze sị, “Ọ bụrụ na ọ ga-amasị gị, nye m akwụkwọozi m ga-enye ndịisi ọchịchị obodo nke dị n’ofe osimiri, ka ha nwee ike ịhapụ m ka gafee ruo obodo Juda.

Nyekwa m akwụkwọozi m ga-enye Asaf onye nlekọta ọhịa eze ka onye m osisi m ga-eji rụzie mgbidi ụlọ ahụ dị n’akụkụ ụlọnsọ, na mgbidi obodo ahụ, n’ụlọ nke m ga-ebi na ya.” Eze meere m ihe m rịọrọ ya n’ihina aka ọma Chineke m nọnyeere m.

ABỤỌMA NA AZỊZA – Ps. 137: 1-2, 3, 4-5,6

Azịza: Ka ire m tapara n’ọnụ m ma ọ bụrụ na m echefuo gị

1. N’akụkụ mmiri nke Babịlọn

ka anyị nọdụrụ ala bee akwa                        

mgbe anyị chetara Zayọn.

Anyị kobere ụbọ akwara anyị n’elu

osisi dị n’akụkụ mmiri ahụ. Azịza

2. Ebe ahụ ka ndị dọtara anyị n’agha gwara anyị

Ka anyị kweere ha ụfọdụ ukwe

nke Zayọn iji mee ha obi ụtọ. Azịza

3. Mana olee otu anyị ga-esi ekwe

Ukwe nke Onyenweanyị n’obodo ndị ọgọ mmụọ?

Ọ bụrụ na-echefuo m gị O Jerusalem,

Ka aka nri m kpọnwụọ! Azịza

4. Ka ire m tapara n’ọnụ m

ma ọ bụrụ na m echefuo gị

Ọ bụrụ na anaghị m ewere Jerusalem

Dịka ihe kacha enye m añụrị. Azịza

MBEKU – 1 Sam 3;9; Jọn 6:69

Alleluịa, Alleluịa:

Kwuwe Onyenwe m, nwodibo gị na-ege ntị. Ọ bụ gị jị okwu nke ndụ ebeebe.

Alleluịa.

OZIỌMA – 9:57-62

Ihe ọgụgụ nke a si n’Oziọma dị asọ nke Luk dere

Mgbe Jesu na ndị na-eso ụzọ ya na-aga n’ụzọ, otu nwoke sịrị Jesu, “Aga m eso gị ebe ọbụla ị na-eje.”

Jesu asị ya, “Nkịta ọhịa nwere ọnụ ebe ha na-edina, ụmụnnụnụ nke igwe nwekwara akwu, ma Nwa nke mmadụ enweghị ebe ọ ga-edobe isi.” 

Ọ gwara onyeọzọ sị, “So m.”  Ma onye ahụ sịrị, “Dinwenụ m, kwee ka m buru ụzọ gaa lie nna m.”

Jesu sịrị ya, “Hapụ ndị nwụrụ anwụ ka ha lie onwe ha. Ma gị onwe gị, gaa ka Ị kwusaa Alaeze Chineke.”

Onyeọzọ gwakwara ya sị, “Aga m eso gị Dinwenụ m, ma kwee ka m buru ụzọ gaa sị ndị nọ n’ụlọ m nọdụ mma.”

Jesu sịrị ya, “Onye ọbụla nke jidere ọgụ eji akọ ubi, ma anya atọ ya n’azụ, ekwesịghị alaeze nke Chineke.

Igbo Mass Readings for October 4 2023, Wednezde Izuụka nke Iri Abụọ na Isii N’Oge Adanyeghị n’Emume.